Роналдо во детството немал пари ниту за хамбургер!!!

Интервјуто на еден од најбогатите и најдобри светски фудбалери Кристијано Роналдо со славниот Пирс Морган ја воодушеви светската јавност.

Роналдо бил искрен, природен и отворен во разговорот при кој во еден миг дури и пуштил солзи.

Морган го потсетил Кристијано на детството, кога како фудбалер на Спортинг одел на задната врата на локалниот Мек Доналдс со соиграчите за да ги добие преостанатите хамбургери.

„Кога имав 11-12 години, немав пари. Живеев со другите деца од клубот, со месеци не го гледав семејството. Тоа беше многу тежок период. Доцна во ноќта знаевме да бидеме гладни. Покрај стадионот имаше Мек, ќе тропневме на задната врата и ќе прашавме дали им останал некој хамбургер. Тука беа Една и уште две девојки, кои подоцна никогаш не успеав да ги пронајдам. Се надевам дека ова интервју ќе ми помогне  да ги пронајдам.Би сакал да ги повикам во Торино или Лисабон да дојдат во мојот дом на вечера. Сакам да им се заблагодарам за тоа што го правеа за мене како дете, никогаш нема да заборавам што направија тие за мене во тоа време, истакнал Роналдо.

По интервјуто се јавила Паула , една од жените кои Кристијано ги споменува.

-Ќе се појавеа во ресторанот кога ќе останеше некој хамбургер.Еден од нив беше и Кристијано Роналдо, кој сигурно беше најплашливото дете. Тие доаѓаа скоро секоја вечер, изјавила Паула.

Ова се случувало на почетокот на 2000 години, кога Роналдо играше во младинските екипи на Спортинг Лисабон.

„На синот му кажав , но тој прво не сакаше да ми верува, поради тоа што му е тешко да замисли дека неговата мајка му давала на Кристијано Роналдо хамбургери. Мојот сопруг веќе знае за ова , тој неколку пати кога доаѓаше по мене на работа знаеше да го види младиот Кристијано“ , раскажала Паула.

Роналдо изразил желба сега жените да ги нагости на вечера во својот дом за да им се оддолжи се се што направиле тие за него.

-Прва работа која ќе им кажам ќе биде едно големо фала, а потоа ќе разговараме и ќе се сеќаваме за изминатите времиња, истакнал Кристијано Ронадло во интервјуто.

Роботски полицаец згреши-среде тепачка ги опоменува сведоците да го одржуваат паркот чист (ВИДЕО)

Роботскиот полицаец ,вработен во гратчето Хангтингтон Парк во Калифорнија не се покажа на својата прва сериозна задача.

Соочен со тепачка во паркот и сведоците кои се обидуваа преку него да повикаат полицајци на помош, HP RoboCop им порача да не му пречат , а потоа продолжи да се движи , пеејќи си песничка.

Роботот HP RoboCop, произведен од Knightscape, има за цел да биде последен збор за технологија во автоматизирање на рутинската полициска работа. Неговата работа е да патролира во Солт Лејк Парк, да ја снима околината со камера од  360 степени околу роботот, да снима таблички на  автомобилите и да ги пријави итните случаи во полиција по потреба. Исто така, има копче за итни случаи, кое посетителите на паркот можат да го притиснат ако им е потребна помош.

Тоа копче на почетокот од овој месец го притисна Кого Гуебар кога виде тепачка недалеку од роботот во паркот.

Таа се страча кон RoboCop, го притисна копчето и очекуваше полициска помош, но роботот и рекол „тргнете се од патот“.

Гуебара мислела дека роботот можеби ќе може да го види нејзиното лице, па таа се наведна пред неговата камера додека го притискаше копчето, но тој постојано и велеше да се оддалечи. Друг сведок повикан полиција преку мобилен телефон, и додека брзата помош ја возела жртвата на нападот на носилки, роботот потпевнувал песна што звучела како да е од нискобуџетен научно-фантастичен филм, молејќи ги посетителите да го „одржуваат паркот чист“.

Се појавија првите скици од новата Шкода Октавија

Се наближува премиерата на сосема новата Октавија , која покрај Голфот на VW е најочекуваното ново возило за крајот на сезоната.

Првите скици на Шкода барем малку ќе ја задоволат љубопитноста. Според скиците автомобилот делува како слаба верзија на Артеон, со лежерна силуета на покривот, огромни тркала и многу остри линии.

И судејќи според прототипите, не треба да се очекува нешто повеќе од еволуцијата во насока на смален Суперб со отфрлена идеја за двојни предни светла. Исто така, како што пристигна Скала, новата Октавија може да стане уште потешка за пристап. Сместена на платформата MQB, лесно би го достигнало нивото на кое неодамна стоеше Passat.

На 11 ноември ќе можеме да ја видиме новата Октавија. Кога станува збор за моторите, заедно со стандардните бензински и дизел мотори, треба да се смета и на хибридни опции.

Холивудска двојка објави прва фотографија со својата новородена ќерка

Рајан Рејнолдс на Твитер ја објави првата фотографија со новороденчето. 

Актертот така го прекина медиумскиот молк, откако и тој и неговата сопруга , актерката Блејк Лајвли не споделија ниту информација за полот на бебето. Тие позираат со бебето во шума во Британска Колумбија , а неговата објава е посветена на климатските промени.

"Ја сакам Британска Колумбија. Би сакал моите ќерки да растат на исто игралиште во природата како и јас. Кандидатот што ќе го одберете сега ќе води политика за климатските промени следните четири години. Горд сум на изминатите четири", напиша актерот, откривајќи дека Блејк родила ќерка пред два месеци.

Блејк и Рајан се родители на уште две постари ќерки, Џејмс и Инез.

притисни ентер