Ѓоковиќ : Ќе ми треба добар сервис за утрешното финале (ВИДЕО)

Српскиот тенисер Новак Ѓоковиќ се пласира во финалето на турнирот во Токио.

По кратката пауза поради повреда, Ѓоковиќ  стигна до финалето на АТП турнирот со победата над Давид Гофан 6: 3, 6: 4.

"Задоволен сум што играм цела недела. Многу позитивна недела на теренот, се надевам дека ќе ја крунисам со трофеј. Очекував да биде тешко. Тој е во добра форма и одигра одлично во четвртфиналето против Чунг. Условите за играње се брзи, топката не отскокнува премногу , мора да ја чекате многу ниско и брзо да ја вратите. Не беше лесно кога и двајцата добро сервиравме  “, рече Ѓоковиќ.

Ѓоковиќ го чека Австралиецот Џон Милман во финалето на АТП Тур 500 серијата.

"Тој е многу солиден играч. Видов дека играше одлично против Опелка, кој е во форма и никогаш не е лесно да игра против него затоа што одлично сервира. Милман е играч кој се бори жестоко, вистински борец на теренот. Тој никогаш не се откажува, има позитивен став, трча кон секоја топка и ве тера да играте. Тоа повторно ќе биде борба од основната линија, се надевам дека ќе сервирам добро во недела затоа што ќе ми треба “.

Финалето во Токио помеѓу Ѓоковиќ и Милман е на програмата утре од 8.30 часот по средноевропско време.

Пике не можеше да поверува што одбрани Тер Стаген (ВИДЕО)

Барселона објави интересно видео од тренингот пред репрезентативната пауза што е во тек.

Каталонскиот клуб реши да покаже уште еднаш дека нивниот Марк-Андре тер Стаген е фантастичен голман, па затоа објавија видео од неговата неверојатна одбрана на тренинзите.

Жерард Пике упати удар со главата и се чинеше дека топката сигурно ќе заврши во гол,  кога Тер Стаген со неверојатна интервенција го спаси својот гол.

Оваа одбрана го изненади Пике, кој збунет го погледна голманот на Барселона, за на крајот да се насмее кога Германецот го утеши за промашувањето.

Американски боксер се бори за живот по тежок нокаут (ВИДЕО)

Професионалниот боксер Патрик Деј се бори за живот , откако доживеа тежок нокаут во десетата рунда на мечот против Чарлс Коновел.

Мечот бил на програмата на голем настан на ДАЗН, предводена од Уси и Витсспун, со Ден дури двапати беше во нокдаун пред да се онесвести.

По нокаутот натпреварот беше прекинат , а Деј ја удрил главата силно од подотдодека паѓал. Брзата помош го однела во најблиската болница каде итно бил опериран, и се уште е во индуцирана кома додека лекарите се борат за неговиот живот.

Мане: Не ми требаат Ферари , дијаманти и авиони ако не можам да им помогнам на другите

Садио Мане е еден од најголемите ѕвезди на Ливерпул и играч кој стана идол на многу млади фудбалери во неговиот роден Сенегал.

Покрај тоа што е врвен фудбалер, Мане со години им помага на сиромашните и на немоќните, испраќајќи разни донации, појавувајќи се меѓу „обичните луѓе“ на разни собири и во ниеден момент не се менува иако може да има се што ќе посака.

Најновиот доказ за ова тврдење е сторијата направена од еден од репортерите на неговиот блог, Сиензал Менте, целосно импресиониран од разговорот со Мане. Тој напиша накратко што му кажал Сенегалецот кога разговарале.

„Го прашав како е можно по сè што добил воопшто да не се смени - сите овие милиони, целата таа популарност , а тој ми одговори:„ Што ќе ми се, пријателе, 10 Ферарија, 20 дијамантски часовници или два авиона? Зарем не е поважно ако правам нешто за својот народ? “.

„Гладував, работев на поле, ги преживеав војните, играв бос фудбал, немав образование и други лоши работи, но сега благодарение на фудбалот, можам да му помогнам на мојот народ“, заклучи Мане.

притисни ентер