Првата жена се прошета низ вселената и ја поправи Меѓународната вселенска станица (ВИДЕО)

НАСА денеска одбележа историски настан кога астронаутката Кристина Кох заедно со нејзиниот колегаод Меѓународната вселенска станица, Ендрју Морган се прошетаа низ вселената.

Кристина Кох , освен што го урна рекордот од поминати 326 дена во вселенската станица , како жена со најдолг престој во неа, денеска е првата жена што прошета низ вселената.

Двајцата космонаути менуваат литиум-јонски батерии на структурата на обвивката Порт-6. Тие работеа надвор во вакуум просторот околу шест часа и 30 минути, со што ќе го надградат системот за напојување на станицата.

Вселенскиот излет во започна околу 7:50 утрово по источно американско време  и се очекува да трае 6 и пол часа. Кристина Кох и Ендру Морган, се меѓу шестте астронаути што сега се наоѓаат во станицата.

Серија планирани вселенски излети ќе продолжат во текот на следните три месеци, со што ќе се забележи темпо што до сега не било видено, откако беше направена лабораторијата за орбитирање во 2011 вредна околу 925.000 фунти.

„Тоа е навистина динамично “, изјави Кирк Ширман, програмски менаџер на НАСА за вселенската станица, брифингот во петокот . „Ќе биде возбудливо и забавно. Со нетрпение го очекуваме “.

Меган Мекартур, заменик началник на канцеларијата за вселенски агенции, претстојната прошетка ја нарече „богатство на вселенскиот брод“, додавајќи дека Кох и астронаутката на НАСА, Џесика Меир, ќе ја направат првата заедничка женска екскурзија во вселената на 21 октомври.

Нуркач успеа да се одбрани од напад на голема бела ајкула (ВИДЕО)

Пред два дена на Јутјуб се појави вознемирувачко видео од моментот кога големата бела ајкула го напаѓа нуркачот Џо Петрович.

Петрович тргнал на подводен риболов со пријателите, а на крајот станал плен на огромната ајкула која може да порасне меѓу пет до седум метри и да тежи дури два тона.

Се започна со тоа што Џо се оддалечил на 300 метри од бродот во обид да фати риба, по што забележал нешто големо што му приоѓа од длабочините.

Средбата траела долги девет минути, а за тоа време се  гледа исплашен нуркач како се брани со помош на харпун, додека ајкулата цело време се обидува да го нападне. За среќа, тој успеа да се одбрани.

"Бев околу 75% сигурен дека нема да се вратам повторно на бродот. Мислев дека ќе ја изгубам едната нога, а веројатно и половина од другата", изјави тој за списанието Sunrise, пренесува DailyMail.

И покрај застрашувачкиот инцидент, Петрович призна дека ќе продолжи со своето хоби.

НАСА на Марс откри древна оаза

Во дното на кратерот Гејл , каде врши истражувања роверот Кјуриозити , се пронајдени остатоци од многу мали езера.

Целото подрачје , каде врши истражувања роверот нас НАСА има дијаметар од 150 километри. Научниците претпоставуваат дека пред повеќе од 3,5 милијарди години таму имало вода и дека низ кратерот течеле реки што се слевале во езерата. Овие водено системи најверојатно исчезнувале , па се појавувале во временски интервали од енколку стотици милиони години.

Креторот Гејл е создаден во древно минато по силно влијание на вселенско тело на површината на Црвената планета. Седиментите, пренесени од вода и ветер, наскоро ја исполниле основата на кратерот, слој по слој. Откако се зацврстил талогот, ветрот ја издлабил високата планина, на која деновиве се искачува љубопитниот ровер. Роверот сега се наоѓа во подножјето на таа планина и истражува слоеви на историјата на Марс кои откриваат како се формирале карпите во тој период.

„Ние го истражуваме кратерот Гејл затоа што содржи уникатен запис за историјата на Марс“, рече планетарниот научник Вилијам Рапин од Калтех.

„Другиот дел од сложувалката е да разбереме како и кога почнала да се менува климата на Црвената планета и колку долго можел да се развие живот на Марс“, додаде тој.

Вилијам Рапин и неговите колеги во своето истражување ја опишаа површината на карпа долга 150 метри наречена „Остров Сатон“ што Кјуриознит ја посетил во 2017 година. Врз основа на низа набљудувани пукнатини, научниците претходно знаеја дека областа била погодена од период на суши, но откритието на минерални соли сугерира дека водата што била концентрирана во тој момент била солена вода.

Имено, кога езерото е целосно суво, обично остава зад себе наслаги на чисти кристали од сол. Но, солите на островот Сатон се со различен состав. Прво, тоа е минерална сол. Второ, овие соли биле измешани со талог, што укажува на тоа дека тие се кристализирале во влажна средина; веројатно при испарување на плитките езерца со млака вода.

„Додека се качуваме на планината Шарп, забележуваме тренд на преминување од влажната област на сушна“, рече физичарот Ешвин Васавада од лабораторијата за погон на летала на НАСА.

„Но, овој тренд не мораше да се случи на линеарен начин. Веројатно постоеле влажни и посуви периоди“, додаде тој.

Американска професорка снимена како извикува расистички коментари (ВИДЕО)

Наставничка од средно училиште во американската држава Пенсилванија е снимена додека извиклува расистички коментари , а ја снимил афроамерикански родител , кого таа го нарекла ,,црнeц”.

Инцидентот се случил во четвртокот пред средното училиште Дрексел Хил , а наставничката , која работела во училиштето од 2008 , е суспендирана , јавуваат денеска американските медиуми.

Во видеото објавено на Фејсбук, наставничката се гледа како го навредува родителот на нејзин ученик, лута затоа што тој и го оштетил браникот. Даниел Мек Гари, надзорник на средните училишта во округот Горн Дарби, рече дека имал средба со родителот и со наставничката по инцидентот. Тој рече дека однесувањето на наставничката е „длабоко вознемирувачко“ и додаде дека таа може да биде отпуштена.

„Мислам дека вакво однесување не треба да се толерира во нашето училиште или во нашата област“, рече Мекгари.

притисни ентер