Свет

Твитер суспендираше налог на поранешен саудиски функционер

Твитер го суспендираше налогот на поранешниот саудиски кралски советник Сауд Ал Кахтани.

Налогот е суспендиран година- дена откако Сауд е отпуштен заради сомнежи дека учествувал во убиството на новинарот на „Вашингтон пост“ Џамал Кашоги.

Оваа социјална мрежа ги суспендирала и налозите поврзани со саудиските државни медиуми во Обединетите Арапски Емирати и Египет, ја кои биле поставувани просаудиски пораки, пренесува „Ројтерс“.

Кахтани кој бил близок соработник на престолонаследникот Мохамед Бин Саламан , управувал со медиумскиот центар на саудискиот дворец, како и со електронското царство чоја задача било на интернет да ја брани сликата за кралството и да ги напаѓа противниците.

Тој диктирал со саудиските политики за дипломатските недоразбирања со Катар, безбедноста и човековите права.

Каханти не бил активен на Твитер од октомври минатата година, веднаш откако е сменет.

Иако саудискиот обвинител рекол дека Кахани учествувал во планот Кашоги да се врати во земјата, сепак тој не е уапсен и не е меѓу оние на кои ќе им се суди за убиството на Кашоги.

Свет

Шест деца и тројца возрасни загинаа во израелски напад во Рафа

Шест деца и тројца возрасни загинаа во израелски воздушен напад врз куќа во градот Рафа на југот на Појасот Газа, соопштија денеска палестинските власти.

Рафа, во близина на границата со Египет, е прибежиште на повеќе од половина од 2,3 милиони жители на Газа, кои избегаа таму поради тековните борби на северот на палестинската енклава.

И покрај повиците од светот за воздржаност, вклучително и од САД, израелската Влада со недели најавува копнена офанзива на Рафа, каде, како што тврди, се кријат многу борци на палестинското движење Хамас, против кое Израел води војна од октомври. /МИА

Фудбал

Сејдини: Модерна и прогресивна федерација, тоа е целта за сите нас

Претседателот на Фудбалската федерација на Македонија, Муамед Сејдини, на денешното редовното генерално Собрание на федерацијата изрази задоволство од тоа како функционираат работите, но нагласи дека има простор за напредок.

- Ова за нас, како раководство на Фудбалската федерација на Македонија не е нов почеток, но веројатно е еден од најкомплексните периоди од работата во федерацијата. Одново да им помогнеме на другите да ја видат Фудбалската федерација на Македонија на начин на кој што ја гледаме ние. Модерна и прогресивна.

Се сметам за посветена личност, а односот кон сите обврски во изминатата година даваат оцена и приказ за мојата работа, но и работата на целата федерација. Сметам дека многу работи во нашата Фудбалска федерација функционираат доста добро, но знам дека има и работи што можеме да ги подобриме, рече меѓу другото Сејдини.

Првиот човек на ФФМ посочи дека само резултатот може да ги донесе навивачите на стадион, нагласувајќи ја фаворитската улога на репрезентацијата во Лига на Нации.

Ја потенцираше извонредната соработка со УЕФА и ФИФА и помошта која ја добиваме од нивните програми за развој на фудбалот и спортската инфраструктура.

Македонија

Претрес во Свети Николе, пронајдена дрога

Полициски службеници вчера ги привеле Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана, соопшти МВР.

Лицата биле задржани во полициска станица и по целосно документирање на случајот против нив ќе биде поднесена соодветна пријава.