НБ: Продолжуваат да растат депозитите и кредитите

 Депозитите и кредитите на годишна основа продолжуваат да растат. Податоците на Народната банка покажуваат дека кај депозитите растот е 10 отсто, а на кредитите 6,4 отсто.

Кај вкупните депозити растот се должи главно на зголемување кај корпоративниот сектор, иако зголемување има и кај двата сектора и кај фирмите и кај домаќинствата.

Вкупните депозити на корпоративниот сектор остварија месечен раст од 4,4 отсто, главно поради зголемувањето на депозитните пари и депозитите во странска валута, во услови на пад кај краткорочните депозити во денари. Споредено на годишна основа, депозитите се зголемени за 10,1 отсто, во најголем дел поради зголемувањето на депозитните пари, краткорочните депозити во странска валута и долгорочните депозити во денари, при евидентиран пад кај краткорочните депозити во денари.

Вкупните депозити на домаќинствата во август бележат месечен раст од 0,4 отсто, како резултат на зголемувањето на краткорочните депозити во странска валута, депозитните пари и долгорочните депозити. Стапката на годишен раст кај овие депозити во август изнесува 9,1 отсто, а е резултат на растот кај сите компоненти, со поизразено учество на депозитните пари и краткорочните депозити во странска валута.

Кај вкупните кредити овој месец е остварен месечен пад од 0,2 отсто, што целосно се должи на намаленото кредитирање на корпоративниот сектор. На годишна основа продолжил растот, што изнесува 6,4 отсто и главно е резултат на кредитирањето на секторот „домаќинствa". Од Народната банка наведуваат дека доколку се исклучи ефектот на извршените отписи на сомнителни и спорни побарувања под влијание на регулаторните промени, годишниот кредитен раст изнесува 7,8 отсто.

Во август кредитите на корпоративниот сектор се намалиле на месечна основа за 1 отсто, додека на годишно ниво кредитирањето на корпоративниот сектор бележи пораст за 3,4 отсто. Промените на месечна и годишна основа во најголем дел произлегуваат од кредитирањето во денари. Со исклучување на ефектот од преносот на сомнителните и спорните побарувања од билансна во вонбилансна евиденција, во согласност со одлуката на Народната банка, кредитите на корпоративниот сектор во август бележат раст од 5,6 отсто на годишно ниво.

Кај вкупните кредити на домаќинствата забележан е месечен и годишен раст од 0,6 отсто, односно 9,4 отсто. Според валутната структура, најголемо учество во месечниот раст имаат кредитите одобрени во странска валута, додека годишниот раст во поголем дел се должи на кредитите одобрени во денари.

Според намената на одобрените кредити на физичките лица, во август кај најзастапените категории ‒ потрошувачките и станбените кредити е забележан месечен раст од 0,7 отсто и 0,6 отсто, додека годишниот раст е еднаков кај двете категории и изнесува12,4 отсто. Кај автомобилските кредити има месечен пад од 1,1 отсто, додека на годишно ниво се зголемени за 5,8 отсто. Кај негативните салда на тековните сметки е евидентирано месечно и годишно зголемување од 1,2 отсто и 2,4 отсто, соодветно, додека кредитите одобрени врз други основи остварија месечен и годишен пад од 0,6 отсто и 8,6 отсто. 

Изборите ќе го пролонгираат планираниот Попис на населението

Терминот април е воопшто непогоден за спроведување на пописот со оглед на тоа што веќе се закажани изборите и истиот ќе треба да се пролонгира. 

 Одлуката за одржување на предвремени Парламентарни избори на 12 април 2020 година го доведува во прашање терминот за одржување на Пописот на населението, домаќинствата и становите во Република  Македонија планиран да биде спроведен во периодот , изјави денеска на прес-конференција директорот на Државниот завод за статситика Апостол Симовски.

– Терминот април е воопшто непогоден за спроведување на пописот со оглед на тоа што веќе се закажани изборите и истиот ќе треба да се пролонгира. Можноста да се спроведе попис пред изборите, исто така,  технички невозможна, бидејќи пописот е исклучително голема операција и самата организација е невозможно да се спроведе пред април месец, изјави Симовски.

Нагласи дека планираниот термин за спроведување на пописот од 1 до 21 април 2020 година се уште не е утврден бидејќи Законот за попис се уште не е донесен, како и дека е непогодно во исто време да се спроведува вака сложена статистилка операција и да се спроведуваат избори во државата.

– Кога и како евентуално би се спровел пописот не можеме да одговориме во овој момент, бидејќи тоа е одлука на парламентот. Тој треба да го донесе Законот за попис, а претходно и одлука на Владата бидејќи предлагач е Министерството за правда. За овој термин ќе дозволите да се направат консултации со овие две институции кои се одговорни за носење на овој закон, изјави Симовски. 

„Сандеј Тајмс“: ЕУ го пролонгира Брегзит до февруари 2020 година

Европска унија ќе го одложи Брегзит до февруари 2020 година ако британскиот премиер Борис Џонсон во текот на неделата не добие поддршка од парламентот за договорот за излегување на Велика Британија од ЕУ, објави британскиот весник „Сандеј Тајмс“.

Британскиот весник наведува дека во случај Џонсон се соочи со сериозни проблеми или пратениците инсистираат на втор референдум, тогаш земјите членки на еу, предводени од Германија ќе бараат подолго одложување.

Британските пратеници во саботата со 322 гласови „за“ и 306 „против“ го пролонгираа гласањето за договорот за Брегзит, поради што Џонсон официјално побара одлагање на излегувањето на Велика Британија од ЕУ, при тоа нагласувајќи дека тој лично е против пролонгирање на Брегзит.

„Советот на амбасадори“ е разочаран од одлуката на Европскиот совет

„Советот на амбасадори“ жали што овој пат потребата за унапредување на функционалноста и ефикасноста на Унијата била причината за одлагање на одлуката.

„Советот на амбасадори“ со големо разочарување  ја прими одлуката на Европскиот совет да не и се додели датум на Македонија и покрај исполнувањето на речиси сите услови поставени од европската комисија-реагираат од ова здружение за надворешна и меѓународна политика..

„Советот на амбасадори“ жали што овој пат потребата за унапредување на функционалноста и ефикасноста на Унијата била причината за одлагање на одлуката. Но, и апелираат Македонија уште повеќе да го засили процесот на реформите со што би си само помогнала и патот до ЕУ да го изоди побрзо.

притисни ентер