РСБСП: Поддржувајте ги алтернативни форми на мобилност- пешачење, велосипедизам и јавен превоз

Возењето велосипед, пешачењето и користењето на јавниот превоз создава пријателства и ја подобрува комуникацијата со луѓето и со околината.

Според истражувањата на реномирани меѓународни организации, лицата кои пешачат и возат велосипед живеат во просек две години повеќе од оние кои не пешачат и не возат велосипед и земаат 15 отсто помалку денови за боледување, велат од Републичкиот совет за безбедност на сообраќајот на патиштата (РСБСП), потестувајќи на придобивките од користењето на алтернативните форми на мобилност за време на кампањата „Европска недела на мобилност", која почна од вчера и ќе трае до 22 септември.

– Возењето велосипед согорува 600 калории на час, го намалува крвниот притисок, а истовремено ја зголемува енергијата. Возењето велосипед и пешачењето прави човекот да се чувствува помлад, ослободува од стрес и е во хармонија со природата, велат од РСБСП, додавајќи дека таквите алтернативни форми на мобилност придонесуваат за здрава животна средина, намалено загадување, намален сообраќаен метеж и намалена бучавост.

Истражувањата покажуваат дека на растојание до пет километри, во урбана средина, велосипедот е доминантно превозно средство во однос на автомобилот од аспект на побрзо и побезбедно пристигнување на посакуваната дестинација и од аспект на полесно паркирање.

– Паркингот за велосипеди е секогаш достапен, бесплатен и одзема многу помалку простор. Со пешачење и со користењето на велосипедот како сообраќајно превозно средство се заштедуваат многу пари за скапо гориво. Исто така, купувањето велосипед е далеку поевтина опција, отколку купувањето автомобил, потсетуваат од РСБСП.

Освен тоа, возењето велосипед, пешачењето и користењето на јавниот превоз создава пријателства и ја подобрува комуникацијата со луѓето и со околината.

Статистичките податоци покажуваат дека ако се земаат предвид бројот на поминати километри и бројот на пренесени патници, јавниот превоз е најбезбеден начин за пристигнување до посакуваната дестинација.

– Јавниот превоз е редовен и загарантиран. Со користењето на јавниот превоз се елиминираат ризиците кои може да го загрозат патувањето како техничка неисправност на возилото, откажување на возилото на пат и друго. Согласно наведеното, користењето на алтернативните форми на мобилност треба да биде ваша секојдневна, позитивна навика од која добиваат сите, а најмногу вие самите. За здрави животни навики, за чиста животна средина, за побезбеден сообраќај, треба да се користат алтернативни форми на мобилност, истакнуваат од РСБСП. /МИА

Најнискиот човек на светот почина на само 27 години

Кхагендра Тхапа Магар, на многумина познат како најнискиот човек на светот, почина на само 27 годишна возраст.

67 центиметри високиот Кхагендра се борел со пневмонија и починал во болница во Непал.

Кхагендра е внесен во Гинисовата книга на рекорди како најнизок човек на светот способен да се движи во 2010.

Тој прв пат се појавил во Гинисовата книга на рекорди како најнискиот машки тинејџер, пред да се здобие со титулата за најнизок човек на светот кога наполнил 18 години.

Таткото на Кхагендра рекол дека кога тој се родил бил толку малечок што го собирало во дланка и било многу тешко да го бањаат затоа што е толку мал.

Креиг Глендеј од Гинисовата книга на рекорди изјавил: „Многи сме тажни откако ги чувме вестите од Непал дека Кхагендра повеќе не е меѓу нас“.

По влегувањето во Гинисовата книга на рекорди, Кхагендра станал туристички амбасадор за Непал, бидејќи се појавувал низ медиумите во целиот свет.

Неговиот брат рекол дека Кхагендра починал во Петок околу 15:00 часот по локално време.

Сега рекордот за најнизок жив човек ќе го преземе Колумбиецот Едвард Хернандез со 70 центиметри.

Производството на Смарт се сели во Кина, дали Европа останува без уште еден автомобилски бренд?

Кинеската автомобилска компанија „Geely“ презела 50% од акциите на брендот Смарт од Даимлер. Заедно ќе произведуваат мали градски автомобили, кои во иднина ќе имаат исклучиво електричен погон.

Смарт автомобилите од 2022 година ќе се произведуваат во Кина, дали така Европа ќе остане без уште еден бренд?

Новите електрични модели ќе пристигаат од 2022 година па натака. Мерцеденс- Бенз ќе води сметка за дизајнот и стилот на идните модели а „Geely“ ќе го води секторот за инженеринг.

„Нема да има разлика во квалитетот, идеме на премиум бренд кој и по стандардот на пластиката и стандардот на електрокомпонентите ќе биде на светско ниво“, вели Ола Калениус од Даимлер.

Главната продажба се очекува во Кина, која инаку е најголемиот пазар за автомобили во светот.

„Имаме амбиции за производство од  100.000 до 350.000 мали градски автомобили. Годишно ќе биде голем профитот и за Мерцедес и за „Geely“, тврди Ли Шуфу од таа кинеска компанија“.

До лансирањето на новите модели во 2022 година, сегашните Смарт автомобили ќе продолжат да се произведуваат во погодините на Даимлер во Франција, Словенија, но само во верзии со електричен погон.

Беровско Ратево подготвено за 12 издание на карневалот ,,Ратевски Бамбурци"

Традицијата стара 600 години наречена ,,Ратевски Бамбурци” и оваа година продолжува во беровското село Ратево. 

Таканаречените ,,Бамбурци” се група луѓе кои се маскираат во кожи кои достигнуваат тежина и до 70 килограми и се главни носители на карневалот на кој годинава, како што информираат организаторите се очекува да настапат над 300 маски од Македонија и Бугарија.

– Подготовките за овогодишниот карневал се при крај, така што во понеделник на 20 јануари 2020 година, кога христијаните го чествуваат  ,,Св. Јован Крстител”, Ратево уште еднаш ќе биде домаќин на старата беровска традиција. Според она што ни го кажувале нашите предци станува збор за традиција стара 600 години, која настанала кога поради појава на болест, тогашните жители на Ратево со маски ги бркале лошите духови и болеста од селото. Традицијата еве и денеска по шест века и по 12 пат како карневал ќе се одржи во Ратево, велат организаторите.

Главното случување на настанот како што дополнија започнува во 10 часот кога сите учесници ќе продефилираат пред присутната публика која се очекува во бројка од 3000 посетители.

– Учесниците со својата маска, поединечна или групна имаат можност околу 5-10 минути да се претстават пред публиката и жири комисијата, по што околу 13 часот имаме одлука која маска е првонаградена на 12-тото издание на карневалот. Обезбедени се награди за трите најдобри маски како и благодарници за сите учесници, додаваат организаторите.

Локалниот обичај поврзани со Ратевските Бамбурци започнува рано наутро на 20 јануари на денот посветен на ,,Св. Јован Крстител” и има една цел, со танцот на Бамбурците да се избрка злото од Малешевијата. /МИА

притисни ентер