Фото: Порше 911 кабриолет добива жестока конкуренција

Британскиот произведувач на премиум спортски автомобили Астон Мартин претстави кабриолет верзија од моделот „Vantage“.

Новиот „Vantage“ изгледа феноменално, па нема сомнеж дека ќе претставува огромна конкуренција за Порше 911 кабриолет кога ќе се најде во продажба во 2020.

Дизајнерите на Астон Мартин успеале да ги задржат дивите линии на стандардниот модел и да го претворат во кабрио изведба.

Сепак, заради електричниот механизам за собирање на кровот и додатното зајакнување, кабриолетот ќе има послаби перформанси од стандардниот модел.

Потсетуваме. „Vantage“ купето е тешко 1.530 килограми и од 0 до 100 км/ч развива за 3,5 секунди, додека максималната брзина е 315 км/ч.

Губитокот на перформанси ќе биде компензиран со прекрасното чувство на возење во кабриолет и подобро слушање на „AMG“ моторот.

Под хаубата се наоѓа 4.0 литарски V8 Мерцедес мотор со 503 коњски сили.

Астон Мартин се уште ја нема соопштено цената за овој модел но се очекува да биде повисока од стандардната купе изведба

ОЈО: Притвор за осомничен за недозволена трговија со марихуана

На 2 декември, при личен преглед на осомничениот, овластени полициски службеници кај него пронашле 147,6 грама наркотична дрога – марихуана. Дрогата му била одземена, а осомничениот бил приведен информираат од ОЈО.

Јавен обвинител од Основното јавно обвинителство Скопје донесе Наредба за спроведување истражна постапка против 40-годишен скопјанец за кого постои основано сомневање дека сторил кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

На 2 декември, при личен преглед на осомничениот, овластени полициски службеници кај него пронашле 147,6 грама наркотична дрога – марихуана. Дрогата му била одземена, а осомничениот бил приведен.

Јавниот обвинител до судијата на претходна постапка при Основниот кривичен суд Скопје достави предлог за определување мерка притвор, проценувајќи дека осомниченото лице би можело да се даде во бегство или да го повтори делото. Судијата го прифати предлогот и на осомничениот му определи притвор во траење од 30 дена.​

Без вода денеска „Марко Орешковиќ" и дел од „Димо Хаџи Димов"

Без вода денеска од 09:00 часот ќе бидат корисниците од улицата „Марко Орешковиќ" и дел од улицата „Димо Хаџи Димов" во Општина Кисела Вода.

Како што соопштија од ЈП „Водовод и Канализација" – Скопје, причината за прекинот е дефектот ф-80мм на улицата „Марко Орешковиќ".

Водоснабдувањето ќе биде прекинато до завршување со активностите.

Пендаровски на сесија на ОН: Пандемијата бара системски одговор

Пандемијата на КОВИД-19 и натаму претставува најголем ризик за човештвото. Голем број семејства изгубија свои членови, а многу заедници се сериозно погодени.

Пандемијата како системска закана бара системски одговор. Треба заедно да продолжиме да работиме во создавањето на издржливи, добро управувани, одговорни, отчетни здравствени системи кои им служат на граѓаните, порача претседателот Стево Пендаровски на специјалната сесија на Генералното собрание на Обединетите нации, посветена на пандемијата на Ковид-19 што се одржа вчеравечер по средноевропско време.

– Пандемијата на КОВИД-19 и натаму претставува најголем ризик за човештвото. Голем број семејства изгубија свои членови, а многу заедници се сериозно погодени. Оваа здравствена криза ги зафати и другите сектори на нашите општества, а економиите претрпеа особено тешки загуби. Со својата здравствена, економска, социјална, хуманитарна и безбедносна димензија, пандемијата е голем тест за нашите земји на начин со каков досега се немавме соочено и нè потсети колку сме меѓусебно поврзани. Со страдањата што ги предизвикува, пандемијата ги разоткри системските слабости и нееднаквости во нашиот свет, рече Пендаровски.

Осврнувајќи се на состојбата и мерките што се преземаат за спречување на ширењето на вирусот во земјава, Пендаровски посочи дека е прогласена кризна состојба на целата територија на државата во рок од 30 дена со цел да му се помогне на здравствениот систем и да се спасат што е можно повеќе човечки животи.

– Оваа голема опасност исто така претставуваше и можност за нашите земји и народи да демонстрираат единство, солидарност и мултилатерална соработка. Во име на македонските граѓани, би сакал да им се заблагодарам на Обединетите нации и Светската здравствена организација за нивното лидерство во координирањето на глобалните напори за контрола и спречување на ширењето на КОВИД-19. Исто така, благодарни сме на сите земји и организации кои нè поддржаа со медицинска опрема, материјали и споделено знаење и искуство, рече Пендаровски.

Оцени дека многу предизвици ќе останат дури и во пост-КОВИД периодот. -Патот до социјално-економско, па дури и ментално закрепнување за многумина од нас ќе биде долг и сложен. Но, нема друга алтернатива. Човештвото треба со заеднички сили да работи на обновата на светот во кој ниту еден човек нема да биде изоставен, истакна Пендаровски на крајот на своето обраќање.

На сесијата што се одржува во рамки на Генералното собрание на Обединетите нации учествуваа над 150 шефови на држави, влади и министри.

притисни ентер