Бред Пит признава дека работел како маскота на кокошка пред фаст фуд ресторан : Човек мора од нешто да живее (ВИДЕО)

Холивудската ѕвезда Бред Пит во шоуто на Елен де Џенерис покажа дека не се срамни од своето минато и откри многу тајни од својот живот.

Тој рече дека не му е срам што на почетокот на актерката кариера морал да работи пред фаст фуд ресторан облечен во маска на кокошка. ,,Човек мора од нешто да живее.” , рече Бред.

На почетокот на шоуто Бред се појави ненајавено од публиката , на огромна радост на жените и девојките , кои не можеа да останат рамнодушни.

Во текот на емисијата се покажа и дека Бред и Елен имале заедничка девојка .

Тој раскажа и дека пред да стане актерска sвезда, студирал новинарство на Универзитетот во Мисури. Но, на само неколку испити пред дипломирањето, се отпишал од факултетот и се преселил во Лос Анџелес за да почне со актерство.

На Западниот брег, Пит работел бројни необични работи покрај онаа пред фаст фуд ресторанот Ел Поло Локо. Преселувал мебел, а два месеци бил стриптиз возач. Оваа последната работа, вели тој, му помогнала во актерската кариера, бидејќи една од клиентките му кажала дека оди на часови по глума кај Рој Лондон, па решил да види што може да научи.

Во 2014 година, тој го доби единствениот Оскар, не за глума, туку за продукција на историската драма на неговата продуцентска компанија, Plan B Entertainment.

И покрај тоа, Бред е еден од најпочитуваните актери денес, за кого „Гардијан“ неодамна заклучи дека е единствениот што може да му парира на Леонардо Ди Каприо, „последниот Мохиканец“ на класичниот Холивуд.

55-годишниот актер неодамна зборуваше за проблемите со алкохолот и неговиот живот по разводот со Анџелина Џоли во интервју за Њујорк Тајмс.

Битиќи: Владата ќе го најде најдоброто решение за етничкото вработување

Не треба да има двоумење дека Владата ќе го најде најдоброто можно решение, а и премиерот имаше јасен став за етничкото вработување дека остануваме отворени кон секое едно прашање.

Секое прашање заслужува одговор, но заедничко решение ќе најдеме на масата во Владата, порача денеска вицепремиерот за економски прашања Фатмир Битиќи.

-Да почекаме на исходот и да вимиме што се идеите на сите страни и на крај да ги прашаме стопанските комори, синдикатите и самите граѓани што мислат околку тоа прашање и да видиме кое е решението. Затоа мислам дека не би требало воопшто да има двоумење дека Владата ќе го најде најдоброто можно решение за граѓаните без разлика каде и какви се. За нас сите граѓани се еднакви и како такви заслужуваат да добијат одговор за било кое прашање или проблем за кој сметаат дека придонесува за да имаат подобар квалитет на живот, рече Битиќи во одговор на новинарско прашање по потпишувањето договор за државна помош со компанијата „ВИК Македонија".

Тој побара простор од медиумите за да се реши прашањето.

Прашан дали Буџетот може да издржи доколку се спроведе мерката, рече дека тоа е хипотетички и оти е исто како да го прашаат дали може да се реализираат капитални инвестиции од една милијарда доколку се предвидат.

-Буџетот ќе издржи онолку колку што сите заедно ќе се залагаме да го полниме. Рековме дека ќе нема отстапки кон сивата економија, кон неформалниот сектор и сите однесувања кои не прилегаат на една земја која аспирира да биде членка на ЕУ. Ако сите заедно се бориме против тие негативни феномени мислам дека Буџетот ќе издржи за билошто што ќе сметаме дека е адекватен одговор на барањата и очекувањата на граѓаните, Во овој момент е само хипотетички да кажам дали ќе издржи или нема да издржи затоа што немаме ништо конкретно на маса, потенцира Битиќи.

Појасни дека министерствата за политички систем и за информатичко општество и администрација веќе креираат план за прераспоредување на 1.300 вработени од јавниот сектор

-После само 22 дена од формирање на Владата кој е епилогот со 1.300-те вработени кои треба да завршат некаде каде што треба да завршат е прерано. Рековме дека во однос на сите прашања соодветно во даден временски период ќе се изјасниме, рече Битиќи и порача дека еднаш за секогаш треба да се разјасни што е државна управа, а што јавен сектор.

Кога зборуваме за намалување на бројот на вработени во јавната администрација, нагласи, мислиме на целосниот јавен сектор, а не на државната управа.

-Ако се види функционалната анализа на секоја институција посебно, особено по министерствата ќе се согледа дека дури недостасуваат луѓе кои се планирани по систематизација. Сепак остануваме на ставот дека јавната администрација ќе биде намалена за 20 отсто, посочи Битиќи./МИА

Доставени 27 предлози „За зелен и хуман град" до Советот на Град Скопје

Дванаесет организации и активистички групи преку архивата на Град Скопје до Советот на Градот денеска доставија 27 предлози за зелен и хуман град. 

Предлозите произлегоа од граѓанскиот буџетски форум „Моја заедница. Моја визија" кој се одржа на 16 септември, каде овие предлози беа усогласени и изгласани.

Како што појасни на денешната прес-конференција Драгана Велковска, активистика за заштита на животни и животна средина и членка на Советот на Град Скопје, тие бараат овие предлози да бидат инкорпорирани во буџетот на Градот за 2021 година.

– Доколку градското раководство ги игнорира или ги отфрли делумно или целосно овие предлози, тоа ќе значи дека работи спротивно на интересите на Скопјани и ние сметаме дека во овие предлози всушност се наоѓа основата на визијата за зелено, хумано Скопје и за неговиот одржлив развој, нагласи Велковска.

„Полио плус" – Движење против хендикеп поднесе два предлога. Едниот, како што информира Елена Кочоска од организацијата, е да се донесе стратешка рамка за имплементирање на конвенцијата за правата на лицата со хендикеп на локално ниво, а другиот да се субвенционираат електрични скутери за жителите со хендикеп во Скопје.

– Предлагаме Град Скопје да субвенционира скутери за лицата со хендикеп од една страна, а и ние како жители на Град Скопје ќе придонесеме во заштита на средината, но од друга страна Градот на тој начин ќе излезе во пресрет на имплементација на обврските кои ги има согласно догвоорот од 2011 година, односно независниот живот на лицата со хендикеп и остварување на правото на мобилност, рече Кочоска.

Институтот за истражување и анализа на политики „Ромалитико", пак, исто така достави два предлога за потребите на ромската заедница кои генерално произлегуваат од општина Шуто Оризари.

– Првиот предлог се однесува на отворање на противпожарна единица во Шуто Оризари, бидејќи сведоци сме дека во текот на зимскиот период се случуваат пожари кои често пати резултираат и со човечки и материјални жртви, додека се чекаат противпожарните единици од околните општини. Вториот предлог кој го доставивме всушност се однесува на поставување на мерачи за воздух и на Шуто Оризари, бидејќи голем број од Ромите се греат на дрва и оттука субвенциите кои се предвидени од Град Скопје, не допираат до ромската заедница, посочи Алберт Мемети, проект менаџер на „Ромалитико".

Оттука, како што додаде тој, потребен е пристап пред се за поставување на мерни станици во Шуто Оризари, но и субвенционирање на фотоволтаични инсталации или пак субвенционирање на печки на пелети или климатизери во Шуто Оризари се со цел, како што нагласи, овие мерки да бидат достапни за ромската заедница.

Антонио Јовановски од здружението „Биди зелен" ги појасни двата предлога кои ги доставиле. Едниот предлог, како што посочи, е зајакнување и зголемување на образованието за климатски промени и поставување на фотоволтаични системи на средните училишта на Град Скопје, конретно за „Никола Карев", а другиот предлог е за поддршка на иницијативата „Селектирам" каде се доближува селектирањето на отпад до домовите, во зградите, на секој граѓанин.

Вкупниот износ на предлозите, како што додаде Велковска, е близу 1.700.000.000 денари, а тоа, според нејзе, претставува некаде меѓу една четвртина и една петтина од вкупниот буџет на Градот Скопје кој за 2020 година.

– И тоа како има средства доволно за да се спроведе оваа визија за одржлив развој на Скопје, за зелено и хумано Скопје со инкорпорирање секако и на барањата, потребите, приоритетите на сите Скопјани кои живеат во овој град. Тоа се всушност потреби на граѓаните и тие се јавни средства кои мора да се искористат за приоритетите на Скопјани, а не да се користат за приоритетите на секоја различна партија која ќе дојде на власт, заклучи Велковска. /МИА

Спасовски: Современ, регионален пристап, заедничка стратегија и конкретни мерки за делување во справувањето со новите безбедносни предизвици

Заедничките евроатлански вредности претставуваат основен сегмент и суштински двигател на меѓусебно приближување на државите од балканскиот регион и надминување на сите бариери, од кои дел беа проследени со конфликти и несогласувања во минатото. 

Балканското „буре барут", како што многумина го нарекуваа, мора да остане во историјата, а сите земји во регионот посветено да се сосредоточиме кон заедничките вредности и цели насочени на превенирање на конфликтите, одржување на мирот и стабилноста, владеење на правото без исклучок со почитување на меѓународното право, заштита на човековите права и слободи и мирно решавање на сите спорови и недоразбирања, за што последниов период Република Македонија претставува вистински пример. Само така можеме да обезбедиме гаранција за просперитетот, одржливоста и стабилноста на државите.

Тоа го истакна министерот за внатрешни работи Оливер Спасовски во видео-обраќањето пред учесниците на 11-тата по ред Меѓународна научна конференција „Евроатланските вредности на Балканот" што во организација на Факултетот за безбедност од Скопје и германската Фондација „Ханс Зајдел" од денеска се одржува во Охрид.

Според Спасовски паралелно со посочените процеси државите од регионот се исправени со предизвици како организираниот криминал, нелегалната миграција, компјутерскиот криминал и сајбер нападите, лажните вести и секако, насилниот екстремизам и тероризам, пандемијата „Ковид-19.

– За справување со овие современи предизвици е неопходен современ, регионален пристап, заедничка стратегија и конкретни мерки за делување, рече тој.

Како дел од активностите за зајакнување на капацитетите на државата во справување со предизвиците тој посочи на спроведените реформи, како реализација на препораките од групата високи експерти за системски прашања од владеење на правото во врска со следењето на комуникациите, усвојувањето на предложениот модел за реформа на безбедносно-разузнавачкиот систем со кој Управата за безбедност и контраразузнавање беше одделена од МВР, донесувањето на новиот Закон за Агенцијата за национална безбедност, …

– На тој начин ги надминавме и констатираните недоследности кои беа утврдени во претходните извештаи на Европската комисија за нашата држава. Во исто време работевме на изготвување на уште едно законскко решение за координација на безбедносно разузнавачката заедница, со цел да се уреди поставеноста и надлежноста помеѓу безбедносно разузнавачките служби.

Според министерот Спасовски, безбедносниот систем е основа на функционирање на правната држава, а сите овие спроведени реформи гарантираат заштита и унапредување на човековите права, заштита на демократијата и стабилноста на системот.

– Тој систем денес функционира, со него функционира и правната држава, а со неа и демократијата. Првата стратешка цел – интеграцијата во НАТО – ја остваривме. Продолжуваме со несмален интензитет, посветена и одговорна работа и реализација на сите активности кон остварувањето на втората стратешка цел на државата – членството во ЕУ, односно европеизација на нашата татковина. Ова е период кога сечиј придонес е важен, очекуван, потребен и суштински, рече Спасовски.

На научната конференција во Охрид што овојпат се одржува во услови на епидемија на коронавирусот експерти од државите во регионот и пошироко со непосредно присуство и по пат на видео-линкови ќе дискутираат за новите безбедносни предизвици и асиметрични закани, безбедноста помеѓу стратегиите и црвените линии на Балканот, потоа за заканите и отворените прашања на Балканот како нови предизвици за безбедноста, современи форми на криминал како глобална закана, зајакнување на капацитетот на малите држави и капацитетите за борба против корупцијата и организираниот криминал. /МИА

притисни ентер