Македонски и бугарски новинари во Охрид водат дијалог против предрасудите

 Во Охрид денеска започна првата средба во рамките на новинарската иницијатива „Викенд на дијалог – новинари против предрасудите"  .

Чија цел е зајакнување на професионалното новинарство наспроти лажните вести преку подобрување на меѓусебната комуникација  и соработка на новинарите.

На официјалниот почеток од средбата присуствуваше и амбасадорот на Република Бугарија во Скопје, Ангел Ангелов кој рече дека професионалноста на новинарот се гледа кога тој знае до каде му е мерката, ја почитува етиката и ја пренесува вистината. Новинарската иницијатива „Викенд на дијалог", според амбасадорот Ангелов, ќе помогне во негувањето на добрососедските односи помеѓу двете земји.

-Овој проект што го финансира Министерството за надворешни работи на Република Бугарија е мошне важен за отворањето на двете држави и негување на Договорот за пријателство и добрососедство, како и за решавање на проблемите и стереотипите кои се наталожени со децении. Сметам дека на оваа средба учествуваат претставници на традиционалните и релевантни медиуми кои се водат според професионалните критериуми, рече амбасадорот Ангелов.

Тој појасни дека професионалниот ангажман на новинарите ќе биде многу важен и за два настана што треба да се случат во иднина.

–Прво, членството во Република Македонија во НАТО ќе значи нова доверба  помеѓу двете земји бидејќи војниците на двете земји ќе бидат на бојното поле еден до друг и треба да  внимаваат едни со други и да имаат  меѓусебна доверба. Второ, од 1 јануари 2020, Република Македонија и Република Бугарија се претседавачи со Берлинскиот процес, така што администрациите во двете земји треба да соработуваат меѓусебно. Вие како професионални новинари ќе помогнете со тоа што ќе придонесете нашите две држави да се претстават што е можно најдобро, порача амбасадорот Ангелов на средбата на новинари во Охрид.

Како што истакна министерот за отчетност и транспарентност во Владата на Република  Македонија, Роберт Поповски, во текот на последните години, Република  Македонија и Република Бугарија докажуваат дека  се на вистинскиот пат и темелно ги враќаат релациите односите, градејќи го пријателството помеѓу двата народа врз сериозни столбови.

-Новинарството е професија којашто коригира, којашто оплеменува, и токму од тие причини мислам дека новинарството е токму таа професија којашто ги зближува и народите, и нациите, и граѓаните од кои било делови на светот. Токму така ја доживувам и оваа викенд средба во Охрид. Верувам дека ваков респектабилен собир на колеги од двете држави, и отворен дијалог на темите коишто можат да значат и предрасуди, и надминувања, и лажни вести, и говор на омраза, ќе придонесе многу кон градење на мостовите помеѓу двете држави, рече Поповски.

На првата средба од новинарската иницијатива „Викенд на дијалог-новинари против предрасудите", како што истакна Виктор Стефановски, медиум-организатор на настанот,  учествуваат новинари и претставници на релевантни медиуми од Република Бугарија и Република  Македонија кои разговараат меѓусебно без какви било посредници, за состојбата во медиумите и креирањето на информациите, но и за тоа како да ги лоцираат точките што предизвикуваат емоции во известувањето.

– Целта е овие неколку денови заеднички да изградиме здрава основа за уривање на стереотипите и предрасудите кои веројатно постојат кај секој од нас, а за жал биле градени и подигнувани со години наназад. Што е поважно во креирањето информации? Можат ли новинарите конечно да го победат говорот на омраза? Ова се само дел од прашањата на кои ќе се обидеме заеднички да најдеме одговор и да застанеме на истата страна во официјалните, но и неформалните дебати што ги имавме и ќе ги имаме на различни локации, истакна Стефановски.

„Викенд на дијалог – новинари против предрасудите” е новинарска иницијатива за зголемена меѓусебна комуникација и размена на информации на новинари од соседни земји со цел јакнење на професионалното новинарство контра лажните вести.

Носител на оваа иницијатива е Здружението за промоција на дијалогот, толеранцијата и човековите права „Медиум" – Скопје, а проектот е поддржан од Амбасадата на Република Бугарија во Скопје.

Алијанса за Албанците: Застарените дела не треба да служат како можност за одбегнување на одговорноста

Неодговорноста, лагите и манипулациите се идентификациони зборови на ДУИ кои сè повеќе ги придружуваат високи партиски функционери на оваа партија. 

Ова беше докажано уште еднаш со тоа што осомничениот за случајот „Титаник III", пратеникот на ДУИ, Ејуп Алими, одби да сведочи на суд.

По 3 години, Ејуп Алими се сеќава дека не треба да биде повикан како осомничен, туку како сведок. Ова само докажува дека Ејуп Алим дошол до оваа идеја како начин за избегнување на одговорноста и одолговлекување на случајот.

Ние како АА бараме од судските органи да реагираат и да не дозволат овој случај, или пак било кој друг случај во кој се гонат поранешни државни функционери да застари, како што беше случајот со предметот „Траекторија" од кој се спаси поранешниот премиер Никола Груевски.

Алијанса за Албанците смета дека застареноста е многу важен правен институт што спречува гонење, како и извршување на кривични санкции по одреден временски период, затоа треба да се спречи неговата употреба како можност за избегнување од одговорност.

Затоа, јавно го прашуваме Ејуп Алим, зошто тој порано не се сети дека беше повикан како осомничен а не сведок?!

Избегнувањето на одговорноста може да ја спречат само судските органи, кои се должни да постапат по секој случај непристрасно и сериозно, спречувајќи ги неразумните одолговлекувања.

Потсетуваме дека Ејуп Алими е обвинет за уништување изборен материјал во врска со локалните избори во 2013 година во општина Чаир, за кој случај според КЗ се предвидени најмалку 5 години затвор. Од оваа гледна точка сметаме дека случајот се одложува со единствена цел за купување време.

Алијанса за Албанците

Скопската населба Жданец утре без вода

 Корисниците од населбата Жданец утре ќе останат без вода од 9 до 14 часот.

Од јавното претпријатието „Водовод и канализација" – Скопје соопштија дека прекинот на водоснабдувањето е поради систематска промена на водомери во населбата Жданец. /МИА

Просечната плата во септември 25.435 денари

Просечната месечна исплатена нето-плата по вработен, во септември 2019 година, изнесува 25.435 денари и според објавените податоци на Државниот завод за статистика бележи раст од 4,4 отсто во однс на септември лани.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: транспорт и складирање за 8,8 отсто, административни и помошни услужни дејности за 7,9 отсто и дејности на здравствена и социјална заштита за 7,3  отсто.

Зголемување на просечната месечна исплатена нето-плата по вработен, во однос на претходниот месец, е забележано во секторите јавна управа и одбрана, задолжително социјално осигурување за пет отсто, образование три отсто и преработувачка индустрија за 1,9 отсто.

Просечната месечна исплатена бруто-плата по вработен, во септември 2019 година, изнесува 37.797 денари./МИА

притисни ентер