Соборени два државни рекорди на Skopje Run 10K

Два државни рекорди на 10 километри на улична трка денеска беа урнати на третата по ред Skopje Run 10K.  

На трката учествуваа околу 2.000 тркачи. Дарио Ивановски го надмина машкиот државен рекорд во 10 километри на улична трка каде истрча за 31:07 минути, додека Андријана Поп Арсова со 37:02 минути го урна женскиот државен рекорд во иста категорија.

Во машката категорија втор беше Милош Ранчиќ со 33:44 минути, трет беше Атанас Анчевски со 33:49 минути. Од женските прва беше Теодора Симовиќ со 34:59 минути, второто место го зеде Андријана Поп Арсова  и на третото место заврши Билјана Кираџиева со 37:59 минути.

Од штафетната трка најдобри беа Game On со 36:34 минути, по нив NRC-NIKE+RUN CLUB со 37:55 минути и трети завршија 3P DEVELOPMENT со 38:01 минути.

Во склоп на трката оваа година се организираше и хуманитарна акција за донации насловена #ЗасадиВоздух каде од продадените dry-fit маици се одделуваат средства за садници кои тимот на Skopje Run 10K и Град Скопје ќе ги засадат на погодна локација.

Трката е организирана од Сојуз на спортови на Скопје, Атлетска федерација и Атлетски клуб Работнички. Главни покровители на Skopje Run 10K се Агенција за млади и спорт на РСМ и Град Скопје, а ко-организатор е МВР на РСМ./МИА

Пике не можеше да поверува што одбрани Тер Стаген (ВИДЕО)

Барселона објави интересно видео од тренингот пред репрезентативната пауза што е во тек.

Каталонскиот клуб реши да покаже уште еднаш дека нивниот Марк-Андре тер Стаген е фантастичен голман, па затоа објавија видео од неговата неверојатна одбрана на тренинзите.

Жерард Пике упати удар со главата и се чинеше дека топката сигурно ќе заврши во гол,  кога Тер Стаген со неверојатна интервенција го спаси својот гол.

Оваа одбрана го изненади Пике, кој збунет го погледна голманот на Барселона, за на крајот да се насмее кога Германецот го утеши за промашувањето.

Американски боксер се бори за живот по тежок нокаут (ВИДЕО)

Професионалниот боксер Патрик Деј се бори за живот , откако доживеа тежок нокаут во десетата рунда на мечот против Чарлс Коновел.

Мечот бил на програмата на голем настан на ДАЗН, предводена од Уси и Витсспун, со Ден дури двапати беше во нокдаун пред да се онесвести.

По нокаутот натпреварот беше прекинат , а Деј ја удрил главата силно од подотдодека паѓал. Брзата помош го однела во најблиската болница каде итно бил опериран, и се уште е во индуцирана кома додека лекарите се борат за неговиот живот.

Мане: Не ми требаат Ферари , дијаманти и авиони ако не можам да им помогнам на другите

Садио Мане е еден од најголемите ѕвезди на Ливерпул и играч кој стана идол на многу млади фудбалери во неговиот роден Сенегал.

Покрај тоа што е врвен фудбалер, Мане со години им помага на сиромашните и на немоќните, испраќајќи разни донации, појавувајќи се меѓу „обичните луѓе“ на разни собири и во ниеден момент не се менува иако може да има се што ќе посака.

Најновиот доказ за ова тврдење е сторијата направена од еден од репортерите на неговиот блог, Сиензал Менте, целосно импресиониран од разговорот со Мане. Тој напиша накратко што му кажал Сенегалецот кога разговарале.

„Го прашав како е можно по сè што добил воопшто да не се смени - сите овие милиони, целата таа популарност , а тој ми одговори:„ Што ќе ми се, пријателе, 10 Ферарија, 20 дијамантски часовници или два авиона? Зарем не е поважно ако правам нешто за својот народ? “.

„Гладував, работев на поле, ги преживеав војните, играв бос фудбал, немав образование и други лоши работи, но сега благодарение на фудбалот, можам да му помогнам на мојот народ“, заклучи Мане.

притисни ентер