Живот

Британскиот принц Ендрју ги негира наводите дека милијардерот Епштајн му организирал оргии со девојчиња

Милијардерот Џефри Епштајн , кој под неразјаснети околности почина во затворот во Њујорк , правел оргии и за британскиот принц Ендрју, тврдат учесничките.

Принцот Ендрју , војвода од Јорк бил пријател со Епштајн , кој беше осуден сексуален престапник , педофил и макро за малолетни девојчиња , кои им ги носел на забави на богатите пријатели. Вториот син на британската кралица Елизабета II бил учесник дури и во оргиите со малолетни девојчиња , што ги опрганизирал Епштајн.

Една од нив , Гислејн Максвел , тврди дека како 16 годишна му била понудена на принцот и со него во три наврарти имала односи. Во судските документи се наведува и сведоччењето на Џоана Сјоберг, која го потврдува исказот на Максвел.

Принцот во 2010 бил снимен и во куќата на Епштајн во Њујорк и покрај тоа што тој негора дека бил толку близок со него.

Британските медиуми дојдоа и до дневникот на летање , односно патувањата на младите девојки на островот на гревот на Епштајн на Карибите во 2001 и термините со летовите на принцот Ендрју се поклопуваат со оние на Гислејн Максвел.

Таа раскажува и дека на островот на Епштајн имало уште седум девојки од Русија , кои не знаеле ниту збор англиски и се соблекувале и играле пред принцот Ендрју и починатиот осуден милијардер Епштајн.

Британскиот принц апсолутно ги негора сите овие докази , до кои дојдоа новинарите и тврди дека никогаш не го познавал американскиот милијардер , а уште помналку бил во негово друштво.

Инаку , Епштајн бил пријател и со актуелниот претседател Доналд Трамп и со претседателот Бил Клинтон.

Свет

Повторно е нападната американската воена база во Ирак

Вчера била нападната американската воена воздухопловна база Ал Асад во западниот дел на Ирак, а во нападот не е направена никаква штета и никој не е повреден, изјави неименуван американски функционер за Тајмс оф Израел.

„Ова беше втор напад врз американските сили од 4 февруари“, додаде американскиот официјален претставник, мислејќи на нападот во неделата кога беа истрелани пет ракети врз истата база од пограничниот град Зума.

Во тоа време, САД објавија дека сојузничкиот борбен авион уништил ракетен фрлач во Сирија, додавајќи дека ниту еден американски воен персонал не бил повреден.

Бранот од 165 напади врз американските војници во Ирак и Сирија започна во октомври минатата година, откако Хамас го нападна Израел, а заврши во февруари кога САД извршија воздушни напади врз цели поврзани со Иран во Ирак и Сирија.

Шоу биз

Ен Хатавеј се потсети на одвратната аудиција, на која морала да се бакнува со 10 колеги (ВИДЕО)

Ен Хатавеј вели дека тестовите за хемија меѓу актерите во раните 2000-ти биле одвратни, пишува IndieWire.

Во интервју за магазинот V, актерката се присети на незгодните аудиции за романтични комедии во кои глумеше на почетокот на кариерата.

„Во 2000-тите беше нормално да се бара од актерите да се бакнуваат за време на аудиција, да се тестира хемијата, иако тоа е најлошиот начин да се тестира хемијата - дури и мене ми се има случено“, рече актерката. „Тие рекоа: „Имаме десет момци кои доаѓаат денес, а ти ја доби улогата. Зарем не си возбудена да ги бакнуваш? Мислев дека нешто не е во ред со мене бидејќи не бев возбудена.“

„Бев толку млада и знаев колку е лесно да изгубиш сè ако некој рече дека ти е тешко да се работи, па се преправав дека сум возбудена“, објаснила ѕвездата од „Дневниците на принцезата“. „Тоа не беше игра за моќ, никој не се обидуваше да ме повреди или да биде ужасен. Тоа беа различни времиња и ние денес подобро знаеме“.

Наскоро ќе можеме да ја видиме Хатавеј во романтичниот филм The Idea of You, кој пристигнува на Prime Video на 2 мај. Во филмот, актерката толкува 40-годишна самохрана мајка која влегува во врска со 24-годишен музичар, кој го игра Николас Галицин.

Филмот беше премиерно прикажан на филмскиот фестивал South by Southwest, кој се одржа во март годинава. Критичарите на Rotten Tomatoes го оценија The Idea of You со 95 проценти.

Свет

Драматична снимка на спасување од автомобил во пламен- попусто ја отвораат вратата (ВИДЕО)

Група добри Самарјани успеале да скршат запален автомобил и да спасат маж заробен внатре, додека драматичниот момент на спасувањето бил снимен во Минесота.

На видеото се гледа група луѓе околу автомобил зафатен од пламен. Тие очајнички се обидуваат да ја отворат вратата пред некој да го скрши прозорецот на возачот и потоа да го повлече на безбедно.

Инцидентот се случил минатиот четврток околу 18 часот и 30 минути.

Властите соопштија дека Хонда скршнала надесно и удрила во столб од светло, а потоа и во заштитна ограда пред да се запали, создавајќи чад и голем пожар.

Возачот потоа бил пренесен во болница, но за среќа не се здобил со сериозни повреди.