Се запали Иранка зашто и бил забранет влез на стадион

Жена од Иран се запали пред да и биде изречена пресудата и казната затвор зашто сакала да гледа фудбалски натпревар на стадион.

29- годишната жена , која локалните медиуми ја нарекоа ,,Сахар” , била уапсена во март , откако се обидела да влезе на стадионот во Техеран . На жените во Иран им е строго забрането да гледаат натпревари со мажи , што е директно кршење на правилата на ФИФА. Иронично е и тоа што стадионот на кој сакала да влезе се вика ,,Азади” , што во превод значи ,,Слобода”.

Сахар била уапсена и осудена на шест месеци затворска казна , поради наводно навредување на полицајците. Претходно била пуштена со кауција , но минатата недела пресудата била потврдена , поради што таа се запалила во судницата.

Вчера жената им подлегнала на повредите. На социјалните мрежи денеска во Иран се објавени илјадници киоментари со изрази за сочуство кон Сахара и осуда кон властите.

Капитенот на иранската фудбалска репрезентација, Масуд Шохаи, на Инстаграм и оддаде почит на починатата навивачка: „Како што сме шокирани денес од ограничувањето на правата на жените во Иран, идните генерации Иранци ќе бидат потресени што на жените во нашата земја некогаш не им беше дозволено да влезат на фудбалските стадиони“.

Претседателот на ФИФА, Џани Инфантино во јуни се закани со санкции доколку не им се дозволи на жените да влезат на фудбалските стадиони.

Кривична пријава за злоупотреба на службена положба и овластување против инспектори од ДПИ

Единицата за економски и компјутерски криминал при СВР Скопје поднесе кривична пријава против шест службени лица - инспектори, вработени во Државен пазарен инспекторат.

Единицата за економски и компјутерски криминал при СВР Скопје поднесе кривична пријава против шест службени лица - инспектори, вработени во Државен пазарен инспекторат, и тоа: С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), сите од Скопје, за сторено кривично дело „злоупотреба на службена положба и овластување“ од чл 353 од КЗ на РСМ, соопшти денеска МВР.

Во текот на март и април 2023 година, преземајќи службени дејствија и вршејќи контрола кај три објекти обележани како менувачници, лоцирани во близина на Бит Пазар, Скопје, за кои било утврдено дека не биле регистрирани како правни лица и не поседувале лиценци издадени од НБРМ за вршење менувачко работење, а подолг временски период работеле како менувачници, пријавените, како што стои во соопштението, согласно Законот за забрана и спречување на вршење на нерегистрирана дејност согласно кој истите сами навеле дека постапуваат, на затекнатите лица во дивите менувачници биле должни да им изречат решение за забрана за вршење на дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1000 до 20.000 евра во денарска противвредност.

- Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници, ниту им издале решение за забрана за вршење на нерегистрирана дејност, ниту им ги запечатиле просториите каде што ја вршеле противзаконската активност, ниту им ги одзеле средствата, предметите и опремата со кои е направен прекршокот ниту пак им изрекле глоба во износ од 1.000 до 20.000 евра. Напротив, во сите три извршени вонредни надзори на сите три менувачници на секој од сопствениците им изрекле еднократна парична глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување на вршење на нерегистрирана дејност и со неизвршување на својата службена должност го сториле кривичното дело „злоупотреба на службената положба и овластување“, појаснуваат од МВР во соопштението.

Се уште е мистерија убиството на матичниот лекар во поликлиниката „Железара“

Во куќен притвор остануваат двајца од приведените осомничени во врска со убиството на лекарот Ацо Трпковски во скопската населба Железара.

Скопскиот Кривичен суд соопшти дека се работи за мерка која ја побарало скопското обвинителство. И двајцата се осомничени за убиство, со првичната побарана мерка од синоќа остануваат во притвор 48 часа.

-Предлогот на Основното јавно обвинителство Скопје за опредлеување мерка краткотраен куќен притвор против Г.Д. и И.Д. за кои постои сомнение за кривичното дело Убиство од чл. 123 ст. 1 се прифаќа и им се определува 48 часовен куќен притвор.- Основен Кривичен суд Скопје

Техничкот министер за внатрешни Тошковски вчера информираше дека е приведено уште едно лице под сомнение дека е поврзано со убиството на лекарот. Но засега нема информација дали и за него ќе се бара некоја мерка.

Други нови детали од скопското обвинителство не откриваат. Според првичните сознанија, мотивот за убиството не е поврзан директно со професијата на убиениот. Шеесет и седумгодишниот лекар минатата недела беше пронајден во неговиот автомобил паркиран пред поликлниката Железара избоден до смрт со девет убоди. Го пронашле неговите синови кои заминале на работното место на нивниот татко бидејќи не се вратил од работа по завршувањето на втората смена во ординацијата.

Уставен донесе одлука граѓаните со попреченост над 65 год. да добијат надоместок согласно Закон

Уставен донесе одлука граѓаните со попреченост над 65 години да добијат надоместок согласно Законот за финансиска поддршка на социјално ранливи категории на граѓани.

Уставниот суд го поништи член 3 став 1 точка 2 во делот „најмногу до 65 годишна возраст” од Законот за финансиска поддршка на социјално ранливи категории на граѓани со што граѓаните со попреченост над 65 години кои не добиле надоместок, сега имаат можност да побараат да им се исплати надоместокот во изминатиот период, од кога Законот е влезен во правна сила.

Според член 3 став 1 точка 2 од Законот „корисници на правото на надоместок заради попреченост” се лица со навршена 26 годишна возраст, а најмногу до 65 годишна возраст, со тешка или длабока интелектуална попреченост, со најтешка телесна попреченост, потполно слепо лице и потполно глуво лице, согласно со податоците од евиденцијата на центрите за социјална работа.

Од содржината на погоре наведениот член од Законот произлегува дека во групата корисници на правото на надоместок заради попреченост, не спаѓаат лицата над 65-годишна возраст, а со тоа овие лица се исклучени од финансиската поддршка согласно со Законот за финансиска поддршка на социјално ранливи категории на граѓани.

Судот оценил дека со таа одредба e нарушенa темелната вредност на владеење на правото од член 8 став 1 алинеја 3 од Уставот и принципот на правната сигурност на граѓаните во остварувањето на правата од социјалната сфера.

- Со исклучувањето на овие лица од единствената категорија корисници на правото на надоместок заради попреченост, според Судот, создава и нееднаков третман помеѓу лицата кои се наоѓаат во иста правна положба (сите се корисници на правото на надоместок заради попреченост), но едни можат да остварат право на финансиска поддршка, а други не можат, исклучиво заради возраста, стои во соопштението од Уставен суд.

Во декември 2022 година Уставниот суд го укина став 2 од членот 44 од Законот за социјална заштита, кој оневозможуваше лицата со попреченост над 65 години да остварат право на надоместок поради попреченост.

МИА претходно пишуваше за Законот за социјална заштита, конкретно за горенаведениот ограничувачки став за пристап и остварување на правото на надоместок заради попреченост кој содржеше нееднаквост, односно дискриминирачка одредба кон останатите лица кои го остваруваа ова право.

притисни ентер