Живот

Пензионер потрошил 30 000 фунти за судења за сообраќаен прекршок од 100 фунти

Британецот Ричард Кидвел (71) последните неколку години потошил 30 000 фунти на жалби поради казна за пребрзо возење од 100 фунти, па сепак го загубил случајот.

Проблемите на пензионираниот инженер Ричард Кидвел започнаа кон крајот на 2016 година кога беше снимен додека патувал во Ворчестер со 55 км на час во зоната за 50 км на час. Но, тој не се согласувал со тоа ,откако по неколку дена добил известување за тужба. Бил убеден дека не возел премногу брзо, па напишал во документот во кој требало да се изјасни за виновен дека „нема случај“.

Покрај тоа, ангажирал експерти за видео и електроника за да докаже дека нешто не е во ред со полициската камера за брзина. Но, она што не го очекувал е почеток на долга и скапа правна битка.

Во текот на последните неколку години, во обид да ја оспори казната од 100 фунти, Кидвел потроши „повеќе од 30 000 фунти“, вклучувајќи околу 21,000 фунти за адвокатски такси и 7,000 фунти во судски и патни трошоци.

Тој очекувал случајот да заврши многу брзо, но наскоро сфатил дека сè оди со многу побавно темпо отколку што замислувал. На пример, одел во Судот во Ворчестер четири пати пред да се сослуша неговата жалба.

Донел и експерт како сведок за да го убеди судот дека камерата за брзина можеби била во дефект или едноставно го снимила автомобилот во соседната лента, но судијата не сакал да ги слушне неговите аргументи.

„Жал ми е за количината пари. Само сакав правда“, вели Кидвел, додавајќи дека го потрошил најголемиот дел од она што сакал да им го остави како наследство на синовите. Иако ги потрошил парите , тој сè уште размислува да се жали на повисок суд.

„Уморен сум и болен од системот што толку ги мачи обичните луѓе“, заклучи пензионерот .

НБА

Леброн: Јокиќ е еден од најдобрите на сите времиња

Првата ѕвезда на Лос Анџелес лејкерс, Леброн Џејмс искажа комплименти за центарот на Деневер, Никола Јокиќ.

Лејкерси ќе се сретнат со Нагетс во 1. коло од плејофот, а дуелот Џејмс – Јокиќ предизвикува големо внимание кај светската кошаркарска јавност.

- Еден од најдобрите досега. Едноставно е таков. Јокиќ може се. Што е најважно, тој го менува начинот на кој неговите соиграчи размислуваат за сопствената игра. Кога некој може да ги инспирира другите да играат на ниво на кое не ни знаеле дека можат, тоа е доказ дека зборуваме за навистина одличен играч, рече Џејмс.

Првата средба во плејоф пресметките меѓу Лос Анџелес лејкерс и Денвер нагетс е закажана за утре. /МИА

Свет

Претставничкиот дом на САД треба да гласа за големиот пакет помош за Украина, Израел и Тајван

По неколкумесечно одложување, Претставничкиот дом на американскиот Конгрес денеска треба да гласа за големиот пакет помош за Украина, Израел и Тајван, вреден 95 милијарди долари, како и за евентуалната забрана на ТикТок во САД.

Предлог-законите се резултат на повеќемесечни тешки преговори меѓу демократите и републиканците, како и притисокот од сојузниците на САД и постојаните молби за помош од украинскиот претседател Володимир Зеленски.

Законите, сепак, сè уште имаат гласни противници во Конгресот, а надежите за усвојување зависат од кревката двопартиска коалиција која се обидува да ги надмине големите процедурални и законодавни пречки, пренесува Би-Би-Си.

Спикерот на Претставничкиот дом Мајк Џонсон изјави дека е решен да ги поднесе законите на гласање, и покрај фактот што радикалните републиканци може да побараат негово разрешување.

Предлогот предвидува 60,8 милијарди долари помош за Украина, 26,4 милијарди долари за Израел и 8,1 милијарди долари за индо-пацифичкиот регион, вклучувајќи го и Тајван.

Претставничкиот дом ќе гласа за секој предлог-закон поединечно, што значи дека некои може да поминат, а некои не.

Претседателот Џо Бајден и демократските пратеници во Конгресот со месеци се залагаат за нов голем пакет оружје за Украина, но републиканците под влијание на нивниот претседателски кандидат Доналд Трамп, ја условуваа помошта.

Со усвојување на законите, исто така, ќе му се овозможи на Бајден да конфискува и продава руски имот, а средствата да ги намени за помош на Украина, потег што беше прифатен и од другите земји од Г7.

Претставничкиот дом ќе ја разгледа и предложената законска одредба со која треба да се принуди ТикТок да се откаже од кинеската матична компанија ByteDance или ќе се соочи со забрана во САД, каде што има околу 170 милиони корисници.

Белата куќа соопшти дека „силно го поддржува“ вкупниот пакет помош и оти Бајден ќе ги потпише законите веднаш штом бидат усвоени од двата дома на Конгресот.

Тоа би можело да се случи за неколку дена, бидејќи лидерот на мнозинството во Сенатот, Чак Шумер, вети дека Сенатот со мнозинство од демократите брзо ќе преземе мерки штом бидат усвоени од Претставничкиот дом.

Сепак, политичките аналитичари во САД оценуваат дека усвојувањето на законите во Претставничкиот дом, би можело да го чини спикерот Мајк Џонсон губење на спикерското место. Неколку екстремно десничарски републикански пратеници предупредија дека може да го соборат Џонсон поради поддршката на нацрт-законите. /МИА

Македонија

Затруен од наркотици пронајден во бессознание во двор во Кавадарци

Кавадарчанец затруен од наркотици бил пронајден во бессознание во двор во Кавадарци, информираа денеска од СВР Велес.  

- Вчера во 12.00 часот во ОВР Kавадарци, од Итна медицинска помош било пријавено дека во дворот на М.К.(42) од овој град, во бессознание бил пронајден кавадарчанецот Б.О.(40), кој бил затруен од наркотични средства. Подоцна, со судска наредба, полициски службеници извршиле претрес во домот на М.К., при што била пронајдена и одземена таблета екстази. М.К. бил лишен од слобода, појаснија од СВР Велес.

Оттаму додадоа дека по документирање на настанот, против него ќе биде поднесена соодветна пријава.

притисни ентер