Грчкиот претседател на владата отворено кажал дека официјална Атина го подржува и ќе лобира земјава во Октомври да добие датум за преговори со Европската Унија.
Ставот тамошната влада дека Македонија и Албанија треба да одат во пакет за преговорите сега не беше споменат. Мицотакси на Заев му кажал дека тој не го потпишал Преспанскиот договор, но и дека тој сега е објективна реалност, па затоа грчката влада дословно ќе го почитува и спроведува.
Во меѓувреме поранешниот министер за надворешни работи, а сега пратеник од СИРИЗА, Јоргос Катругалос со обвинување дека владата на Мицоткаси, место да ги забрза како што најавуваше, практично ја забавува работата на комисиите кој треба да работат на трговските марки и на учебниците по историја.
-Премиерот, за жал и на неговото патување во Америка продолжува со познатата тактика на двојазичност и не го користи дипломатскиот капитал што земјата го доби од Договорот од Преспа за да ги промовира нашите национални интереси.
Тоа што сега е најважно за Македонија е што Грција, но и другите Балкански земји пред клучниот самит на Унијата во Октомври, се погласно апелираат да ни се додели датум за почеток на преговори.
Во тој контекст на маргините на генералното собрание на Обединетите Нации, шефовите на дипломатиите на Бугарија, Грција, Романија и Хрватска заеднички побараа Македонија и Албанија да ги почнат преговорите со ЕУ, бидејќи тоа е големо значење за стабилноста и развојот на целиот регион.