Македонија

Ќе се уредува речното корито на Лепенец

Уредување на коритото на Лепенец, тема на денешната средба на министерот за животна средина и просторно планирање Насер Нуредини со градоначалникот на општина Ѓорче Петров, Александар Наумоски.

Можностите за реализација на проектот за „Регулација и уредување на речното корито на река Лепенец" од граница на ГУП на Град Скопје до границата со Косово беа главна тема на денешната средба на министерот за животна средина и просторно планирање Насер Нуредини со градоначалникот на општина Ѓорче Петров, Александар Наумоски.

Градоначалникот Наумовски на средбата го известил министерот Нуредини дека Владата на Република Македонија формираше работна група која направила оценка на применливоста на проектната документација, динамички план, опции за изводливост и финансирање на проектот со препораки и согласно анализите доставила Извештај за реализација на проектот.

– Заеднички беше ставот дека имајќи ја предвид итноста на проектот, потребно е да се разгледаат најсоодветни извори на финансирање и тоа преку националниот буџет, буџетите на општините и средствата планирани за реализација на регионални проекти и рамномерен регионален развој, како и да се разгледаат можностите за финансирање од меѓународните донатори со посебен акцент на средства од ИПА фондовите, соопштуваат од прес-службата на МЖСПП.

На состанокот, како што се наведува во соопштението, се разговарало и за други активности и иницијативи кои општина Ѓорче Петров ги презема за заштита на животната средина, како и за можните начини за нивна реализација. /МИА

Фудбал

Алегри по ремито со Каљари: На полувремето требаше сите да бидат сменети, вклучително и јас

Тренерот на Јувентус, Масимилијано Алегри се осврна на синоќешниот натпреварот со Каљари на којшто неговиот тим се спасуваше од пораз.

Средбата од 33. коло во Серија А заврши 2:2, а Јувентус изедначи во последните минути со автогол на Алберто Досена.

- Пропуштивме седум контранапади и постојано грешивме. Требаше да се бориме, но не влеговме во дуел-игра и ја направивме секоја можна грешка од технички аспект. Во вториот дел играта се промени и се подобривме. Не можете да му го дозволите на противникот таков почетокот на натпреварот на противникот. Примивме два гола. Секогаш е тешко да се игра и да се победи во Каљари. Фудбалот е тежок спорт кој се состои од дуели. Моравме да бидеме на нивното ниво, можеби да играме потехнички.

На полувреме мораше сите да бидат заменети, вклучително и јас. Сега ни преостанува борбата за место кое обезбедува пласман во Лигата на шампионите. Што се однесува до купот, мислам дека со една нога сме во финалето, рече Алегри.

На 23 април торинскиот тим ќе игра со Лацио во реваншот од полуфиналето на Купот на Италија. Првиот натпревар заврши со резултат 2:0 во корист на Јувентус.

На табелата во Серија А, Јувентус е трет со 64 бодови. Пред него се Милан со 69 и Интер со 83. /МИА

Македонија

Хуманитарен настан за лекување на Кара Селовска

Општина Центар во сабота во Паркот на Франкофонија организира музички хепенинг за собирање средства за лекување на 12-годишната Кара Селовска, која се лекува во Барселона.

Настанот е во организација на сите осум основни училишта на подрачјето на општина Центар и со поддршка на Општина Центар.

Кара е ученичка во ООУ „Јохан Хајнрих Песталоци“ во Општина Центар, а поради сериозни компликации во моментот е хоспитализирана на клиниката во Барселона поради дијагностицирање на нејзината болест.

- Ова е втора акција која Општина Центар ја организира за собирање средства за лекување. Претходно, пензионерите од Центар организираа аукција на слики преку која собираа донации за Кара, информираат од Општината.

НБА

Њу Орлеанс последен избори плејоф во НБА-лигата

Кошаркарите на Њу Орлеанс пеликанс рано утрово забележаа победа над Сакраменто кингс со 105:98 во плејин натпреварот одигран на домашен терен.

Најефикасен играч на натпреварот беше Де'Арон Фокс ос Сакраменто кој постигна 35 поени.

Во победничкиот состав се истакна Брендон Инграм со 24 поени.

Пеликанс се пласираа во плејофот каде во првото коло ќе играат против Оклахома.

Покрај Њу Орлеанс место во разигрувањето за трофејот преку плејин обезбедија и Лос Анџелес лејкерс, Мајами Хит и Филаделфија.

Плејофот во најсилната кошаркарска лига на светот почнува вечер со натпреварите:

Кливленд кавалирс – Орландо меџик и

Минесота тимбервулвс – Феникс санс. /МИА

притисни ентер