Македонската заедница во Србија со изложба го одбележа Денот на независноста

Во Педагошкиот музеј во центарот на Белград, македонската заедница во Србија синоќа го одбележа Денот на независноста на Македонија.

Одбележувањето на 8 Септември беше проследено преку мултимедијален проект на скулптури на познатиот македонски уметник во Белград, Синиша Новевски.

– Се претставив со изложба која е симбиоза на повеќе периоди на моето творештво, еден спој на парови, фамилија, митологијата и спој на македонската и на српската историја. Поентата на изложбата е да направам конекција, мост помеѓу македонската и српската култура и да направам континуитет на овој датум и потик за идните генерации да не ја заборават македонската историја, уметноста и културното наследство, изјави скулпторот Новевски.

На одбележувањето присуствуваа преставници на Амбасадата на Република Македонија во Белград,македонски стопанственици во Србија, преставници на културниот живот, на Националниот совет на македонската заедница и од македонски здруженија во Србија.

притисни ентер