Шпанија прв финалист на Мундобаскетот во Кина

Репрезентацијата на Шпанија во супер изедначено полуфинале по дури две продолженија ја доби Австралија со 95-88 и се пласираше во ново финале на Светските кошаркарски првенства.

Кошаркарите на Австралија имаат за што да жалат, иако водеа цели 39 минути и 50 секунди во регуларните 40 минути од полуфиналето на крајот попуштија, Пети Милс промаши слободно вредно место во големото финале и дозволија мечот да замина во дополнителни 5 минути.

Ниту по првото продолжение немаше победник. Во вторите 5 минути Шпанците предводени од Марк Гасол и Рубио го „скршија“ отпорот на борбените Австралијанци и се изборија за ново финале на Светските шампионати.

Прво име во победничката селекција на Шпанија беше НБА шампионот Марк Гасол со 33 поени, Робио оствари дабл дабл од 18 коша и 12 асистенции. Кај поразената Австралија бекот  НА Сан Антонио Пети Милс постигна 32 поена.

Противник на Шпанија во финалето на Мундобаскетот во Кина ќе биде победникот од второто полуфинале Франција – Аргентина.

Турски аматерски фудбалски клуб платил играч со 10 килограми џем (ВИДЕО)

Еден од најневеројатниот трансфер во фудбалскиот свет се случи во Турција , кога Октан Каракан потпиша за аматерскиот клуб Аладаг Гучу , од каде му платија во натура.

Додека големите клубови издвојуваат стотици милиони евра за трансфери и плати на играчите, Аладаг реши да му плати на Каракан едногодишен договор со 10 килограми џем.

„Двете страни се задоволни од договорот. Клубот е во финансиски проблеми и се што можевме да направиме беше да му понудиме на играчот 10 килограми џем.

Каракан позираше со дресот на новиот клуб и на презентацијата имаше две големи тегли џем.

Веста ја објавија сите големи турски медиуми, а Каракан изјави дека е подготвен да го однесе Аладаг на повисок ранг и дека сакаат да постигнат одличен резултат во Купот.

Озил : Во германската репрезентација ме нарекуваа,,турска свињо"

Германецот со турско потекло , Месут Озил преживува чуден период во фудбалската кариера.

Не игра во Арсенал колку што би сакал , а самиот вели дека поради страшни навреди нема веќе да настапува за германската репрезентација.

Озил вели дека се нашол најпрвина на удар на германскитемедиуми , а потоа и на колегите од репрезентацијата по фотографијата со турскиот претседател Реџеп Таип Ердоган.

„После таа фотографија, се чувствував несигурно, добивав расистички навреди, дури и од политичари, и никој од националниот тим не излезе и не рече: 'Запрете ги! Тој е нашиот играч и вие не можете да се однесувате така со него!' Сите само молчеа.Од мене се очекуваше да се извинам за таа средба и да признаам дека не сум во право или повеќе да не сум добредојден во тимот. Никогаш нема да го сторам тоа.

Знаете, секогаш постоел расизам, а некои го користеле за да се ослободат. Исто како што имам право да се сликам со некого, така и секој има право некој да сака или не. Она што следуваше откри расизам. За жал, во Германија, расизмот веќе не е проблем на екстремната десница, тој е влезен подлабоко во општеството “, смета Озил во интервјуто за Атлетико, каде открива дека дури и соиграчите го нарекувале ,,турска свињо". 

Милан во најголема финансиска загуба во историјата на клубот

Катастрофалните резултати во последните седум-осум години и 13. место оваа сезона во Серија А , не се единствените грижи за навивачите на Милан.

Денеска  клуб од Сан Сиро го објави финансискиот извештај, во кој е наведено дека Милан за сезоната 2018/2019 е во минус од 148 милиони евра, најголем во 119-годишната историја на клубот, а до денес тој долг се зголеми на 156 милиони евра.

Иако плафонот на долгот може да биде 90 милиони евра, Милан го надмина за 66 милиони евра, јавуваат италијанските медиуми.

Во последните две и пол години, седумкратниот европски шампион смени тројца сопственици. Силвио Берлускони го продаде клубот на контроверзниот Јонгхонг Ли, а по само една година Кинезите мораа да го предадат на американскиот фонд „Елиот“, бидејќи не можеа да ги вратат долговите.

Во меѓувреме, Милан Газидис, финансиски експерт, пристигна во Милано од Арсенал, при што Паоло Малдини и Звонимир Бобан го преземаа спортскиот сектор. Сепак, лошите резултати, години неиграње во Лигата на шампионите, непостигнувањето трофеи и честите промени на тренерите, со тим со лош квалитет, го вклучија алармот во Милан. Елиот вложи 265 милиони евра во клубот до 30 јуни годинава, плус дополнителни 60 милиони евра меѓу јули, август и септември, но финансиската состојба и натаму е алармантна.

Продажбата на играчи се намали од 42 на 25,5 милиони, од продажбата на билети од 35,2 на 34,1 милиони и од спонзорите од 44,7 на 38 милиони. Сепак, трошоците за вработените исто така се зголемија од 150,5 на 184,8 милиони евра, додека политиката за трансфер на клубот беше негативна. Милан потроши 153,1 на играчи, заработувајќи само 49,9 милиони евра.

Најголем дел од тој долг го сноси споменатиот Ли, кој по неговото пристигнување купи 11 нови играчи, меѓу кои и Никола Калиниќ, а инвестираше 131,1 милиони евра, чие потекло е сè уште непознато. Кинезот подоцна едноставно исчезна, а во тек е темелна истрага во врска со неговото купување на клубот од Берлускони и инвестирање пари без никакви гаранции.

притисни ентер