Почна 33-тиот Охридски пливачки маратон

Дваесет и еден од 22 пријавени пливачи точно на пладне влегоа во водите на Охридското Езеро кај Свети Наум, на стартот на 33-тиот меѓународен Охридски пливачки маратон.

Четиринаесет пливачи и осумте пливачки од седум држави ќе треба да ги испливаат 25-те километри колку што е долга патеката „Климе Савин", од Свети Наум низ десет контролни точки до целта кај Градското пристаниште во Охрид.

Моменталните временските услови засега се идеални за добра трка, водата на езерото е мирна со температура од 24 степени. Во такви услови на пливачите за да стигнат до целта ќе им бидат потребни околу четири до четири и пол часа.

Македонската пливачка експедиција оваа година ја сочинуваат Евгениј Поп Ацев, Александар Илиевски и младиот Леонид Мишевски. Поп Ацев после три одржани маратони во рамки на серијата на ФИНА е на второто место, со само три бода заостанување зад Едуардо Стокино од Италија кој исто така денеска плива во Охрид,

Во водите на Охридското Езеро е и французинот Аксел Рејмонд, двократниот светски првак во пливање на 25 километри од Будимпешта и Гуанжу, како и рекордер на 30-километарскиот Охридски маратон (2013 г.) што до пред две години се пливаше тука.

Наградниот фонд за маратонот што се плива под покровотелство на Претседателот на Република Северна Македонија изнесува 15 илјади долари. Охридскиот маратон е четврти од серијата шест трки што се одржуваат во рамки на „Гран-при" серијата на отворени води на ФИНА. До крајот на оваа сезона после маратонот во Охрид преостануваат уште трките во Хрватска и во Италија./МИА

,,Огнено” дерби во Атина , навивачите се прекачуваа преку стадионот (ВИДЕО)

Фудбалерите на Олимпијакос го совладаа ПАОК во грчкото првенство со минимални 1-0.

Црвено-белите ги совладаа црно-белите, откако не успеаја да го сторат тоа во првиот дел од сезоната (1-1 во Пиреја).

ПАОК имаше повеќе удари, повеќе топки во нозете, но не успеа да го достигне голот на гостите, па беа казнети.

Натпреварот го реши српскиот фудбалер Лазар Ранѓеловиќ во 49-та минута.

ПАОК успеа да постигне гол во 55. минута, но истиот беше поништен поради офсајд, откако така реши ВАР технологијата. До крајот на мечот „црните и белите“ имаа уште една шанса, но не ја искористија.

Како и обично, фудбалот во грчкото дерби не беше во прв план.

Навивачите на ПАОК го исполнија стадионот, но билетите не им беа доволни. Оние кои не успеаја да обезбедат билет пред натпреварот, се обидоа да влезат на мечот преку ѕидот на стадионот. 

Фудбал или ракомет : Неверојатната ситуација во македонскиот фудбал го обиколи светот (ВИДЕО)

Сцена од дербито на 20-то коло на македонското фудбалско првенство стана светски хит благодарение на социјалните мрежи.

Во натпреварот Ѓорче Петров - Академија Пандев (1-0), одигран од клубови кои се борат за место кое води во Европа, се случи ситуација која не може да се види никаде во светот.

Играчот на Академијата Пандев, го запре нападот на противникот со тоа што му ја одзеде топката со својата топка што ја држеше во рацете, а потоа со ракометен потег му ја фрли меѓу нозете на противничкиот играч за да му ја одземе топката  што беше на теренот.

Потегот го налути судијата, , па неговиот тим остана не само со играч помалку, туку беше поразен  од пенал во седмата минута на судското продолжение.

Фјури по победата над Вајлдер : Кралот се врати на тронот

Британскиот боксер Тајсон Фјури е новиот светскиот шампион во ВБЦ категоријата, откако во спектакуларен меч во Лос Анџелес со технички нокаут во седмата рунда го совлада Даонтеј Вајлдер кој ја бранеше титулата во тешка категорија..

 „Џипси кинг“, како што го нарекуваат Фјури, почна агресивно и не му остави простор за напад на противникот, кој неколку пати легнуваше на подот. Во седмата рунда по серија удари кон Вајлдер, судиите ја прекинаа борбата и победата му ја доделија на Фјури.

Со тоа, Вајлдер го претрпе првиот пораз, а Фјури ја освои титулата...

притисни ентер