Македонија

Предметите на СЈО се селат во ЈО

Предметите од СЈО со полномошно на Катица Јанева се селат во Јавното обвинителство на Република Северна Македонија.

На 10 дена пред истекот на мандатот на специјалната јавна обвинителка Катица Јанева, која е во притвор во КПУ Затвор Скопје – Скопје како осомничена за случајот „Рекет", предметите од СЈО со нејзино полномошно се селат во Јавното обвинителство на Република Северна Македонија.

Судија на претходна постапка од Основниот кривичен суд Скопје известувањето од Катица Јанева вчера го доставил до Републичкото Јавно обвинителство и, како што соопштија од Обвинителството, откако ќе ги разгледаат поднесоци ќе ја известат јавноста.

Со полномошното Јанева ги овластува обвинителите во СЈО да ги предадат на Јавното обвинителство на РСМ сите кривични предмети во судење, во истрага и во предистрага.

Мандатот на СЈО истекува на 15 септември. Неговиот иден статус треба да се реши со новиот закон за Јавно обвинителство, кој е во собраниска процедура, а за кој власта и опозицијата неможат да се договорат.

Министерството за правда ќе направи консултации какво влијание ќе има даденото полномошно од специјалната обвинителка Катица Јанева сите предмети на СЈО да бидат предадени на Јавното обвинителство на РСМ, врз преговорите за новиот закон за јавно обвинителство.

-Во целиот период до сега Министерството за правда не коментира судски и јавнообвинителски одлуки, но во секој случај треба да направиме консултации какво влијание ќе има ова на одредени одредби во законот околу кои дебатираме и дали тие треба да се менуваат, велат од Министерството за правда.

Според пратеникот од ВМРО-ДПМНЕ, Антонио Милошоски, кој е дел од работната група за новиот закон за јавно обвинителство, специјалната обвинителка Катица Јанева како лице кое е во притвор не треба да има комуникација со институциите или вработените на кои може да влијае.

Барањето на Катица Јанева доаѓа воочи денешната седница на собраниската Комисија за прашања на изборите и именувањата, на која ќе се одлучува за нејзино разрешување. /МИА

Регион

На самитот во Хаг се очекува да се потврди Албанија како домаќин на самитот на НАТО во 2027 година

Се очекува самитот на НАТО, следната недела во Хаг да ја потврди Албанија како домаќин на самитот на Северноатлантската алијанса во 2027 година.

Според албанските медиуми, кои се повикуваат на Радио Слободна Европа Нацрт-декларацијата „потврдува дека Албанија ќе биде домаќин во 2027 година".

Овогодинешниот самит на НАТО се одржува во Хаг, Холандија, следната недела, додека самитот во 2026 година ќе се одржи во Турција.

На крајот од нацрт-декларацијата се наведува: „Изразуваме благодарност за топлото гостопримство на Кралството Холандија. Со нетрпение го очекуваме нашиот следен состанок во Турција во 2026 година, по што ќе следи состанок во Албанија.“

Според нацрт-декларацијата, лидерите на НАТО ја потврдуваат својата посветеност на колективната одбрана согласно Член 5 и својата решеност да ги заштитат граѓаните и демократијата. Тие ветуваат дека ќе ги зголемат трошоците за одбрана на најмалку 5 проценти од БДП до 2032 година, 3.5 проценти за воени капацитети и 1.5 проценти за критична инфраструктура, иновации и одбранбена индустрија.

Поддршката за Украина останува силна и ќе биде вклучена во пресметките за трошоците за одбрана. Алијансата, исто така, се обврзува на зајакнување на заедничката одбранбена индустрија, отстранување на трговските бариери и промовирање на технолошката соработка меѓу сојузниците, според нацрт-изјавата.

Албанскиот премиер Еди Рама уште минатото лето објави дека Албанија ќе биде домаќин на Самитот на НАТО во 2027 година.

Албанија е дел од НАТО од 2009 година и ова ќе биде првпат да биде домаќин на ваков самит.

НАТО има воздухопловна база во Албанија, поточно во Кучово, единствената во регионот на Западен Балкан, која беше отворена во март 2024 година, откако НАТО инвестираше приближно 50 милиони евра, додека албанската влада повеќе од 5 милиони евра.

Албанија, исто така, е во преговори со НАТО за изградба на поморска база во Порто Романо на јадранскиот брег, кај Драч.

Тагови: Албанија НАТО

Свет

Европските сили го повикуваат Иран да ги продолжи разговорите за нуклеарната програма со САД

Европските сили го повикаа Иран да продолжи со дипломатијата за да најде решение за неговата нуклеарна програма, додека Израел продолжува со бомбардирањето на Исламската Република.

„Добриот резултат денес е што ја напуштаме просторијата со впечаток дека Иран е подготвен дополнително да разговара за овие прашања“, изјави германскиот министер за надворешни работи Јохан Вадефул во изјава заедно со неговите британски, француски и колеги од ЕУ по разговорите со иранскиот министер за надворешни работи Абас Арагчи.

Британскиот министер за надворешни работи Дејвид Лами рече - „ние сме заинтересирани да ги продолжиме тековните дискусии и преговори со Иран и го повикуваме Иран да ги продолжи разговорите со САД“, додека францускиот министер за надворешни работи Жан-Ноел Баро рече дека „не може да има дефинитивно решение преку воени средства за нуклеарниот проблем на Иран“.

Тагови: Иран САД

Свет

САД распоредуваат трет носач на авиони поблиску до конфликтот на Блискиот Исток

„Ју-Ес-Ес Џералд Р. Форд“ ќе замине за Европа следната недела, изјави официјален претставник на морнарицата, тоа ќе биде трет американски носач на авиони во близина на Блискиот Исток.

„Ударната група на носачот на авиони Џералд Форд ќе замине од Норфолк (Вирџинија) утрото на 24 јуни за редовно распоредување во зоната на одговорност на Европската команда на САД“, изјави официјален претставник на морнарицата.

Американскиот носач Карл Винсон е на Блискиот Исток од почетокот на оваа година, учествува во воздушна кампања против јеменските бунтовници Хути, поддржани од Иран.

И официјален претставник на американската одбрана потврди дека шефот на Пентагон, Пит Хегсет, наредил ударната група на носачот Нимиц да се испрати на Блискиот Исток, нагласувајќи дека тоа е „за да се одржи нашата одбранбена позиција и да се заштити американскиот персонал“.

Трамп изјави вчера изјави дека ќе одлучи дали да се придружи на нападите на Израел врз Иран во следните две недели, наведувајќи ја можноста за преговори за прекин на конфликтот.

Тагови: блискиот исток САД