Дендиас: Придаваме особено значење на целосна и доследна имплементација на Договорот од Преспа

Грција ја поддржува европската перспектива на Западен Балкан, доколку се исполнат поставените услови, а за Северна Македонија придаваме особено значење на целосна и доследна имплементација на Договорот од Преспа.

Тоа го издаде министерот за надворешни работи на Грција, Никос Дендиас по средбата во Софија со неговата бугарска колешка Екатерина Захариев, jави дописничката на МИА од Атина.

-Како столб на стабилност и соработка на Балканот, Грција отсекогаш беше топол поддржувач на политиката за проширување на ЕУ. Ја охрабруваме и поддржуваме европската перспектива на земјите од Западен Балкан, под услов да бидат исполнети одредените соодветни критериуми и условеноста. Во овој контекст и во однос на Република Северна Македонија, придаваме особено значење на целосна и доследна имплементација на Договорот од Преспа, рече Дендиас.

Шефот на грчката дипломатија рече дека Бугарија и Грција се „блиски партнери и сојузници" и играат голема улога за стабилноста и развојот на регионот и вложуваат максимални напори за да придонесат во европската перспектива на соседите.

Билатералната и регионалната соработка, предизвиците со кои што се соочува ЕУ, енергетските прашања, инвестициите, како и четвртиот највисок совет на соработка меѓу двете земји што ќе се одржи во Грција, биле темите за кои разговарале Захариева и Дендиас.

Министерот за надворешни работи на Грција, ја известил неговата бугарска колешка и за „нелегалното однесување на Турција во поширокиот регион".

Никос Дендиас денеска е во еднодневна посета на Бугарија, а освен со Екатерина Захариева беше примен и оствари средби и со бугарскиот претседател Румен Радев и бугарскиот премиер Бојко Борисов./МИА

Зградите низ Скопје светнаа во сино во чест на Светскиот ден на детето

Голем број објекти вечерва и утре ќе бидат осветлени во сина боја во чест на 30. годишнината од усвојувањето на Конвенцијата за правата на децата од ООН , што се одбележува како Светски ден на децата.

Во сино вечерва беа осветлени зградите на Владата, Собранието, ТАВ Македонија со Меѓународниот аеродром Скопје, Министерството за образование и наука, Археолошкиот музеј, Музејот на македонската борба, кулите Џевахир, Амбасадата на Италија и други.

20 ноември се одбележува како Светски ден на детето по повод потпишувањето на Конвенцијата за правата на детето на Обединетите нации.

По повод Светскиоот ден на децата , поддршка даде и премиерот Зоран Заев на Фејсбук кој напиша : ,,Децата и младите се предводници на нашата иднина. Децата нè инспирираат и се најголемата причина за нашиот стремеж да изградиме подобар свет што им го оставаме во наследство.”

Ангеловска:Преку национална стратегија ќе ги подобруваме условите за живот на младите во земјава

Преку Национална стратегија за развој на човечки капитал и низа мерки, ќе се работи на долгорочно подобрување на искористувањето на човечкиот потенцијал, како и на задржување на младите во земјава. 

Преку континуирано вложување во здравството, образованието и социјалната грижа и мерки како дуалното образование, ќе се подобрува продуктивноста и респонзивноста на младите на пазарот на труд. Ова го посочи министерката за финансии Нина Ангеловска на дебата за буџетот за 2020 година на Македонската телевизија, заедно со премиерот Зоран Заев и уредниците на националните телевизии. 

Ангеловска рече дека индексот на човечки капитал на Светска банка покажува дека денешните деца, согласно условите кои ги добиваат во земјава, во иднина ќе испорачаат само 53% од својата продуктивност. Министерката за финансии посочи дека ова е нешто на што треба да се работи долгорочно за да се смени, а за да се направи тоа треба да се почне уште денес.

-Потребни се вложувања во здравството, образованието и социјалната грижа, што е и фокусот во буџетот за 2020 година. Со креирање на Национална стратегија за човечки капитал ќе имаме таргет дека во следните неколку години да го кренеме овој индекс. Тоа е еден сериозен чекор на национално ниво за да мапираме и видиме што понатаму - рече Ангеловска.

Таа посочи дека со повеќе мерки се таргетираат младите. Ја посочи важноста на дуалното образование, односно практиканството, преку кое младите стекнуваат вештини кои ќе им овозможат побрзо да одговорат на потребите на пазарот на труд. Таа истакна дека ако има отворени 160 илјади работни места, а има голема невработеност кај младите, тоа покажува дека понудата не одговара на побарувачката на вештини на пазарот на труд, соопшти МФ.

Елвин Хасан: Ресен и целата држава се на прав пат од кој не треба да отстапиме

Ресен и целата држава е на прав пат од која не треба да отстапиме, истакна потпретседателот на Партијата за движење на Турците Елвин Хасан, која е дел од коалцијата предводена од СДСМ, на трибината „На прав пат" во Ресен.

,,Ми претставува особена чест што сум дел од колаицијата со СДСМ, бидејќи заедно градиме едно општество за сите, концепт што  отсекогаш е поддржуван од Турците, рече Хасан, додавајќи дека градиме општество на сите граѓани, во кое сите граѓани ќе ја чувствуваат земјата како своја.

Според партиското соопштение , Хасан соопшти дека во собранието се разгледува закон за права на помалуборјни заединци, со кој се вклучуваат граѓаните и сите општествени чинители во градење на политиките.

Работиме и на економските политики,  од 2017 имаме повеќе 700 милиони странски директни инвестиции, отворивме над 50 илјади нови работини места, економијата е во пораст и така ќе продолжиме, истакна Хасан, кој е и министер без ресор задолжен за странски инвестиции во Владата.

,,Со вашата поддршка на 12 април ќе ги завршиме почнатите проекти и ќе обезбедиме подобра иднина за сите граѓани, кои и вечерва го покажуваат единството што го градиме по сите градови и села, истакна потпретседателот на Партијата за движење на Турците, Хасан.

притисни ентер