Ципрас: За Договорот од Преспа, Мицотакис се надмина себе си во хипокризијата и демагогијата

Онаму каде што навистина господинот Мицотакис и Vладата се надминаа себе си во хипокризија и демагогијата е Договорот од Преспа, порача лидерот на СИРИЗА Алексис Ципрас на 84. Меѓународен саем во Солун.

Поранешниот грчки премиер изнуди силни аплаузи и овации од присутните кога во обраќањето се осврна на Договорот од Преспа, особено во делот во кој ја обвини актуелната влада за хипокризија и демагогија, но и за „импресивно салто" во конкретното прашање. Рече дека за конкретното прашање, претходната влада била навредувана и притисната да дава објаснувања, затоа што го одбранила „националниот интерес и мирниот соживот со соседите".

Се осврна и на ланските протести пред конференциската сала „Велидио", каде што секоја година се одржува саемот, прашувајќи се каде се сега, „борците за Македонија" (македономахи).

– И денес оние кои ги толерираа собирите на наводните „македономахи" и наводни патриоти- навистина каде се сега? Оваа година никој не ги виде пред „Велидио". Оние кои лани нè навредуваа, оние кои ги толерираа нападите со молотов врз домовите на пратениците кои гласаа во Парламентот, оние кои договорот го нарекуваа предавнички, штетен договор. Сега истите тие доаѓаат и велат дека не само што ќе го спроведат, не само што ќе се придржуваат до верно спроведување, туку и ќе го почитуваат. Да, ќе го почитуваат. И им велиме, многу добро ќе направите што ќе го почитувате. Тоа е договор што вреди да се почитува од секоја влада, но на овој начин правите, вашето салто да изгледа поимпресивно од тоа што навистина е, порача поранешниот грчки премиер во неговото обраќање.

Ципрас истакна дека Мицотакис, за време на неговиот говор на свеченото отворање на саемот во Солун минатата сабота не кажал ниту збор дека благодарение на Договорот од Преспа, Грција е примена во Берлинскиот процес, како и во кинеската иницијатива 16+1, што стана 17+1, дека благодарение на договорот, „процветаа трилатералните и квадрилатералните соработки", а Солун има надградена улога на Балканот.

Лидерот на СИРИЗА и поранешен грчки премиер, за време на неговиот синоќешен говор во Солун, го претстави нивниот алтернативен план за економијата и општеството, упати критики до актуелната влада, а се задржа и на автокритиката и грешките кои тие ги направиле во изминатите четири и пол години додека беа на власт.

Матичните лекари бараат повеќе термини за ковид тестови

Матичните доктори во понеделниците и вторниците во трка да закажат тестирање за Ковид 19 во јавните здравствени установи. 

Денеска во ординацијата на матичен доктор преку системот за закажување на тестирање слободен термин за закажување за Ковид 19 има само во Битола. Матичните велат дека има и граѓани од Скопје одат и се тестираат и во други градови, доколку нема слободен термин во јавното здравство во Скопје. Она што е дополнителен проблем е што матичните доктори само во поликлиниките може да закажат тестирање во другите установи не можат.

Матичните велат дека дополнителен проблем е и алгоритамот. Има случаи кога некој бил во контакт со болен има симптоми не чувствува мирис и вкус, има болки во телото, кашла а нема температура, во овој случај доколку не се внесе зголемена температура не може да се закаже тестирање за ковид 19.

И пациентите и матичните доктори реагираат дека некогаш мораат да ги препратат на приватно тестирање каде тестирањето чини од четири илјади до осум илјади денари доколку резултат веднаш се добива. Во последните тестирања се покажува дека 40 проценти од добиените резултати се во јавните здравствени установи, а останатите се во приватните лаборатории. Институтот за јавно здравје објави дека во однос на минатата недела зголемен е бројот на позитивни пациенти за 34,9 проценти. Највисока инциденца е регистрирана во Кочани 154, 1 на 100 илјади жители. во 16 града, бројот на ново-дијагностицирани е под 20. Пријавени се 48 смртни случаи, 21 повеќе од минатата недела.

-Регистрирани се заболени лица во сите возрасни групи. Најзастапена е возрасната група на лица на возраст над 60 години 22,4%. Голем број на заболени се регистрира и кај лицата во возрасните групи од 50-59 18,5%3 30-39 18,2%, 40-49 15,7%) и 20-29 (n=147; 15,5%). Најмал број е регистриран кај децата од 0-9 3,9 и 10-19 години 5,9%.

- Починати има најмногу над 60 години 32 лица 8 на возраст од 50-59, 4 од 40-49 години, 3 од 20-29 и еден случај од 30-39 години. Од починатите 42 лица биле хоспитализирани.

Албански државјанин и двајца дебрани заработија кривични пријави за производство и промет на дрога и помагање

Албански државјанин и двајца жители на Дебар заработија кривични пријави за „неовластено производство и промет на дрога" и „помагање".

-Оделението за внатрешни работи од Дебар поднесе кривична пријава против Ф.Ц.(33) од Република Албанија поради постоење основи на сомнение за сторено кривично дело ,,неовластено производство и пуштање во промет на наркотични дроги, психотропни супстанци и прекурсори".Во исто време поднесена е кривична пријава и против К.К.(33) и А.С.(26), двајцата од Дебар, поради постоење основи на сомнение за сторено кривично дело „помагање", изјави Стефан Димоски, портпарол на Секторот за внатрешни работи од Охрид.

Според него, првопријавениот, во месноста „Врабич", во близина на регионалниот пат Дебар – Струга, во грмушка сокрил вреќа во која имало 5 килограми и 480 грама опојна дрога марихуана.

Тој бил затекнат во момент кога ја препакувал дрогата, а по кратко време со патнички возило пристигнале второ и трето пријавените кои требало да ја преземат дрогата во помали пакувања./МИА

Министерот Спасовски се сретна со францускиот амбасадор Тимоние

Министерот Спасовски изразил благодарност за обемната помош од француска страна за Министерството за внатрешни работи на Република Македонија.

Огромната поддршка која Француската Република ѝ ја дава на Макеоднија за остварување на напорите за членство во ЕУ, беше во центарот на вниманието на денешната средба помеѓу министерот за внатрешни работи Оливер Спасовски и амбасадорот на Француската Република во заминување, Кристијан Тимоние, што се одржа во Министерството за внатрешни работи.

Министерот Спасовски изразил благодарност за обемната помош од француска страна за Министерството за внатрешни работи на Република Македонија во форма на експертиза, обуки, заеднички оперативни акции и проекти, што придонесува за развивање на капацитетите на Министерството.

– Обострано беа изразени задоволство од досегашниот развој на билатералните односи и желба за уште поголемо интензивирање на соработката на сите полиња на безбедноста, се наведува во денешното соопштение од МВР. /МИА

притисни ентер