Сугарески на маалскa средба во Градско: Се обврзавме да градиме по план, инвестираме 850 милиони евра во патната инфраструктура

Претседателот на Надзорниот одбор на СДСМ, Горан Сугарески, попладневно  присуствуваше на маалска средба со жителите на општина Градско, се наведува во партиското соопштение.

На средбата, Сугарески меѓу другото се осврна на изградбата и реконструкцијата на авотпати, како и локални и магистрални патишта, кои освен што ја унапредуваат патната инфраструктура, обезбедуваат и поволни услови за забрзан локален економски раст.

- Како одговорна партија се обврзавме да градиме по план и тоа е видливо. Започнавме инвестициски циклус од 850 милиони евра во патната инфраструктура и се гради насекаде низ државата. Она што е значајно за вас и за овој регион е дека започна изградбата на делницата Градско - Дреново од експресниот пат Градско - Прилеп. Ескпресниот пат ќе се гради по сите безбедносни и технички стандарди со што ќе се зголеми безбедноста во сообрајќајот, но секако дополнително ќе влијае на економскиот развој и ќе даде дополнителен стимул за економската моќ на Градско и регионот. Во меѓувреме, следува и рехабилитација на регионалниот пат Велес - Градско, порача Сугарески.

До овој момент, истакна Сугарески, изградени и рехабилитирани се преку 500 километри патишта, инвестиции со вкупна вредност од околу 540 милиони евра, а интензивно се работи на изградба на гасоводната мрежа, канализациски и водоводни системи низ целата држава.

СДСМ преку секојдневни средби останува со граѓаните, да го слуша нивниот глас и да ги реализира нивните потреби. Мерките и политиките во интерес на граѓаните и државата продолжуваат. 

За нас, зборот важи.

Автобус удрил во брдо, 22 загинати

Најмалку 22 лица загинале, а 15 се повредени во сообраќајна несреќа на автобус во Пакистан. 

Автобусот на кого му откажале сопирачките додека се движел по планински пат на северозападот на Пакистан удрил во брдо, соопштила полицијата.

Според полицискиот извештај несреќата се случила во областа Чилас на патот меѓу градовите Скарду и Равалпиниди.

Непристапниот терен и недостатокот на опрема ги отежнуваат напорите на спасувачките екипи при извлекување на повредените.

Со автомобил се забил во џамија

Француската полиција уапсила маж кој со својот автомобил удрил во џамија во местото Колмар на североистокот на Франција, пренесе локалната управа на префектурата О-Ран.

Уапсениот возач на себе имал повредни нанесени со нож, но не е познато дали самиот се повредил или го нападнало друго лице.

Според изјавите на очевидци на несреќата , на кои се повикуваат локалните медиуми , возачот на автомобилот  извикувал „Алах акбар“.

Веднаш по инцидентот полицијата го затворила целиот реон околу џамијата.

Засега не е познато дали нападот е дело на терорист или е обид за самоубиство, наведува „Спутник“.

Зајакнати капацитетите на Работниот комитет за интеграција во НАТО

Работниот комитет за интеграција во НАТО имаше тренинг семинар во  Европскиот центар за безбедносни студии „Џорџ Ц. Маршал" во Гармишпартенкирхен.

Работниот комитет за интеграција во НАТО имаше тренинг семинар во  Европскиот центар за безбедносни студии „Џорџ Ц. Маршал" во Гармишпартенкирхен каде членовите на комитетот детално се запознаа со начинот на кој функционира НАТО во однос на внатрешните постапки и процедури на земјите членки.

Членовите на комитетот добија информации и искуства и од некои од поновите земји членки на Алијансата како што се Словенија, Словачка и Хрватска во однос на нивниот процес на интегрирање во НАТОи функционирањето како полноправна членка на НАТО.

– Оваа размена на искуства и добри практики ќе биде корисна бидејќи доаѓа во финалната фаза на интеграција во НАТО на нашата земја. Република Северна Македонија ќе биде 30-та земја членка на НАТО и тоа е неповратен процес. Процесот на ратификација на Пристапниот протокол за членство во НАТО веќе е завршен во 22 земји членки на НАТО. Преостанатите седум земји членки ќе ја завршат ратификацијата согласно нивните домашни политички процеси, велат од владината прес- служба од каде вечерва информираа за овој треминг семинар.

Оттаму велат дека прашањето на полноправно членство е техничко, односно не се очекуваат никакви проблеми со ратификацијата во која била од земјите, единствено е прашање на време кога тоа ќе се случи, зависно од процедурите на институциите во земјите.

Полноправното членство ќе се заокружи кога ќе се заврши ратификацијата на протоколот во сите земји членки, и финално кога ќе биде ратификуван во нашиот Парламент. Процесите на интеграција на последните земји членки траеле од година до година ипол.

Работниот комитет за НАТО интеграција е интер-институционална работна група која е задолжена за изработка и имплементација на Програмата за континуирани реформи за членство во НАТО. Тоа е оперативното работно тело што ги има обврските за подготвува на Република Северна Македонија за членство во НАТО. /МИА

притисни ентер