Свет

Велика Британија во најголемата криза по Втората Светска војна

За неколку часа синоќа Борис Џонсон загуби две битки, а на пат е да ја загуби и третата клучна пресметка, вечерва во Парламентот.

Едно е сигурно - Британија ја живее најголемата политичка криза по поновата историја, а по вечерашното гласање ќе биде појасно дали противниците на Џонсон ќе спречат Брегзит без договор на 31-ви октомври и ќе успеат да добијат ново три месечно пролонгирање за напуштањето на унијата.

Доколку успеат, тоа практично значи дека токму најголемиот поборник за брз развод со ЕУ, Џонсон, ќе биде тој што ќе отпатува во Брисел за да побара ново одложување. Но, тој вели нема да се понижи. Доколку и вечерва го загуби гласањето, ќе побара предвремени избори.

-Јас не сакам избори, но доколку пратениците гласаат за запирање на преговорите и наметнат уште едно бесмислено одложување на Брегзитот, кое ќе трае со години, тогаш тоа би бил единствениот начин ова да биде разрешено, изјави Борис Џонсон, премиер на В.Британија

За да се распишат избори, на Џонсон му треба двотретинско мнозинство во Парламентот. Според најавите тој би ги закажал изборите околу 15 октомври, две недели пред формалното напуштање на Унијата и сето тоа по вчерашната драма во Парламентот. Вчерашниот Почеток на крајот за Џонсон, го означи долгогодишниот сопартиец Филип Ли, кој среде говорот на својот лидер, прејде од другата страна и седна меѓу опозициските пратеници, со што Џонсон го загуби мнозинството. Следуваше вториот удар, кога 20-ина конзервативци му откажаа лојалност и гласаа против тврдиот Брегзит. Меѓу нив неколку екс министри и внукот на Винстон Черчил.

-Нема согласност во овој Парламент за напуштање на ЕУ без договор. Нема мнозинство за Брегзит без договор во земјата, изјави Џереми Корбин, лидер на опозициската Лабуристичка партија

Во последната студија на Обединетите Нации се проценува дека доколку се случи Брегзит без договор, Британија ќе претрпи загуби од најмалку 16 милијарди долари од извозот во Европската Унија.

Живот

Директорката на УНИЦЕФ предупредува дека војната во Газа ќе остави долгорочни последици за деца

Таа истакна дека децата во Газа со години ќе бидат трауматизирани од војната.

Извршната директорка на Фондот за деца при Обединетите нации (УНИЦЕФ), Кетрин Расел, денеска предупреди дека војната во Појасот Газа ќе има долготрајни последици за децата кои претрпеле загуба на најблиските, раселување и се соочуваат со постојан недостиг на храна и вода.

- Ако ја погледнете Газа низ очите на дете, тоа е пекол, изјави Расел за Си-Би-Ес.

Таа истакна дека децата во Газа со години ќе бидат трауматизирани од војната.

Расел дополни и дека испораката на хуманитарна помош за Појасот Газа се уште е изложена на големи опасности.

Според Министерството за здравство на Газа, од 7 октомври минатата година во израелските напади врз Појасот Газа се убиени повеќе од 41.820 Палестинци, а 96.910 се ранети, од кои повеќето жени и деца. /МИА

Регион

БиХ: Ново свлечиште во Јабланица, затворен магистралниот пат М-17

Во Долна Јабланица, местото кое е најпогодено од поплавите во БиХ, се појави ново свлечиште на магистралниот пат М-17.

Патот е делумно оштетен, а возилата го заобиколуваат преку паркинг, јавува „Аваз“. Во истата област, спасувачите продолжуваат со потрагата по преживеани, користејќи тешка механизација за да ги отстранат големите наноси од земја, кал и камења.

По повлекувањето на водата, местото изгледа целосно опустошено.

Според последните информации, најмалку 20 лица го загубиле животот во катастрофалните поплави во БиХ. Поплавите и свлечиштата, исто така, предизвика и огромни материјални штети во регионот.

Локалното население е евакуирани од нивните домови, а спасувачките екипи работат ден и ноќ за да им помогнат на погодените.

Началникот на општина Јабланица, Дамир Шабановиќ, прогласи Ден на жалост, кој ќе трае до 8 октомври./МИА

Регион

Бериша: Утре започнуваме со граѓанска непослушност

Претседателот на најголемата опозициска партија во Албанија, Демократската (ДП), Сали Бериша, кој е во домашен притвор,  преку видеопорака им се обрати на  граѓаните пред утрешниот национален протест што го организира неговата партија.

Бериша меѓу другото најавува дека „утре во Албанија ќе започне граѓанска непослушност, без враќање, до формирање на техничка влада".

- Оваа граѓанска непослушност, на 7 октомври, е почеток на последното поглавје од оваа 11-годишна црна историја на Албанија, историја, која зад себе ќе го остави најразорното уништување на темелите на кои се заснова Албанија и албанството. Оваа граѓанска непослушност, утре, доаѓа како единствен одговор што на албанската опозиција, последната надеж на Албанија, и го остави нарко-државата на Еди Рама, базирана на криминал, дрога, кражби и депортација на Албанците, вели Бериша.

Враќајќи ги некои од главните моменти низ кои помина опозицијата во последните 3 години, Бериша наведува дека овој протест не доаѓа како гром од ведро небо, бидејќи опозицијата одржала неколку национални протести, одржала говори преполни со осуди.

Протестот на опозицијата закажан за 18 часот ќе се одржи под мотото "Марширање кон Тирана - или денеска или никогаш" и според организаторот се очекува присутво на неколку стотици илјади граѓани.

Поддршка на демократите најави и Партијата на слободата, на Илир Мета. /МИА

притисни ентер