Џип од отпад е главна атракција на Изложба на олдтајмери во Кавадарци

Џип од отпад е главна атракција на Изложба на олдтајмери во Кавадарци, што се одржува во рамки на манифестацијата ,,Тиквешки гроздобер".

Освен што го привлекува вниманието со годините, има и интересна приказна. Негов сопственик е полицаецот Пепи Ганчев.

-Овој џип ,,willys cj" е од 1947 година. По Втората светска војна, бил подарок од Американците за македонскиот народ. Бројни години успешно и служел на македонската полиција. Во колку полициски авантури учествувал, само тој си знае. Едно време бил заменет со други возила со понов датум на производство, па завршил во отпад. Оттаму го спасил токму полицаецот Милорад Ефремовски, од кој пак подоцна го купив јас, за МИА откри Ганчев, кој е љубител на џипови и веќе има реставрирано еден фамилијарен, но има изработено и еден мал, за своите малолетни деца.

Според него, има некоја посебна убавина во старите возила, кои не губат од својата вредност со староста.

– Барем за оние како мене, кои се љубители на вакви старудии. За некои се само старо железо, но за познавачите на историјата на возилата, тие се експонати кои заслужуваат внимание, нагласи Ганчев.

И она што е најинтересно. За него и за неговите синови на кои им ја има пренесено страста кон миленичињата на четири тркала, ова е, како што рече, животен предизвик.

– Не е шега, со моите синови кои имаат седум и 11 години, се договоривме во наредните години да го дотераме малку овој џип. Да ја задржи автентичноста, да добие на атрактивност, за да може со него да бркаат девојки, додаде Ганчев.

Инаку, џипот е скоро дупло постар од сопственикот кој има 38 години.

На изложбата има вкупно 45 возила кои го привлекуваат вниманието на посетителите од сите возрасти./МИА

Рашфорд може да го пропушти ЕП 2024

Напаѓачот на Манчестер Јунајтед, Маркус Рашфорд би можел да го пропушти Европското првенство во 2024 година, пишува „Телеграф“.

Според изворот на изданието, на селекторот на Англија, Герет Саутгеј не му се допаднал настапот на играчот.

За да добие место во формацијата на „трите лава“, фудбалерот мора да покаже подогри игри на претстојните натпревари.

Оваа сезона 26-годишниот Рашфорд одигра 35 натпревари, постигна 8 голови и 6 асистенции.

Словенија, Данска и Србија ќе играат против Англија во групната фаза на ЕП 2024. /МИА

„Гответе со Дракче“ - Кумановска салата

Во четврток (28.03.2024) во емисијата гостин ни беше Нино Величковски.

Состојки за денешниот рецепт:

3 црвени домати

1 свежа краставица

1 главица кромид

1 морков

2 лажици лупен сончоглед

100 гр. сирење

балсамико, масло за јадење, сол по вкус

Погледнете како се подготвува овој рецепт:

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

притисни ентер