Унгарецот Трочани го наследува Хан на позицијата еврокомесар за проширување

Хан отпадна, за регионот и проширувањето на ЕУ ќе одлучува поранешниот унгарски министер за правда во владата на Виктор Орбан и негов близок соработник- Ласло Трочани.

Кој ќе биде новиот комесар за добрососедство и проширување објави денeска во бриселновата претседателката на ЕК Урсула Фон Дер Лајен.

Иако во јавноста како еден од фаворитите за оваа позиција се споменуваше и Хрватката Дубравка Шуица, Дер Лајен се одлучи таа да биде именувана за потпретседателка на европската комисија за демографија и демократија.

Јоханес Хан во новата европска влада ќе биде задолжен за буџетот и администрацијата на ЕУ.

-Ова ќе биде комисија која од зборови ќе помине на дела, ние сакаме да дадеме нов елан за европската демократија, изјави наследничката на Жан Клод Јункер, во чиј тим ќе има осум потпретседатели вклучувајќи го и високиот претставник за надворешна политика Шпанецот Жозеф Борел , кој доаѓа на местото на Федерика Могерини.

Тројца потпретседатели на европската влада Холанганецот Франс Тимерманс, Маргарета Вестагер и Валдис Домбровскис ќе бидат и еврокомесари,поранешниот италијански премиер Паоло Џентилони ќе биде задолжен за економијата, а Ирецот Фил Хоган за трговија, со деликатна задача да преговара за Брегзитот и за трговските односи со САД.

-Се надевам дека комисијата ќе биде флексибилна, модерна и агилна, која ќе биде посветена на Европа, која ја разбира Европа и слуша што сакаат европејците. Мој приоритет е да има еврокомесари кои ќе ја посетат секоја држава членка во првата половина од мандатот,изјави Фон Дер Лајен

Новата претседателка на еврокомисијата му се заблагодари и на нејзиниот претходник Жан Клод Јункер, од кого рече многу научила и многу му должи.

Новиот состав на ЕК кој почнува со работа на 1 ноември ја има поддршката ан Европскиот парламент, кој претходно ќе треба да ја изгласа.

Во пресрет на одлуката во октомври за датум за преговори министерот Димитров по средбите во Париз, од денеска е во дводневна посета на Брисел, каде на агендата се средби во Европскиот совет ,средба со еврокомесарот Хан, но и брифинг за амбасадорите на земјите членки на ЕУ, Димитров од Брисел заминува за Берлин, а целта на неговата турнеја е да ги изложи аргументите на Македонија пред европските престолнини, пред клучниот ЕУ министерски состанок .

Речиси три четвртини од Полјаците се против испраќање полски и НАТО војници во Украина

Речиси три четвртини од Полјаците (74,8 проценти) не сакаат полски или НАТО војници да бидат испратени во Украина.

Речиси три четвртини од Полјаците (74,8 проценти) не сакаат полски или НАТО војници да бидат испратени во Украина, додека само 10,2 проценти од нив го поддржуваат ова решение, покажа анкетата на Институтот за пазарни и социјални истражувања (ИБРИС), спроведено по барање на полскиот весник „Речпосполита“.

Според истражувањето, 15 отсто од испитаниците немаат мислење во врска со тоа.

„Иако Полјаците не сакаат да испратат војници во Украина, тие се согласуваат да започнат преговори со НАТО и Украина за проширување на воздушната одбрана на територијата во близина на границата и овозможување соборување на руски ракети или беспилотни летала кои летаат кон Полска“, се наведува во истражувањето спроведено на крајот на февруари.

Се додава дека дури 69,3 отсто од испитаниците го поддржале ваквото решение, 17,6 отсто биле против, а 13,1 отсто немале мислење.

Мицкоски: Не очекувам власта да престане со црната кампања, ние ќе водиме позитивна кампања

Не очекувам власта да престане со црната кампања, додека ние ќе водиме позитивна кампања со проекти и решенија на проблемите.

Црната кампања е карактерна особина на оваа влада. Не очекуваме дека ќе престане таа нивна црна кампања која изобилува со монтажи, со навреди, со многу измислици и клевети, вели претседателот на ВМРО-ДПМНЕ, Христијан Мицкоски при посетата на Општина Гевгелија, запрашан од новинарите дали во пресрет на почеток на изборната кампања очекува фер кампања од власта.

Тој истакна дека, што се однесува до ВМРО-ДПМНЕ, нема да води црна кампања затоа што македонските граѓани знаат дека Македонија од осамостојувањето немала полоша влада, од оваа на СДСМ и ДУИ и затоа ќе води позитивна кампања со презентација на проекти и решенија за проблемите на граѓаните.

„Нашата цел е во оваа кампања да водиме позитивна кампања, односно да зборуваме за проекти и да зборуваме за решенија на проблемите на граѓаните, а не да се оптеретуваме со тоа, кој колку бил лош бидејќи сите граѓани знаат дека владата на СДСМ и ДУИ беше лоша. Односно, да бидам попрецизен, полоша влада од осамостојувањето на Македонија немало“, рече Мицкоски.

Христијан Мицкоски, претседател на ВМРО-ДПМНЕ:

Арсовска избрана во Совет на Европа на Конгресот на локални власти за портпарол и координатор

Градоначалничката на Град Скопје Данела Арсовска денес во Совет на Европа на Конгресот на локални власти едногласно е избрана за портпарол и координатор за следење и спречување на корупција на локално и регионално ниво.

Арсовска минатата година беше избрана за потпретседател на Европската народна партија за локални власти, а годинава со нов мандат за портпарол и координатор за следење и спречување на корупција на локално и регионално ниво ќе ги води и следи процесите на почитување на Европскиот кодекс на однесување за сите лица вклучени во локалното и регионалното управување.

Нејзини надлежности меѓу другите се да го координира и подобри влијанието на работата на Конгресот за спречување на корупцијата во локалните власти, да известува за утврдени случаи на корупција на локални и регионални власти и да ја промовира стратегијата на Конгресот за спречување на корупцијата и унапредување на јавната етика на локално и регионално ниво.

Арсовска ќе го претставува Конгресот на сите значајни настани организирани од Советот на Европа и меѓувладиниот сектор за прашања на јавната етика и справување со корупцијата, организира и координира активности со Групата држави против корупција (ГРЕКО), со цел идентификување и размена на добри практики, решенија за предизвиците и начини за промовирање на јавната етика и спречување на корупцијата.

притисни ентер