Научниците сметаат дека стаснува збор за најголемата до сега откриена структура во галаксијата , што е резултат најверојатно на високоенергетска ерупција , што се случила во близина на огромната црна дупка на Млечниот пат пред повеќе милиони години.
И покрај тоа што долго време постои во нашата галаксија, неодамна беше можно да се забележи, благодарение на напредните телескопски инструменти кои можат да детектираат емисија на радио дури и преку густи облаци од вселенска прашина.
Научниците ја опишаа структурата во форма на песочен часовник во новиот труд објавен оваа недела во списанието „Nature“. Како што објаснија , таа е долга стотици светлосни години.
„Центарот на нашата галаксија е релативно мирен во споредба со другите галаксии со многу активни централни црни дупки“, рече Иан Хејвуд, од Универзитетот во Оксфорд, главниот автор на студијата.
„Сепак, централната црна дупка на Млечниот пат може на моменти да стане атипично активна. Можно е една таква активност да предизвика настани што резултираа со структура слична на песочен часовник“, објасни Хејвуд.
Според членовите на истражувачкиот тим, новото откритие би можело да помогне во решавањето на претходните мистерии, давање одговори за природата и појавата на магнетни нишки кои биле забележани во осумдесеттите години на минатиот век.