Мицкоски од Ресен најави предизборна програма за решавање на сите проблеми на граѓаните

„ВМРО – ДПМНЕ во периодот што следи ќе понуди комплетно нови политики, кои ќе значат решение за сите проблеми.“

Македонија економски тигар на Балканот, фер и честита политика за земјоделците, достоинствен образовен систем и пензионерски живот, враќање на рамниот данок, укинување на акцизата од три денари за дизелот, како и враќање на македонизмот во Македонија и секаде во светот се основните ПОСТУЛАТИ врз кои ќе биде заснована предизборната програма на ВМРО – ДПМНЕ, најави вечерва од Ресен лидерот на партијата Христијан Мицкоски.

Пред присутните вети дека програмата ќе ја прави заедно со граѓаните, оти ќе ги слушне нивните барања, потреби и ќе се обврзе за нивно решавање.

– ВМРО – ДПМНЕ во периодот што следи ќе понуди комплетно нови политики, кои ќе значат решение за сите проблеми, за оние што ќе можеме да ги решиме. За она што неможеме да го решиме ќе кажеме честито, чесно и отворено: луѓе ние неможеме ова да го решиме поради тие и тие причини. За тоа што ќе ни треба повеќе време ќе кажеме за што ни треба повеќе за што помалку. Ќе мора да бидеме потрпеливи, ќе има решение и за тој проблем. Сакаме отворно често и честито да работиме, без да се затвараме во сали да ги слушнеме маките на граѓаните и да покажеме дека Македонија може поинаку, дека има сила за поинаку, има кадар и капацитет и дека Македонија, Македонскиот народ, но и останатите народи во земјава тоа го заслужуваат, рече Мицкоски.

Основните проблеми што ги мачат граѓаните ширум Македонија, според него, се сиромаштијата и беспарицата.

– Но, најмногу од се е тоа што граѓаните во нашата татковина ја загубија надежта за подобра иднина за перспектива. Убедени се во бесперспективноста и луѓето, а посебно младите одлучуваат да ги спакуваат куферите да ја напуштат Македонија и да ја градат својата иднина некаде далеку во Европа или во преку океанските земји. Секојдневно некој наш сосед, пријател не напушта и заминува поради нереализираните очекувања и неисполнети ветувања, додаде лидерот на опозицијата во обраќањето пред ресенчани во рамки на кампањата „Разговори за Обнова на Македонија – Проблеми, решенија и програма".

Говорејќи за новиот партиски концепт тој се осврна дека се подготвени да ги слупнат аргументите онаму каде што партијата погрешила во минатото и доколку е така да побараат прошка, а добрите потики да ги надградат и прошират, но и оти ќе понудат и нов концепт за функционирање на државата. Во своето обраќање не изостави да ја критикува политиката на власта и лидерот Зоран Заев, потсетувајќи на неговите ветувања за загарантиран откуп и повисоки цени за преспанското јаболко, што, забележа дека во пракса не е така и оти состојбата цената со откупот на јаболката од минатата реколта биле многу лоши. Мицкоски потсети и на случаите „Рекет 1" и „Рекет 2", а најави и нивно продолжување.

– Помина времето на арамиите и на октопод политичарите. Заврши времето на измамниците. Доаѓа времето на луѓето кои ќе бидат отчетни, ќе бидат меѓу народот и ќе поднесат вистинска одговорност за грешките што ќе ги направат, рече Мицкоски.

Упати порака и до останатите етнички заедници во земјава и побара поддрша на, како што рече претстојните предвремени парламентарни избори, нагласувајќи, дека ова е заедничка држава и сите заеднички треба да ја сакаме.

– Вие сте наши соседи, пријатели, браќа, сестри. Тука сме се родиле заедно ги споделиваме истите маки, претпоставувам тука заедно ќе ги завршиме нашите животи. Затоа подржете ги честитите политичари. Подржете го ВМРО – ДПМНЕ и сите оние кои нудат развој и родољубие поддржани на вистинска основа. Оставете ги овие што ве лажат и сами тргуваат со вашите гласови, додаде Мицкоски.

Убеден е дека на следните предвремени парламентарни избори победата на ВМРО – ДПМНЕ ќе биде голема, а со тоа ќе дојде обрската, но и резултатите, и оти тогаш ќе докажат дека можело поинаку и дека Македонија и македнскиот народ заслужуваат подобро. /МИА

Народната банка и гувернерката Ангеловска-Бежоска избрани од ЕБОР за водачи на проект

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја.

Поголемата финансиска инклузија на жените претприемачи преку развивање вештини, знаења, изработката и следењето на соодветните податоци и пристапот до финансиски средства се основните цели на пилот-проектот со кој ќе раководи Народната банка со поддршка од Европската банка за обнова и развој (ЕБОР). Ова беше истакнато на денешниот настан на кој се потпиша Меморандумот за соработка за примената на Кодексот за финансирање на жените претприемачи во нашата земја, на кој присуствуваа гувернерката на Народната банка, Анита Ангеловска-Бежоска и претставникот на ЕБОР во нашата земја, Фатих Туркменоглу, како и дел од тимовите на централната банка и на Канцеларијата на ЕБОР.

Гувернерката Ангеловска-Бежоска се заблагодари за довербата укажана од ЕБОР, којашто одлучи централната банка да биде предводник на проектот и да гради мостови помеѓу јавниот и приватниот сектор за зголемување на финансиската вклученост на жените, што ќе придонесе за отворање нови бизниси и работни места и за придвижување на економскиот раст.

„Поддршката на бизнисите предводени од жени е клучна во борбата за родовата еднаквост. Централната банка активно ќе работи на едуцирање на корисниците на кредити за можностите и обврските коишто давателите на кредити ги имаат кон нив, како и за обезбедувањето податоци за кредитирање на компаниите предводени од жени, што ќе придонесе за подобар пристап на жените претприемачи до финансии. Последната анкета на Националната платформа за женско претприемаштво „Барометар за женското претприемаштво од 2023 година“ покажува дека околу 40% од жените сметаат дека немаат доволно поддршка во смисла на советодавна платформа и грантови за поддршка на нивниот бизнис. Исто така, повеќе од половината сметаат дека или немаат доволен или немаат соодветен пристап до финансии, а речиси 88% од жените претприемачи посочуваат дека со сопствени средства или со заем од семејството и пријателите го почнуваат својот бизнис. Преку овој проект сакаме да направиме разлика и да го свртиме вниманието кон овие политики коишто може да придонесат кон побрз економски раст и развој“, истакна гувернeрката Ангеловска-Бежоска.

„Промовирањето на родовата еднаквост е еден од трите стратегиски приоритети на ЕБОР, при што клучна улога игра поддршката на жените претприемачи. Кодексот за финансирање на жените претприемачи е исклучително добра можност да ги насочиме тековните напори во оваа област и особено сме задоволни за тесната соработка со Народната банка на ова поле“, истакна претставникот на ЕБОР во нашата земја, Туркменоглу.

Народната банка и ЕБОР се обврзаа дека во иднина ќе работат на зголемување на бројот на потписници на Кодексот за финансирање на жените претприемачи во земјава, вклучувајќи ги и носителите на политиките, давателите на финансиски услуги и други надлежни субјекти со цел се обезбедат податоци за фирмите на жените претприемачи и да се промовира неговата употреба при осмислувањето на политиките и производите за микро, малите и средните претпријатија предводени од жени.

Нов мурал во Скопје, почнува 19. АКТО Фестивал за современи уметности

 Почнува 19-то издание на АКТО фестивалот за современи уметности, кој ќе се одвива во текот на целата година во организација на здружението Факултет за работи што не се учат - ФРУ. 

Ќе бидат промовирани повеќе мурали на кои работат тројца млади уметници, а е предвидено да се изработат низ различни градови во државата, опфаќајќи тематики во духот на солидарноста на заедницата.

Првиот мурал, кој е веќе завршен, се наоѓа во Скопје на зградата бр.33, на бул. „Митрополит Теодосиј Гологанов“, спроти студентскиот дом „Кузман Јосифовски - Питу“. Муралот денеска ќе биде промовиран, а на него работеа уметниците Ивана Самандова, Ана Трајковска и Доротеј Нешовски.

Како што информира Здружението Факултет за работи што не се учат - ФРУ, на зградата бр.33, на бул. „Митрополит Теодосиј Гологанов“, од пред околу 30 години беше ставен голем рекламен материјал, кој заедно со фасадата веќе одамна беа во разрушена состојба.

- Идејата зад овој мурал не беше само да се обнови фасадата на зградата, ниту пак во фокусот беше да се претстави само визуелно решение, туку да се создаде потсетник за важноста на солидарноста во општеството. Играта со архитектурата е замислена да оствари директна комуникација со самите случајни минувачи во секојдневието - тие коишто се упатени кон (или пак заминуваат од) работа, училиште, факултет, пазарување, прошетки. Mинувачи пронајдени во самиот визуелен изглед на муралот што ја носи главната порака која гласи: „Големината на заедницата најпрецизно се мери преку солидарните постапки на нејзините членови“, се вели во соопштението.

Наведуваат дека оваа порака е од Корета Скот Кинг (авторка, активистка и лидерка на граѓански права) и се упатува кон многуте заедници кои го оформуваат разновидниот карактер на општеството.

Според нив, неслучајно оваа мисла е носечката порака на првиот мурал, таа служи како потсетник дека токму членовите се одговорни за градењето на меѓусебно разбирање, толеранција и заеднички борби за создавање подобри и поздрави услови на живеење.

Новото 19-то издание на АКТО, како што соопшти организаторот, продолжува на линија на минатогодишното издание на АКТО 18 „Јавни простори во движење (кон) II“. Во рамки на фестивалот се предвидуваат повеќе настани во земјава и во странство.

Петровска: Програмата „Наука за мир и безбедност“ ги охрабрува цивилните аспекти на науката

Програмата „Наука за мир и безбедност“ ги охрабрува цивилните аспекти на науката во служба на безбедноста.

Министерката за одбрана Славјанка Петровска, заедно со шефот на Одделот за управување и координација на НАТО програмата „Наука за мир и безбедност“, Клаудио Палестини, го отвори Информативниот ден на НАТО програмата, на кој учествуваа експерти од НАТО предводени од Палестини, претставници на академската заедница во Македонија, како и невладиниот сектор.

Петровска посочи дека идејата на НАТО за развој на оваа програма е да ги охрабри невоените, односно како што рече, цивилните аспекти на науката во служба на науката и безбедноста базирана врз пристапот на почитување на човековите права.

Програмата, посочи таа, ги поврзува научниците, експертите, како и службениците на НАТО и нејзините партнерски земји, за да се справат со предизвиците преку научно истражување и размена на експертско знаење.

– Покрај гарантираната безбедност и можноста за домашните компании да настапат на НАТО пазарот, овде денес ќе бидат презентирани непрегледаните можности на научно вмрежување, меѓусебната поддршка во развојот на иновациите и технолошкиот напредок, како и размената на знаење. Во свет кој исклучително брзо се менува непходни ни се науката и разумот како темелни вредности и најмал заеднички содржател на компромисот, кој треба да го постигнат низа на општествени чинители, рече Петровска.

Шефот на Одделот за управување и координација на НАТО програмата „Наука за мир и безбедност“, Клаудио Палестини, истакна дека по пристапувањето на земјава во Алијансата во 2020 година, 30 цивилни претставници ги имаат унапредено своите капацитети во справување со кипер одбраната.

– Македонија учествуваше во повеќе проекти, ние сме горди што претставниците од Центарот за управување со кризи дадоа свој придонес и ги унапредија своите одговори во корона вирусот. По нејзиното пристапување во НАТО во 2020 година имавме голем број обучувачи, односно 30 цивилни претставници коишто на еден начин ги унапредија своите капацитети во справување со кипер одбраната. Ние сме среќни што можеме да кажеме дека Македонија е наш сојузник и истражувачите имаат навистина простор и можност за растење во програмата, истакна Палестини.

притисни ентер