Најдена вода во атмосферата на ,,Супер –Земја” (ВИДЕО)

Осум пати потешка од Земјата и двојно поголема , планетата наречена К2-18б ротира во зона која можеби е погодна за живот и каде што можеби има вода во течна форма.

Вода е откриена за прв пат во атмосферата на егзопланета со температури слични на Земјата кои би можеле да го поддржат живот каков што го знаеме, откриле денеска научниците во списанието „Nature Astronomy“ .

„Оваа планета е најдобриот кандидат што го имаме надвор од нашиот Сончев систем“ во потрагата по знаци на живот, изјави ко-авторката Џована Тинети, астроном на Универзитетскиот колеџ во Лондон, за АФП.

„Не можеме да претпоставиме дали има океани на површината, но тоа е реална можност“.

Од над 4.000 егзопланети откриени до денес, ова е прва познато каде се комбинира карпеста површина и атмосфера со вода.

Повеќето егзопланети со атмосфери се огромни топки од гас, а голем број карпести планети за кои се достапни податоци, изгледа дека воопшто немаат атмосфера.

Дури и ако имаат таква комбинација, повеќето планети слични на Земјата се премногу далеку од нивните sвезди за да имаат течна вода или се толку блиску што водата испарува.

Откриено во 2015 година, К2-18б е една од стотиците таканаречени „суперземји“ - планети со помалку од десет пати поголема од нашата - забележана од вселенското летало „Кеплер“ на НАСА.Сега научниците ги проучија снимките и дојдоа до проценките за можност за живот на оваа супер планета.

Идните вселенски мисии се очекува да детектираат стотици други во наредните децении.

„Наоѓањето вода во потенцијално живеалиште во вселената, освен на Земјата, е неверојатно возбудливо“, рече главниот автор Ангелос Цијарас, исто така од UCL.

„К2-18б не е„ Земја 2.0 “, рече тој. „Сепак, нè доближува да одговориме на фундаменталното прашање: дали е Земјата единствена?“

Работејќи со спектроскопски податоци заробени во 2016 и 2017 година од вселенскиот телескоп Хабл, Циарас и неговиот тим користеле алгоритми со отворен извор за да ја анализираат ѕвездената светлина филтрирана во атмосферата на К2-18б.

Тие најдоа непогрешливи траги од водена пареа. Компјутерското моделирање откри  концентрации помеѓу 0,1 и 50 проценти.

За споредба, процентот на водена пареа во атмосферата на Земјата варира помеѓу 0,2 проценти над половите, и до четири проценти над тропските предели.

Има докази и за водород и хелиум. Азотот и метанот исто така може да бидат присутни, но со сегашната технологија остануваат невидливи, се вели во студијата.

Понатамошно истражување ќе може да го утврди степенот на покривање на облакот и процентот на вода во атмосферата.

 Водата е клучна во потрагата по живот, делумно затоа што носи кислород.

„Животот каков што го знаеме е заснован на вода“, рече Тинети.

К2-18б орбитира околу црвена џуџеста sвезда на оддалеченост од 110 светлосни години - милион милијарди километри - во соѕвездието Лав на Млечниот Пат и веројатно е бомбардирано од повеќе деструктивно зрачење отколку Земјата.

„Веројатно е дека ова е првото од многуте откритија на потенцијално применливи планети“, рече астрономот на UCL, Инго Валдман, исто така коавтор.

„Ова не е само затоа што суперземјите како К2-18б се најчестите планети во нашата галаксија, туку и затоа што црвените џуџиња - sвезди помали од нашето Сонце - се најчестите sвезди“.

Новата генерација на вселенски инструменти за истражување  на sвездите, предводени од вселенскиот телескоп Џејмс Веб и мисијата АРИЕЛ на Европската вселенска агенција, ќе можат да ги опишат егзопланетните атмосфери со далеку повеќе детали.

АРИЕЛ, чие лансирање е закажано во 2028 година, ќе истражи околу 1.000 планети, а ќе обезбеди и доволно мостри и да ги идентификува оддалечените всленски пространства.

„Откриени се над 4.000 егзопланети, но не знаеме многу за нивниот состав и природата“, рече Тинети. „Со набљудување на голем примерок на планети, се надеваме дека ќе откриеме тајни за нивната хемија, формирање и еволуција“.

Парис објави стари фотографии , фановите сега не и веруваат дека не била на операции (ФОТО)

Наследничката, реалити sвездата и пејачката ,Парис Хилтон на Инстаграм објави фотографии направени во нејзините тинејџерски денови.

Таа им покажа на следбениците како изгледала на 13, 15 и 16 години.

На една од фотографиите, тогаш 15-годишната Парис позира во вечерна облека, а во преден план е нејзиното неверојатно бујно деколте.

„Тогаш имав 15 години и го открив push-up градникот“, коментира таа, свесна дека огромните гради ќе привлечат најголемо внимание.

Со оглед на тоа што нејзиниот тесен нос е заштитен знак уште од моментот кога се појави на сцената, фановите забележаа дека во нејзините тинејџерски години, изгледал сосема поинаку. Се појавува само на фотографијата на 16-годишната Парис.

 
 
 
 
 
 
 
 
 
 
 
 
 

At 13 practicing my pout pose for a selfie. 👄 #TeenParis 👱🏻‍♀️ #ThrowbackThursday

A post shared by Paris Hilton (@parishilton) on

Од друга страна, познатата богата наследдничка тврди дека само мајката природа е  заслужна за нејзиниот изглед. Иако се шпекулираше дека претходно била подложена на пластична операција, таа негираше. Минатата година, изјави дека користи крем што ја прави кожата да изгледа помлада уште од осум години. Овој крем чини 150 долари и е многу ефикасен.

 
 
 
 
 
 
 
 
 
 
 
 
 

At 16 walking into the club with my fake ID. ⚡️ #TeenParis 💃🏼 #Sliving 💥 #FBF

A post shared by Paris Hilton (@parishilton) on

„Мајка ми секогаш ме учеше да го избегнувам сонцето и да се грижам за мојата кожа“, рече Парис.

Експертите, меѓутоа, тврдат во американските медиуми дека таа сигурно го средила носот и ги истакнала образите, а некои веруваат дека имало и повеќе операции.

Почна да работи најголемиот телескоп , голем колку 30 фудбалски игралишта (ВИДЕО)

Кинезите веќе долго време се борат за да го освојат вселенскиот простор, а овој најнов изум им носи информации од далечни делови на универзумот.

Објектот во кој е сместен огромниот сферичен радиотелескоп се наоѓа во длабок слив на југозападниот дел на кинеската провинција Гуажоу. Со овој уред, астрономите , не само од Кина , ќе ги проучуваат далечните делови на космосот, ќе ја истражуваат неговата еволуција и потенцијалниот живот надвор од  Земјата.

Првите пробни операции биле извршени во септември 2016 година, а употребата на новиот уред ќе биде достапна за научниците од целиот свет, пренесува кинеската агенција Ксинхуа.

Телескопот се состои од кружен сад со дијаметар од 500 метри. Зафаќа површина близу до површината на 30 фудбалски игралишта. Според кинеските астрономи, ФАСТ е 2,5 пати почувствителен од поранешниот рекордер сместен во опсерваторијата Аречибо, во Порторико. Кинескиот телескоп обработува до 38 гигабајти информации во секунда.

„Аречибо и ФАСТ се единствените радио телескопи со ваква големина во светот. Тие се монтирани во длабоки, вертикално ориентирани долини“, вели портпаролот на американското астрономско друштво Рик Фиенберг.

ФАСТ телескопот го носи прекарот Тјанјан, што на кинески значи небесно око. Ли Кеџа од Институтот за астрономија и астрофизика во Пекинг вели дека телескопот нуди невидени можности за истражување на космичките феномени.

Еден од феномените што FAST 500 ќе ги проучи се пулсарите - густи sвезди со дијаметар до 10 километри со многу силно магнетно поле. Тие ротираат неколку стотици пати во секунда и испуштаат интензивни радиоактивни зраци.

За време на двегодишниот пробен период, ФАСТ 500 веќе регистрираше 102 нови пулсари. Телескопот ќе забележува и сигнали за потенцијални вонземски активност, пишува Newsweek.

Изградбата на телескопот FAST 500 е завршена во 2016 година, две децении откако научниците го предложија дизајнот уредот. Проектот чинел околу 174 милиони долари.

Чудовиштето на Форд изгледа неверојатно на тркачка патека (ВИДЕО)

Звукот на вонсерискиот автомобил ќе го воодушеви секој љубител на брзините.

Ford GT е одличен тркачки автомобил, но дизајнерите ги преминаа своите граници.

Автомобилот беше промовиран минатата година на фестивалот на брзината во Гудвуд. Тоа е тркачки болид чие производство е ограничено на само 45 примероци. Секој од нив вреди 1,2 милиони долари. Поради својата ограничена серија и високата цена, тој е вистинска реткост на патеките низ целиот свет.

Пред неколку дена се појави фотографија од чудовиштето, чиј сопственик е потпретседателот на Google и обожавател на брзите автомобили ,Бенџамин Трејнор Слос. Првиот модел GT Mk II конечно беше виден на патека.

 
 
 
 
 
 
 
 
 
 
 
 
 

It begins 👍

A post shared by Ben (@yonly65) on

Милијардерот сподели на својот профил на Инстаграм серија видеа снимени на патеката во Калифорнија. Првото видео го прикажува тргнувањето на Ford GT Mk II, додека второто сведочи за неговите перформанси на патеката под полна брзина.

Секој вистински љубител на тркачки автомобили ужива да го слушне звукот на моторот на овој неверојатен болид.

"Знаев дека ќе звучи добро, но не очекував дека ќе биде толку добро. Чиста музика на моторот", напиша Слос на Инстаграм.

Хармонијата е создадена од 3,5 литарскиот мотор EcoBoost кој е засилен на 700 коњски сили. Регулативите за трки имаат ограничена моќност на моторот. Во споредба со претходната, втората генерација на Ford GT е полесен за околу 130 килограми, а аеродинамиката е подобрена за дури 400 проценти. Овие податоци укажуваат дека станува збор на Форд, пренесува Carbuzz.

На фотографиите се гледа дека моделот е направен во небесно сина боја со портокалова лента што оди над покривот и аспираторот. Секој примерок е единствен, а моделот во гаражата на милијардерот го носи бројот 15.

притисни ентер