Вчера излезе од затвор , а денеска потпиша за руски Зенит

Фудбалерот Александар Кокорин вчера излезе од затвор , а веќе денеска 28- годишникот потпиша договор за Зенит од Сант Петерсбург за до крајот на сезоната.

Кокорин и неговиот колега од репрезентацијата на Русија, Павел Мамајев беа уапсени во мај годинава поради напад врз раководител во руското Министерство за трговија , како и неговиот возач , кои ги претепале во октомври минатата година.

Мамајев беше осуден ан 17 месеци затвор , а Кокорин на 18, но по успешната жалба , биле помилувани завчера. Во времето на инцидентот , Кокорин играл за Зенит , а Мамајев за Краснодар .

Нивниот адвокат Јури Падалко претходно најави дека и двајцата ќе излезат предвреме од затвор и ќе ја почнат фудбалската сезона , без оглед на казните.

Славко Голужа: Тактичка победа над Еурофарм Работник во Битола

Победи нашето срце, но и тактиката која ја применивме во второто полувреме, изјави за МИА, тренерот на словачкиот шампион Татран Прешов, Славко Голужа, по победата над Еурофарм Работник од 24:23.

Вечерва решаваа секундите, трпеливоста и искуството, изјави хрватскиот интернационалец Голужа.

– Јас сум под големи емоции затоа што прв пат во мојата ракометна кариера гостувам во Битола. Ги забележувате солзите во моите очи, но јас уште како дете сонував и посакував да дојдам и да играм во оваа спортска сала. Ова е неверојатно што се случува во Битола, како се сака ракометот и затоа на Еурофарм Работник им посакувам успех во следните натпревари. Вечерва бевме за нијанса подобри и победивме, изјави Голужа.

Ракометарите на Еурофарм Работник како и на претходните натпревари, солидно почнаа, имаа водство и првото полувреме го завршија со предност од 14:13, но во второто полувреме сликата на теренот се смени. Во периодот од 47 до 54 минута гостите остварија резултатска серија од 5:0 со што се навести поразот на домашните ракометари. Гостите победија со 24:23, а објективната публика со аплауз ги награди за постигнатиот успех.

Кошаркарките од КК„Крива Паланка" со победа ја отворија сезоната

Со победа од 89 наспрема 24 против екипата на КК „Спорт тим” од Неготино, кошаркарките од Кошаркарски клуб „Крива Паланка” ја почнаа новата сезона натпреварувања во младинските лиги на Кошаркарската федерација на државава.

Мечот се одигра во спортската сала „Бранители 2001", каде КК „Крива Паланка” ги одигрува домашните натпревари.

-И оваа сезона клубот пријави сениорски тим во првата лига жени, но и три младински екипи, две во женска конкуренција, до 16 и до 14 години, како и екипа машки, генерација 2007/08, кои ќе ги бранат боите на клубот.Сите екипи работат интензивно, отворањето на сезоната со победата на првиот натпревар, против „Спорт тим” е само еден чекор кон остварување на сите зацртани планови оваа сезона, 2019/20, во која сме носени од поддршката на повеќе чинители, на локалната самоуправа, локални институции и секако нашите спонзори, чијшто учинок е стимул за постигнување резултати. Сезоната е пред нас, ќе бидеме доследни на нашиот стил на работа и игра,а резултатите ќе дојдат со упорна работа и посветеност, истакна првиот човек на КК „Крива Паланка”, Ведран Белешковски.

Тренерот Мирослав Ивановски рече дека резултатите од минатата сезона, државни прваци до 14 години во женска конкуренција и третото место до 16 години, добрата позиционира ист на прволигашката табела, се нешто што ги задолжува и обврзува да се работи уште по посветено и макотрпно.

Кривопаланечките кошаркарки денеска ќе го одиграат и првиот меч од Прва лига жени, со почеток во 16 часот, на гостински терен,кај екипата на ЖКК “Бдел 1862″, Скопје. Во натпреварувачката сезона 2019/20 КК Крива Паланка настапува и во „Спорт клуб кидс” лига, со машка и женска екипа генерација 2007/08, како и со екипа машки 2003/04 и женски 2005/06 во “Вардар лига”. /МИА

Селекторот на бугарската репрезентација си поднесе оставка

Тренерот Красимир Балаков поднесе оставка од местото селектор на фудбалската репрезентација на Бугарија.

Бугарија во понеделкикот во Софија изгуби од Англија со 0:6, во квалификациите за Европското првенство 2020 година.

Тој меч е во два наврати прекинуван заради тоа што домашните навивачи ги навредувале англиските фудбалери по расна основа.

„Не сум повеќе селектор на државниот тим. На наредниот селектор му посакувам среќа, моменталната ситуација не е ни малку розова“, рекол Балаков по состанокот во Фудбалскиот сојуз на Бугарија.

притисни ентер