Сугаревски: Патот Маврово – Никифорово ќе биде готов до крајот на октомври

Министерот за транспорт и врски Горан Сугаревски и директорот на Јавното претпријатие за државни патишта Зоран Китанов денеска направија увид во рехабилитацијата на регионалниот пат Маврово – Никифорово. 

Патот е долг 6,6 километри и во тек се активностите за асфалтирање што се очекува да завршат следниот месец.

Министерот Сугаревски нагласи дека градежните работи се одвиваат со забрзана динамика и очекува следниот месец овој пат да биде завршен.

– Маврово и Реканскиот карај се многу значаен регион каде е потребно да го развиваме туризмот од сите аспекти. Нашите залагања и примарен фокус е да обезбедиме подобри услови во патната инфраструктура. Наша надлежност е да го подигнеме нивото на услуги што ги нуди регионот, изјави министерот Сугаревски и напомена дека во тек се повеќе активности за подобрување на инфраструктрута во овој регион.

Инвестицијата за предвидените активности за рехабилитација на патот што води од селото Маврово до Никифорово е 53 милиони денари, и е дел од Програмата за изградба, реконструкција, рехабилитација и одржување на патиштата.

Директорот на ЈП за државни патишта, Зоран Китанов, ги најави и проектите кои се одвиваат на терторијата на Општина Маврово Ростуше за која, како што рече, изминативе четириесетина години не било вложувано во патиштата во овој крај.

– Работите се во завршна фаза и се поставува асфалтниот слој и ова е дел од активностите кои се предвидени за овој крај. Наскоро треба да заврши и рехабилитацијата на еден дел од патот Маврово Анови-село Маврово, а се очекува да биде и санирано свлечиштето на патот од Маврово до Галичник. Наскоро треба да биде завршен и тендерот, и очекувам скорешен почеток на работите на регионалниот пат на делницата Маврови Анови-Жировница вреден над седум милиони евра, рече Китанов.

За овој патен правец, како што нагласи Китанов, средствата се обезбедени преку ЕБОР и рехабилитацијата да заврши идната година.

Според најавите на Китанов и Сугаревски, делницата од селото Никифорово преку Леунови се до месноста Бунец, со што ќе се заокружи целото Мавровско езеро. Ќе почне оваа есен и ќе трае до идната година. Предвидено е реконструкција на патот за проширување на коловозот и поставуавње на нов асфалтен слој.

Во Хрватска 50 новозаразени со корона, починало едно лице

Во Хрватска во последните 24 часа од 763 тестови се регистрирани 50 новозаразени со коронавирус.

Уште едно лица почина од последиците од Ковид -19, објави Националниот штаб за цивилна заштитна .

Во Хрватска во моментов има 1117 активни случаи на корона, од нив 132 пациенти се на болничко лекување, а тројца пациенти се на респиратор.

Од 25 февруари кога во Хрватска бил забележан првиот случај на корона па се до денес вирусот е потврден кај 3722 лица, а досега се тестирани 93571 лице. Од почеток пандемијата во Хрватска има 119 починати од ковид-19 , а оздравени се 2486 лица. Во самоизолација во моментов се 4861 граѓанин.

Фудбалерот на Интер, Брозовиќ поради возење под дејство на алкохол остана без возачка

Хрватскиот фудбалер Марсело Брозовиќ остана без возачка дозвола поради возење во пијан.

Италијанскиот весник „Кориере дела Сера“ наведува дека играчот на Интер бил запрен во неговиот „Ролс Ројс“ во раните утрински часови по вечерното излегување во Милано.

Работата се искомплицвирала кога полицијата го запрела Брозовиќ поради минување на црвено светло.

За среќа фудбалерот на Интер не предизвикал никаков инцидент.

Полицијата брзо го пресретнала и му ја одзела возачката дозвола на лице место.

Фото: Ким Кардашијан без ботокс!!

Најпознатата американска старлета Ким Кардашијан на своите фанови на социјалните мрежи им сподели спомени од младоста, стари фотки и модни комбинации.

-Чувам се, а за време на карантинот исто така ги организирав фотографиите . Пронајдов свои стари модни комбинации. Толку многу добри работи има тука. Дали се сеќавата не некои од нив?Или можеби изгоретините кои ги добив во Мексико, се пошегувала Ким на својот Инстаграм профил.

Но, голем дел од нејзините фанови веднаш забележале дека Ким на фотографиите е природна и нема ботокс.

притисни ентер