Поднесено барање за укинување на мерката притвор за Катица Јанева

Здравствената состојба на поранешната специјална обвинителка Катица Јанева е стабилна и не е променета откако таа е влезена во притвор, велат од затворската управа во Шутка.

Откако нејзината адвокатка Ирена Фрчкоска излезе со тврдење дека нејзината состојба е влошена, особено психичката.

Од затворот велат дека Јанева уште кога е примена има одредена дијагноза за која пие соодветна терапија, но стручни лица редовно ја следат нејзината состојба..

Нарушувањето на здравјето, заедно со префрлањето на предметите во редовното обвинителство, се очкува да бидат главните аргументи на одбраната, која веќе до судот поднела барање за укинување на мерката притвор.

“Основите поради кои се бара укинување на мерката притвор е дека таа практично повеќе не е на нејзината функција специјален јавен обвинител. Во таа смисла не може ниту претпоставено да влијае ниту на предметите кои ги водеше СЈО ниту на сведоците односно обвинителите кои беа нејзини помошници во СЈО. Дополнително и основнот дека е разрешена и од јавен обвинител во Гевгелија оди во прилог на овој наш наод.”,изјави Ирена Фрчкоска – адвокатка на Катица Јанева.

Одбраната ќе бара укинување на притворот со депонирање на соодветна гаранција во недвижен имот. Според анкетниот лист од Антикорупциска, Јанева пријавила дека поседува земјоделско земјиште, куќа и плац во Гевгелија и во околината и два стана во Скопје кои се водат на име на нејзините две деца, синот и ќерката.

Поранешната обвинителка има неколку моторни возила, на нејзино и на име на децата. Во две македонски банки пријавила и четири депозити во вкупна вредност од близу седум милиони денари.

Јанева, според информациите, е сместена во женскиот дел во Истражниот затвор во Шутка во посебен дел, а ќелијата ја дели со уште една притвореничка. Осомничена е во случајот „Рекет“, а од вчера освен што и престана мандатот во СЈО, повеќе не е ни обвинител во Основнотот јавно обвинителство во Гевгелија.

30те дена притвор кои и беа определени завршуваат за два дена. Дали обвинителството ќе побара продолжување на притворот или определување на други мерки засега не е познато..

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

Мериленд доби помош од 60 милиони долари по уривањето на мостот во Балтимор

Американското Министерство за транспорт денеска и додели 60 милиони долари на сојузната држава Мериленд за помош по уривањето на мостот Френсис Скот Ки откако во него удри товарен брод.

Гувернерот на Мериленд Вес Мур претходно побара средства за помош во „мобилизацијата, операциите и отстранувањето на отпадот“.

Мур додаде дека овие средства ќе ги постават темелите за брзо закрепнување.

Инаку, по уривањето неколку работници паднаа во водите на реката Патапско. Телата на двајца мажи, на возраст од 35 и 26 години, беа пронајдени во средата, на 7,6 метри под вода во реката Патапско.

Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт.

Несреќата се случи во вторникот откако товарниот брод „Дали“ удри во еден од столбовите на мостот. /МИА

притисни ентер