Српската полиција го уапси 35 годишниот Давор П. (35) од селото Јабуковац во српската општина Неготин поради сомневања дека во тоа село на 7. август со истрели од пиштол ги убил , сточарот Раја Казимировиќ (72), неговата мајка Драгица (93), сестрата Љубинка Орипиќ (76) и братучедот Драган Јозелиќ (53), пишува „Блиц“.
Убиецот, откако бил уапсен, признал во полицијата дека го извршил убиството и ги однел каде што го чувал оружјето.
Тој рече дека убиствата ги извршил за пари и не се спротивставувал на апсењето.
Истрагата за злосторството откри дека напаѓачот Давор П., стрелал со два пиштоли кон жртвите.Со едниот пукал кон Казимировиќ и Орипиќ, а со другиот во Драгица Казимировиќ и Јозелиќ. Казимировиќ бил убиен на неговиот трактор, а другите жртви на скалите пред куќата . Убиецот им пукал на жените во глава, а потоа им ги покрил лицата со крпа.
Според „Блиц“, Давор П. имал намера да го ограби имотот на Казимировиќ и затоа дошол кај него. Ги нашол Драгица Казимировиќ, Оприкиќ и Јозелиќ во куќата. Жените му се спротивставиле на Давор П., по што биле убиени. Раја Казимировиќ бил убиен набргу по тоа , кога дошол со тракторот во дворот , откако слушнал истрели.
Давор П. на Инстаграм објавувал фотографии во воена униформа со оружје во рацете.
Дваесет лица од Јабуковац беа подложени на полиграфско тестирање за време на истрагата и Блиц пишува дека сите го поминале тестот.
Од имотот на Раја Казимировиќ биле украдени околу 100.000 евра. Покрај украдениот имот, сепак останале 10.000 евра што убиецот не ги нашол, па Блиц пишува дека крадецот веројатно знаел каде се повеќето пари на Раја Казимировиќ и не го пребарале остатокот од имотот.
"Осум илјади евра се пронајдени во една торба во куќата, додека во друга торба биле пронајдени уште две илјади евра. Орипиќ и Јозелиќ дошле од Германија во Јабуковац пред да бидат убиени.
Осомничениот за четирикратното убиство е задржан во 48 часовен притвор и се соочува со казна затвор од 40 години.