Бојан Јовановски денеска повторно на распит за „Рекет"

Во Јавното обвинителство за организиран криминал и корупција на распит денеска треба повторно да биде спроведен првоосомничениот за случајот „Рекет" Бојан Јовановски – Боки 13, кој се наоѓа во притвор во КПУ Затвор Скопје.

Ова е втор исказ на Јовановски за случајот „Рекет". Бојан Јовановски – Боки 13 на 15 јули годинава беше приведен на распит во Обвинителството заедно со второосмоничениот Зоран Милевски.

По неколкучасовниот распит Јовановски беше изведен пред Суд, каде на барање на Јавното обвинителството му беше одредена мерка притвор.

Во изминатиот период во врска со овој случај во Обвинителството сведочеа бизнисменот Силјан Мицевски, водителката Лила Филиповска и пратениците Фросина Ременски и Александар Кирацовски, како и претседателката на Собранието на Меѓународниот сојуз Агапи Дика и бизнисменот Зоран Азманов.

Поранешната шефица на СЈО Катица Јанева, која исто така, се наоѓа во притвор како третоосомничена исказ ќе дава во вторник.

Во случајот „Рекет" што го отвори Обвинителството за организиран криминал и корупција осомничени се  Бојан Јовановски и Зоран Милевски-Кичеец, како и специјалната јавна обвинителка Катица Јанева. Сите тројца се во притвор. /МИА

Игор Јанушев: На 12 април ВМРО-ДПМНЕ ќе отпочне со обнова на Македонија

Зоран Заев паѓа. По оставката на Зоран Заев на 3 јануари никогаш повеќе нема да дозволиме да ни се случи ваков арамулук, криминал, корупција и неправда на државата, на македонскиот народ и сите граѓани на Република Македонија.

Зоран Заев заминува во историјата, а со него заминуваат и сите криминоген навики на Заеви, на Шеќеринска, Анѓушев, Спасовски, Кирацовски, Ременски и останатите.

Зоран Заев е човек кој ја опљачка Република Македонија, кој безмилосно ги лажеше граѓаните. Никој повеќе не му верува и затоа тоне дури и на сопствените анкети што ги прави. Во очите на Зоран Заев му се гледа дека е дојден крајот на неговата неславна политичка кариера, му се гледа ставот и очајот во кој тоне.

Преку своите лаги успеа на момент да ги придобие симпатиите на јавноста, но тоа е веќе далечно минато.

Зоран Заев е најнепопуларниот политичар меѓу граѓаните. Сега веќе нема со што повеќе да ве лаже.

На 12 април ВМРО-ДПМНЕ  и Коалицијата заедно со граѓаните ќе го зададат последниот удар на криминално рекетарската банда на власт на Зоран Заев и веднаш потоа ќе отпочне со Обнова на Македонија.

Не чека сите заедно многу работа и многу посветеност, за да ја реализираме визијата од програмата Обнова за Македонија, за да си ја вратиме државата на вистински колосек и да го постигнеме сето она што е изгубено изминатиот период додека СДСМ е на власт.

Имаме тим од стручни, чесни и посветени луѓе, имаме визија, програма и план. План за обнова на Македонија и веруваме дека сите заедно ќе го реализираме сето тоа.

Република Македонија ќе ја направиме економски силна држава, правната држава мора да завладее и секој кој што се огрешил пред законот и направил криминал да одговара за истиот.

Не смее криминалот да помине неказнето или да владеат двојните аршини. Остануваме посветени на ЕУ интеграциите, бидејќи тоа е единствениот пат на Република Македонија.

Можеме и мораме да ставиме крај на криминалот, корупцијата, скандалите, аферите и се останато што е против европските вредности за кои се залагаме. Граѓаните на Република Македонија не го заслужија ова зло што СДСМ им го нанесе.

Крајот на Заев и СДСМ има датум, тоа се 3 јануари и 12 април. Граѓаните не се плашат и граѓаните заедно со ВМРО-ДПМНЕ и Коалицијата ќе ги отпишат Зоран Заев и СДСМ од политичкиот живот.

Прес-конференција на Игор Јанушев, генерален секретар на ВМРО-ДПМНЕ

Изборите ќе го пролонгираат планираниот Попис на населението

Терминот април е воопшто непогоден за спроведување на пописот со оглед на тоа што веќе се закажани изборите и истиот ќе треба да се пролонгира. 

 Одлуката за одржување на предвремени Парламентарни избори на 12 април 2020 година го доведува во прашање терминот за одржување на Пописот на населението, домаќинствата и становите во Република  Македонија планиран да биде спроведен во периодот , изјави денеска на прес-конференција директорот на Државниот завод за статситика Апостол Симовски.

– Терминот април е воопшто непогоден за спроведување на пописот со оглед на тоа што веќе се закажани изборите и истиот ќе треба да се пролонгира. Можноста да се спроведе попис пред изборите, исто така,  технички невозможна, бидејќи пописот е исклучително голема операција и самата организација е невозможно да се спроведе пред април месец, изјави Симовски.

Нагласи дека планираниот термин за спроведување на пописот од 1 до 21 април 2020 година се уште не е утврден бидејќи Законот за попис се уште не е донесен, како и дека е непогодно во исто време да се спроведува вака сложена статистилка операција и да се спроведуваат избори во државата.

– Кога и како евентуално би се спровел пописот не можеме да одговориме во овој момент, бидејќи тоа е одлука на парламентот. Тој треба да го донесе Законот за попис, а претходно и одлука на Владата бидејќи предлагач е Министерството за правда. За овој термин ќе дозволите да се направат консултации со овие две институции кои се одговорни за носење на овој закон, изјави Симовски. 

„Сандеј Тајмс“: ЕУ го пролонгира Брегзит до февруари 2020 година

Европска унија ќе го одложи Брегзит до февруари 2020 година ако британскиот премиер Борис Џонсон во текот на неделата не добие поддршка од парламентот за договорот за излегување на Велика Британија од ЕУ, објави британскиот весник „Сандеј Тајмс“.

Британскиот весник наведува дека во случај Џонсон се соочи со сериозни проблеми или пратениците инсистираат на втор референдум, тогаш земјите членки на еу, предводени од Германија ќе бараат подолго одложување.

Британските пратеници во саботата со 322 гласови „за“ и 306 „против“ го пролонгираа гласањето за договорот за Брегзит, поради што Џонсон официјално побара одлагање на излегувањето на Велика Британија од ЕУ, при тоа нагласувајќи дека тој лично е против пролонгирање на Брегзит.

притисни ентер