Докторот на Шумахер: Не сум волшебник , нема експерименти за кои се пишува

Познатиот француски хирург , Филип Менаш , човекот кој го лекува асот на Формула 1 , Мајкл Шумахер , реагираше на медиумските написи за лекувањето на славниот Германец.

Неколку европски таблоиди објавија информации пред неколку недели дека Менаш користел експериментална терапија врз Шумахер, а тој денеска ги демантира.

"Јас не сум волшебник и не работам чуда. Мојот тим и јас не експериментираме. Овој термин не постои за нас и не одговара на она што навистина е лекот", рече Менаш, чии зборови ги пренесе Марка, додавајќи:

„Имаше огромн внимание по извештаите во медиумите, но ситуацијата се нормализира. Ние постигнавме голем напредок во последните 20 години, но сè уште знаеме малку за матичните клетки“, заклучи Менаш.

Ианку, поминаа повеќе од пет години откако Мајкл Шумахер падна додека беше на одмор со синот Мик на скијање на француските Алпи.

Тој возел во необележан дел од патеката, паднал незгодно на главата на единствениот голем камен во околина на неколку десетици метри.

Легендарниот возач на Формула 1 сè уште се опоравува, а информациите за неговата состојба се сведуваат на шпекулации во медиумите и детали откриени од претежно анонимни извори.

Лукаревска во општина Бутел: Социјалдемократскиот сојуз не копа ровови, гради мостови, патишта, врски меѓу луѓето

Нашиот фокус го насочуваме кон изградба на нови 500 километри водовод и канализација, за што ќе обезбедиме 100 милиони евра за сите општини. 

Ако не се расфрлаа и трошеа парите на граѓаните како да се туѓи, веројатно Индустриската зона „Визбегово" во општина Бутел немаше толку да чека на водовод и канализација . Со поддршка на Владата, сега е завршена изградбата на водоводната мрежа во должина од 7,3 километри, а во завршна фаза е изградбата и на канализационата мрежа. Се создаваат подобри услови за работа на постоечките компании, а се поттикнува интересот и кај други домашни и странски инвеститори, рече носителката на изборна листа во ИЕ 2, Сања Лукаревска.

Социјалдемократскиот сојуз не копа ровови, гради мостови, патишта, ги поврзува луѓето. Ќе изградиме нови 950 километри локални патишта. Инвестициите во инфраструктурата, во патиштата, се инвестиции во подобра поврзаност, инвестиции во развојот, инвестиции во нова, развојна македонска економија. Кога има просперитет, кога има добар живот за сите, нема место за омраза и за национализам. Затоа ќе продолжиме со уште поголемо темпо, сите заедно.

Лукаревска најави и изградба на нови 777 станбени единици на социјални станови во 12 општини, меѓу кои и во општина Бутел, се наведува во соопштението на СДСМ.

Интегра ја презентираше програмата во Куманово

Интегра на градскиот плоштад во Куманово на средби со граѓаните на кои партискиот лидер Љупчо Ристовски и носителот на листата во ИЕ2, Александар Главинов ја презентираа програмата „Нова македонска ренесанса како визија за подобар живот во Македонија'

Проекти од речиси сите области кои ќе им овозможат подобар живот на граѓаните, туризам, инвестиции, иновации, понудија на денешниот митинг претставниците на Интегра.

Двете партии, рече во говорот Ристовски, ја опустошија Македонија последниве 30 години, затоа е редно да се одберат луѓе кои на граѓаните ќе им овозможат благосостојба.

– Економија, образование, здравство, немате богата и просперитетна држава ако нацијата ви е болна и ако не ви е силно образована. Овие таргети ќе поткренат пет клучни стратегиски точки, почвата, водата, воздухот и човечкиот капитал стануваат национални стратегиски ресурси-рече, во говорот Ристовски.

Кокино ќе биде туристичка атракција, ќе се развива бањскиот, здравствениот туризам, брзи возови, преку транспортна стратегија. Граѓаните ќе можат личниот потенцијал да ги изнесат на површина и Македонецот да биде горд и достоинствен, додава Ристовски,

Носителот на листата Главинов порачувајќи им на кумановци дека се борбени, посочи дека пратеничкиот мандат ќе го доживее како должност да даде максимум за потребите на граѓаните, за поубав, достоинствен, безгрижен, за материјално стабилен живот.

– Затоа е многу важно сите заедно, сплотено и масовно да излеземе и да го дадеме својот глас за Интегра, македонска конзервативна партија и да ставиме крај на досегашната црно-бела политичка слика-повика Главинов

Пред присутните беа презентирани и дел од кандидатите за пратеници од ИЕ 2, меѓу нив и кандидатката од Куманово, Виолета Арсовска./MИА

Словенија со двојно поголем број заразени од вчера

Во Словенија во последните 24 часа биле тестирани на коронавирус и потврдени 30 нови инфекции, скоро двојно повеќе од претходниот ден, кога имало 16.

Шест лица се хоспитализирани во Словенија, но на ниту еден не му треба интензивно лекување и нема нови смртни случаи заради ковид-19, така што останува бројот на починати 111 лица.

Ново потврдените 30 случаи се најголем дневен број на инфекции во последните два и пол месеци.

За разлика од ситуацијата од почетокот на епидемијата, која беше прогласена кон средината на март, сега преовладуваат помладите новозаразени и има повеќе мажи од жени.

Според Министерството за здравство, меѓу 30-те ново заразени, дури 18 се на возраст под 44 години, вклучително и 4-годишно дете, 5 во возрасна група од 45 до 54 години, три во групата од 55 до 64 години, двајца на возраст од 65 до 74 години и една постара од 75 години.

Еден од кластерите на коронавирус е во Марибор, каде што бројот на заразени здравствени работници во тамошната болница, во одделот за итни случаи, се зголеми од 8 на 11.

притисни ентер