Технологија

Вечерва покрај Земјата поминува астероид голем колку Ајфеловата кула

Голем астероид ќе помине девеска покрај Земјата , предупреди НАСА.

Астероидот е толку голем , што доколку би удрил во Земјата , би направил кратер од околу 5 километри и би предизвикал масовно уништување.

Астероидот „2019 GT3“ ќе патува покрај Земјата со брзина од околу 50.000 километри на час.

Доколку се движеше кон Земјата, ќе беше толку голем што немаше да може да се распадне во атмосферата, така што ќе ја погодеше Земјата и ќе направеше огромни штети, но и масовното уништување на тој дел од планетата што ќе го погоди, предупреди НАСА.

НАСА го класифицираше овој астероид во категоријата потенцијално опасни астероиди (PHA), како заканувачки близок предмет, кој доколку удри во Земјата, ќе има сериозни последици за нашата планета.

„Блиската средба“ со астероидот „2019 ГТ3“ се јавува само неколку недели по поминувањето на разорниот астероид што беше забележан од научниците само на неколку часа пред да помине покрај Земјата.

Формула

Верстапен ја освои пол-позицијата за ГН на Кина

Возачот на Ред Бул, Макс Верстапен, ја освои пол-позицијата во квалификациите за Големата награда на Кина.

Верстапен извози најбрз круг со време 1:33.660 минута. Неговиот тимски колега Серхио Перез го освои второто место, а возачот на Астон Мартин Фернандо Алонсо го освои третото место.

Луис Хамилтон од Мерцедес кој спринтот го заврши на второто место не успеа да излезе од првиот сегмент, завршувајќи на 18. позиција.

На спринтот победи Верстапен.

Големата награда на Кина од Формула 1 шампионатот ќе почне утре од 9 часот по македонско време. /МИА

Свет

Руски воен репортер загина во Украина

Воениот известувач на рускиот весник „Известија“ Семјон Еремин, загинал во напад на украинско беспилотно летало во југоисточна Украина, објави весникот.

Нападот се случил вчера кога 42-годишниот Еремин и неговата екипа се враќале од снимање од селото Прјутне, во близина на линијата на фронтот во регионот Запорожје.

Украина досега не го коментираше настанот.

Најмалку 15 новинари се убиени од почетокот на руската инвазија на Украина во февруари 2022 година, според Комитетот за заштита на новинарите, непрофитна организација која се залага за слобода на медиумите ширум светот. /МИА

НБА

Леброн: Јокиќ е еден од најдобрите на сите времиња

Првата ѕвезда на Лос Анџелес лејкерс, Леброн Џејмс искажа комплименти за центарот на Деневер, Никола Јокиќ.

Лејкерси ќе се сретнат со Нагетс во 1. коло од плејофот, а дуелот Џејмс – Јокиќ предизвикува големо внимание кај светската кошаркарска јавност.

- Еден од најдобрите досега. Едноставно е таков. Јокиќ може се. Што е најважно, тој го менува начинот на кој неговите соиграчи размислуваат за сопствената игра. Кога некој може да ги инспирира другите да играат на ниво на кое не ни знаеле дека можат, тоа е доказ дека зборуваме за навистина одличен играч, рече Џејмс.

Првата средба во плејоф пресметките меѓу Лос Анџелес лејкерс и Денвер нагетс е закажана за утре. /МИА