Поради нападите , за кои одговорноста ја презедоа јеменската група Хути, производството на нафта е двојно намалено, што може да предизвика зголемување на цените на нафтата.
Саудиското производство на нафта опадна за 5,7 милиони барели на ден, што е 5 проценти од светското производство на нафта, по нападите врз објектите во Абкаик и Кураис, соопшти државната нафтена компанија „Арамко“.
Саудиска Арабија извезува над 7 милиони барели нафта секој ден.
Саудиска Арабија произведува околу 10 милиони барели нафта на ден, а во август произведува во просек 9,85 милиони барели, пренесува Американската агенција за информации за енергија.
„Абкаик е веројатно најважниот објект за снабдување со нафта во светот“, рече Џејсон Бордоф, директор на Центарот за глобална енергетска политика од Универзитетот Колумбија, кој беше член на Советот за национална безбедност на Обама.
„Ризикот од регионална ескалација, што ги зголемува светските цени на нафтата, сега значително се зголеми“, додаде тој.
Објектот во Абкаик обработува сурова нафта од најголемото светско нафтено поле, Гаавар, долго 280 километри и 30 километри широко, и го транспортира до Рас Танура, најголемиот нафтен терминал во светот.
Нафтата исто така се транспортира западно, преку терминалите на Црвеното Море.
Јеменските Хути ја презедоа одговорноста за нападот со 10 беспилотни летала, но американскиот државен секретар Мајк Помпео тврди дека Иран е одговорен за нападот.
Помпео ја нарече акцијата „невиден напад врз снабдувањето со нафта на светот“. Иран ја отфрла одгворноста за нападот во Саудиска Арабија.