Еден од најблиските соработници на Ердоган , ја напушти владејачката партија

Ахмет Давутоглу , поранешен премиер на Турција и еден од столбовите на владејачката АКП партија , го напушти Ердоган.

Давутоглу најави дека ќе формира сопствена партија , пред да ја напушти владејачката АКП од која требало да биде исфрлен.

„Наша историска одговорност и должност кон нацијата е да формираме нова политичка партија“, рече Давутоглу, кој му беше премиер на Ердоган од 2014 до 2016 година.

На заминувањето од функцијата, тој вети дека никогаш нема да го критикува Ердоган во јавноста, но во јули ја прекина тишината во долго интервју, обвинувајќи ја АКП дека се оддалечува од своите цели и жали за одлуката на партијата да побара нови избори во Истанбул по тесната победа опозиција на изборите во март.

На новите избори во јуни, кандидатот на Ердоган повторно претрпе тежок пораз.

„Јас поднесувам оставка од членството во партија каде што служев чесно и на која и посветував многу напор со текот на годините“, додаде тој.

Извршниот одбор на АКП едногласно одлучи на почетокот на јули да го испрати пред Дисциплинскиот одбор за постапка за негово отстранување од партијата.

Објавувајќи ја својата оставка, Давутоглу рече дека одлуката на партиското раководство не е „многу сериозна“ и „неконзистентна“ со основните принципи на партијата.

Некои други истакнати членови на партијата, како поранешниот претседател Абдула Ѓул и поранешниот премиер Али Бабаџан, кои беа меѓу основачите на АКП, се дистанцираа од турскиот претседател Реџеп Таип Ердоган.

Бабаџан, многу почитуван во економските кругови и се смета за одговорен за економскиот успех на партијата во првите десет години на власт, поднесе оставка од партијата на 8 јули. Тој смета дека на земјата и треба „нов вид политичари“.

Во интервју за весникот „Карар“ оваа недела, тој најави дека ќе формира своја партија до крајот на годинава и дека Ѓул ќе го поддржи.

Почина уште едно повредено лице во терористички напад во Москва

Почина уште едно повредено лице кое беше во критична состојба по нападот пред една недела во Москва, изјави рускиот министер за здравство Михаил Мурашко.

Така, бројот на загинатите во терористичкиот напад што се случи на 22 март во концертната сала „Крокус сити хол“ се зголеми на 141, а уште неколку повредени се во тешка здравствена состојба.

Министерот рече дека починатиот пациент имал сериозни прострелни рани, јавија руските медиуми.

Појавата на сплескана глава кај бебето може да се спречи со неколку прости чекори

Синдромот на сплескана глава или плагиокефалија се однесува на деформациите на главата на бебето што настануваат пред или по раѓањето поради надворешни влијанија врз неговата мека черепна структура. 

Тоа може да се спречи со неколку едноставни чекори.

Како прво, новороденчето не треба да спие на една страна цела ноќ. На секои два - три часа родителот треба да му ја менува положбата на бебето кое спие. Така притисокот не е само на една страна на главата.

И кога мајката го дои малечкото, или го храни со шише, исто така треба да се менува раката и страната на држење. Така се поттикнува бебето само да ја врти главата.

Бебињата треба да спијат на грб. Но, стручњаците препорачуваат - додека новороденчето е будно, да биде барем кусо време легнато на стомак.

Важно е, пред сѐ, да се напомене дека многу бебиња го надминуваат овој проблем кога ќе почнат да лазат или да седат. Истражување спроведено во Америка покажа дека речиси половина од бебињата на возраст меѓу седум и 12 недели имаат плагиокефалија, а 78 отсто од нив имаат благ облик од оваа деформација.

Ако сè уште сте загрижени, порталот „Кликс“ препорачува консултации се педијатар. Бебињата на кои им е дијагностицирана посериозен облик на плагиокефалија добиваат посебна капа за тоа. /МИА

Хашкиот суд му нареди на Израел да дозволи непречен проток на помош во Газа

Меѓународниот суд на правдата во Хаг му нареди на Израел да дозволи непречен проток на помош во Газа за да се спречи гладот во палестинската енклава.

Во едногласната одлука на највисокиот суд на Обединетите нации, беше речено дека Израел мора да дејствува без одлагање и да дозволи „обезбедување на итно потребните основни услуги и хуманитарна помош. Најпотребната помош вклучува храна, вода, електрична енергија, гориво, засолниште и облека, како и средства за хигиена и медицински материјали, пренесува Би-Би-Си. Израел обвинувањата дека земјата ја блокира помошта ги нарече „целосно неосновани“ и соопшти дека продолжува да промовира нови иницијативи за да овозможи континуиран проток на помош во газа по копно, воздух и море.

притисни ентер