БЕСА: Неприфатливо е две страни вклучени во судски постапки да преговараат за иднина на државата

За жал, нашата загриженост што ја презентиравме пред јавноста во врска со лидерската средба и проблемите во правниот систем со кои се соочува државата се покажаа точни, реагираат од Движењњето БЕСА..

Сведоци сме на неуспешната средба меѓу претседателите на двете најголеми македонски партии, СДСМ и ВМРО-ДПМНЕ. Како што веќе рековме, апсолутно е неприфатливо две страни вклучени директно или индиректно во судски постапки или се во истрага од специјалното или јавното обвинителство да преговараат за иднината на ваквите важни институции во државатаа.

Сите наши сознанија се потврдија дека ниту СДСМ ниту ВМРО-ДПМНЕ, како политички претставници на ДУИ, не можат да одлучат да имаат независен и професионален судски систем, бидејќи обете страни заедно со нивниот заеднички именител ДУИ се актери кои сакаат да избегаат од правдата. Не е прифатливо за правдата и за владеењето на правото да преговараат токму оние кои ја избегнуват правдата или се обидуваат да најдат пропусти за да избегаат од гонење за сторените злосторства.

Средбата на лидерите на СДСМ и ВМРО-ДПМНЕ не може да биде состанок што ќе го функционализира владеењето на правото и ќе донесе правда во оваа држава, бидејќи за нив примарно е како да ги заштитат своите партиски интереси или корумпираните кадри од обете страни. вклучително и нивниот партнер ДУИ.

Затоа, сега е неопходно да се прифати предлогот на Движењето Беса за Државна комисија составена од експерти каде што ќе учестуваат и САД и ЕУ со одлучувачко право. Задачата на оваа комисија треба да биде професионализирање на јавното обвинителство, судовите и нивното функционирање за да се гарантира воспоставување правда и владеење на правото. Во исто време, оваа Државна комисија мора да го спроведе и процесот на „ВЕТИНГ", процес без кој Северна Македонија никогаш не може да излезе од транзицијата што нè зафати од независноста на земјата до денес.

На крај, апелираме до сите политички партии, без разлика дали тие беа на власт во минатото или оние кои се на власт денес, да не ја држаат под залог европската иднина на граѓаните на Северна Македонија, туку да се одречат од нивните тесни партиски интереси и за прв пат да размислуваат за граѓаните на оваа земја, кои се разочарани од криминалот, корупцијата, недостатокот на правда и еднаквост, и затоа секој ден ја напуштаат државата, се наведува во соопштението на БЕСА. 

Масовна акција за чистење на скопските општини по повод Светскиот ден на чистењето

 Масовна акција за генерално чистење на сите скопски општини ќе се спроведе денеска во организација на Град Скопје и ЈП „Комунална хигиена"-Скопје. 

Во рамки на акцијата ќе бидат отстранети и графитите со навредлива содржина, што промовираат говор на омраза, верска и етничка нетрпеливост.

Градоначалникот на Град Скопје, Петре Шилегов, градоначалникот на општина Центар, Саша Богдановиќ и директорот на ЈП „Комунална хигиена"-Скопје, Абдусамед Шабани,ќе го означат почетокот на оваа акција.

Акцијата ќе се одвива од денеска до 24 септември, а во секоја општина ќе бидат поставени специјални садови во кои граѓаните ќе можат да го остават кабастиот отпад – стариот мебел и отпадот од електронската и електричната опрема.

Видео: Колинда облече боксерски ракавици и тренираше со „UFC“ шампионот

Хрватската претседателкаКолинда Грабар Китарович моментално е на турнеја во САД.

Таа во Њу Јорк ќе учествува на 74. заседание на Генералното собрание на ОН но претходно поседи неколку места во Америка.

Таа беше во Кливленд каде се сретна со „UFC“ шампионот во тешка категорија Стипе Миочиќ, кој има хрватски корени.

Миочиќ ја угостил претседателката во теретаната во која тренира а од неа на поклон добил хрватски дрес со број 10.

Потоа Колинда и Стипе облекле боксерски ракавици и направиле мал тренинг.

Еве и видео од тоа како претседателката боксува:

Паника меѓу патниците, авионот паѓал повеќе од девет километри

Патниците не летот на „Делта еирлајнс“доживеале шок затоа што авионот паѓал повеќе од девет километри.

За време на летот дошло до проблем со притисокот во кабината, соопшти авио компанијата, чиј авион на релација од Атланта до Форт Лодердејл  е пренасочен во Тамп на Флорида каде безбедно слетал.

Маски со кислород искочиле од плафонот на авионот, а потоа следел хаос меѓу патниците, вели еден од патниците за телевизијата „WSB“.

Една од стјуардесите повеќе пати на разгласот ги замолила луѓето да не паничат, но тоа не помогнало.

Се уште не се знае причината за ненадејниот пад на авионот, но леталото е моментално на испитување.

притисни ентер