Меси е најдобриот фудбалер на светот

Меѓународната фудбалска федерација го прогласи Лионел Меси за најдобар играч на светот во сезоната 2018/19 .

Фудбалерот на Барселона и на репрезентацијата на Аргентина ја доби наградата за најдобар играч на гала вечерта во миланскиот Театро ала Скала, , со што го наследи Лука Модриќ како најдобар играч на светот.

Меси ги освои гласовите на националните селектори ,капетани и новинари ширум светот.

Тој триумфираше пред Виргил ван Дијк и Кристијано Роналдо. Португалецот дури и не присуствуваше на церемонијата на доделување награди.

ФИФА ја доделува оваа награда заснована на перформансите на играчите во натпреварувачката сезона која е зад нас (2018/2019), а не во календарската година како што беше порано.

Потсетуваме дека наградите за Светски фудбалер на годината на ФИФА до сега ги добиле Лотар Матјус (1991), Марко ван Бастен (1992), Роберто Баџо (1993), Ромарио (1994), Џорџ Веј (1995), Роналдо (1996, 1997 и 2002), Зинедин Зидан (1998, 2000 и 2003), Ривалдо (1999), Луис Фиго (2001), Роналдињо (2004 и 2005), Фабио Канаваро (2006) .), Кака (2007), Кристијано Роналдо (2008, 2013, 2014, 2016 и 2017), Лионел Меси (2009, 2010, 2011, 2012 и 2015) и Лука Модриќ ( 2018).

Алисон (Ливерпул / Бразил) беше прогласен за најдобар голман, а Јирген Клоп (Ливерпул) стана најдобриот тренер на светот.

Во најдобрата екипа се Алисон (Ливерпул / Бразил), Марсело (Реал Мадрид / Бразил), Серхио Рамос (Реал Мадрид / Шпанија), Виргил ван Дијк (Ливерпул / Холандија), Матијс де Лигт (Ајакс, Јувентус / Холандија), Лука Модриќ (Реал Мадрид / Хрватска), Френки де Јонг (Ајакс, Барселона / Холандија), Еден Хазард (Челси, Реал Мадрид / Белгија), Кристијано Роналдо (Јувентус / Португалија), Килијан Мбапе (ПСЖ / Франција) и Лионел Меси (Барселона / Аргентина).

Фудбалерот на Дебрецен, Даниел Шори ја доби наградата за најдобар шут во сезоната.

Наградата за фер-плеј му припадна на менаџерот на Лидс, Марсело Биелс, кој му нареди на неговиот тим да му прости гол на Астон Вила, бидејќи неговите играчи поведоа, додека еден од нивните противници лежеше на тревата. Лидс не влезе во Премиер лигата заради тој примен гол.

Што се однесува до добитниците на женски фудбал, најдобар играч е Алекс Морган (Орландо Прајдс / САД), а најдобар тренер е Џил Елис (САД).

Велешкиот суд му одреди притвор на Панчевски

Судот во Велес денеска му одреди притвор на поранешниот претседател на кривичниот суд, Владимир Панчевски.

Информацијата за Канал 5 ја потврдија извори од велешкиот суд, појаснувајќи дека притворот му е одреден затоа што тој не се појавил на денешното рочиште, а не бил присутен ниту неговиот бранител.

Пред една година скопското обвинителство поднесе обвинителен предлог против Панчевски за злоупотреба на службената положба во врска со АКМИС-от, системот за управување со судските предмети во кривичниот суд. Предметот се суди во Велес за да се избегне евентуална пристрасност во Скопје поради тоа што Панчевски беше претседател на кривичниот суд.

Зибери: Идејата за првиот премиер Албанец претставува моќен симбол за еднаквост

Кандидатот за премиер од редовите на ДУИ, Насер Зибери, денеска со караванот „Оствари го сонот" ги посети Теарце, Порој, Челопек, Жеровјане, Камењане, Голема Речица и Мала Речица.

Зибери разговараше со граѓаните од овој регион за предизвиците со кои се соочуваат, презентирајќи ги своите планови, заложби и идеи за иднината на овој регион, а исто така граѓаните имаа можност да добијат и одговори на прашањата кои ги засегаат во секојдневниот живот.

На средбите Зибери со соговорниците дискутираше и за неговите заложби за првите 100 дена од неговиот мандат, за важноста на ова патување, откривајќи ја идејата за првиот премиер Албанец, што претставува моќен симбол за еднаквост, мултиетничка припадност и современа демократија, а исто така е и идеја за подобар живот за сите.

Зибери од жителите на овој регион побара поддршка за оваа идеја не само од албанските граѓани, туку и од Македонците и другите етнички заедници./МИА

Царовска во Кисела Вода: На 15 јули да гласаме за повисоки плати

Носителката на кандидатска листа во ИЕ 1 и потпретседателка на СДСМ Мила Царовска вечерва на трибина на Кисела Вода ги повика граѓаните на 15 јули да излезат и да гласаат за бројот 3. 

"На 15 јули ве повикувам да гласаме за повисоки плати, повисоки пензии за повеќе градинки. Ветивме дека ќе вложуваме во децата и најсиромашните и го направивме тоа. Го подигнавме стандардот. Стечајните работници коишто со години талкаа по улиците се обезбедени до пензионирање со месечен надоместок. Не ги заборавивме и повозрасните. Не калкулираме и не манипулираме со пензионерите. 324 илјади пензионери добија повисоки пензии за 722 денари.

Во Кисела Вода заедно со градоначалникот инвестиравме во нова детска градинка. За две и пол години изградивме, инвестиравме, реновиравме 44 градинки во цела држава од кои 16 се во Скопје. Продолжуваме да вложуваме во детскиот развој, затоа што оваа инвестиција е највредната и најзначајна за иднината на нашата држава", рече Царовска.

Центар за комуникации со јавноста на СДСМ

притисни ентер