Според научниците од белгискиот институт , честичките на јаглерод , што настанале од моторното согорување и другите начини на горење на фосилните горива, преминале во постелката , односно во неродените бебиња.
Ова е прва студија која покажа дека честичките вдишени од мајката можат да минат низ бариерата на плацентата. Илјадници ситни честички на кубен милиметар ткиво се забележани во секоја анализирана плацента.
Корелацијата помеѓу нивото на загадување на воздухот и зголемениот број абортуси, предвремено родени деца или намалена тежина на раѓање кај новороденчињата е утврдена претходно. Сепак, оваа студија сугерира дека загадувачите, а не само воспалителните процеси што се случуваат во телото на мајката заради нечистиот воздух, би можеле да бидат директно одговорни за тоа.
За време на студијата, истражувачите анализирале 25 постелки на жени кои не пушат , а живеат во градот Хаселт, чие ниво на загадување на воздухот е многу пониско од лимитот на ЕУ, но повисоко од оној што го препорачува Светската здравствена организација (СЗО).
Во секоја плацента се наоѓале наночестички на плодната страна на плацентата, а нивниот број зависел од нивото на загадување на воздухот на кое била изложена мајката. На пример, бремените жени кои живеат во близина на поголемите патишта во просек во плацентата просечно имале 20 000 наночестички на кубен милиметар. Оние што живеат далеку од патиштата имале просечно 10,000 честички на кубен милиметар.
Научниците исто така ја анализирале плацентата на жени по абортус и откриле дека честичките биле присутни и кај фетусите постари од 12 недели. Откривање на загадувачки честички на феталната страна на плацентарната бариера значи дека постои голема веројатност дека неродените деца се директно изложени на наночестички.
Продуктивната анализа на крвта и студиите сега се во тек за да откријат дали загадувачките честички предизвикуваат оштетување на ДНК.
„Навистина е тешко да се дадат совети, сите треба да дишеме“, рече докторот и раководител на истражување, Тим Наврот од универзитетот Хаселт во Белгија.