Најзгодната ограбувачка на светот има хрватско потекло (ВИДЕО)

Австралијката со хрватско потекло Моник Агостино (23) е обвинета за низа злосторства , а денеска во судницата и рече на судијката дека размислува за самоубиство.

Моник пред судот во Сиднеј е обвинета за поседување метамфетамин , за кражби во продавници и за големиот грабеж минатата година во близина на градот.

Судијката Жаклин Милеџ дополни и дека за време на притворот организирала со момчето да и донесе недозволена супстанца. Агостино , која се занимавала и со манекенство , во судот беше самата свој адвокат и изјави дека не се чувстцвува виновна.

Побара од судијката да ја пушти со кауција , па откако одби и рече дека таа ќе биде одговорна ако се убие во затворот.

,,Јас бев склона кон самоубиство во минатото“, додаде манекенката. „Сега рековте дека јас ќе бидам виновна, дека ќе бидам виновен за вашето дело“, одговори судијата.

 Судијката додаде дека Моник добила фер судење и дека може да поднесе барање за кауција до Врховниот суд и дека може да се согласи на програма за откажување од дрога. „Не ми треба рехабилитација“, одговори Агостино.

Манекенката на крајот на судењето повторно побара да ја пуштат од затвор , за да може да отвори своја агенција за убавина.

Судењето продолжува на 25. октомври.

Прогласувањето на Шара за национален парк ќе ја покаже зрелоста кон европските вредности

 Процесот на прогласувањето на Шар Планина за национален парк финишира заедно со процесот на почнување на преговори за членство во Европската унија. 

Зачувувањето на животната средина ќе покаже колку сме созреани во насока на европските вредности во оваа област, посочија денеска учесниците на настанот „Шар Планина како европска еколошка вредност" што го организираше Секретаријатот за европски прашања и општина Тетово.

– ЕУ не е само политичка унија на држави, тоа е систем на идеи и вредности, регулативи и директиви, а животната средина е едно од важните прашања на тие вредности кои ние мора да ги почитуваме, не поради ЕУ, туку поради нас самите. Заедно со општината и со амбасадорите ја промовираме потребата од прогласување на Шара за национален парк. Работите привршуваат и во наредните месеци очекуваме тоа да се реализира и драго ми е што таа динамика коинцидира со процесот на започнување на преговори со што даваме две пораки дека политички созреваме да станеме дел од Унијата, а и дел од практичните прашања како што е животната средина сме подготвени да ги живееме европски. Република Северна Македонија има девет проценти заштита во смисла на биодиверизитетот, а со прогласување на Шар Планина, тој процент бил се зголемил на 12 проценти со што се доближуваме на европските стандарди за заштитено подрачје, изјави вицепремиерот за европски прашања Бујар Османи.

Според градоначалничката на Тетово, Теута Арифи, стратешки е важно да се прогласи Шара за национален парк, да се зачуваат природните богатства и да се развие еко туризам кој ќе биде додадена вредност.

Стручните лица од животната средина ја потенцираа потребата од итно прогласување на Шар Планина за национален парк.

– Од 1994 има иницијативи за прогласување на Шара, но никогаш не вродија со плод. Сега сметам дека климата е подобрена и се ближиме до крајот. Ќе ги заштитиме сите природни ресурси и богатствата кои ги има, вели професорот Славчо Христовски од Македонско еколошко друштво.

Во рамки на настанот, учесниците пешачеа од месноста Сидол кај Попова Шапка до Шипковички бачила близу шарпланинското село Шипковица каде беше подготвен – пикник со традиционални јадења. 

Алцхајмерова болест – тивок крадец на спомените и епидемија на 21 век

Според светската статистика во нашата земја би требало да има околу 20 илјади заболени од Алцхајмерова болест, а само 20 проценти се дијагностицирани и третирани.

Под мотото „Сети се" со слушање на музика од минатото и гледање на стари филмови денеска на плоштадот „Македонија" во организација на Институтот за Алцхајмерова болест и невронаука се одбележа 21 Септември – Светскиот ден на Алцхајмеровата болест која се нарекува епидемија на 21 век.

Првата дама, сопругата на претседателот на Македонија, Елизабета Ѓоргиевска порача дека деменцијата не засега сите нас и започнува тивко и незабележително, а трае долго.

– Бројките се алармантни. Во светот до 2020 година околу 50 милиони луѓе ќе бидат заболени од Алцхајмерова деменција, а ако не се пронајде лек до 2050 година, тој број трикратно ќе се зголеми, изјави Ѓоргиевска.

Нагласи дека нашиот придонес во борбата со неа ги надминува медицинските достигнувања и навлегува во сферата на човековите доблести.

– Колку повеќе ја поттикнуваме кај себе човечноста, разбирањето и информираноста на болеста, толку повеќе влијаеме за создавање хуимани услови за живот и подеднакви услови за сите. Треба да им се помогне на луѓето кои трагаат по сеќавањата и не ги препознаваат своите најлиски. Да ги разбереме и да им помогнеме иднината да им стане посреќна. Можно е да се живее со деменција, но најважна е личноста, а не болеста, изјави Ѓоргиевска.

Габриела Новотни од Институт за Алцхајмерова болест и невронаука, вели дека ова е една од најтажните болести, која ни ги краде сите спомени и сеќавања, со еден збор сето она што во животот ќе го заработиме.

– Потребно е активно да се бориме против митот дека заборавањето е дел од нормалното стареење. Забораваме сите како последица на расеаност, но доколку тоа се повторува и ги попречува нашите секојдневни активности потребно е да се побара помош, истакна Новотни.

Посочи дека како минуваат годините и како расте животниот век, така ризикот за Алцхајмеровата болест е поголем и многу почеста е болеста со доцен почеток, над возраст од 65 години.

– Идејата за организацијата на овој настан е произлезена од реминисцентната терапија. Тоа е терапија со потсетување. Алцхајмеровата болест ги краде спомените кои се последни запаметени. Старите спомени, времињата на нивната младост последни ќе исчезнат, затоа слушањето на музика од нивната младост и гледање на фотографии, буди многу пријатени емоции и се намалува агресивноста, вели Новотни.

Со тоа, посочи таа, се штеди злоупотреба на многу лекови кои се препишуваат за смирување и се подобрува квалитетот на животот преку нефармаколошки третман. 

Авион на „Делта Ерлајнс“одеднаш пропаднал за повеќе од девет километри – патниците во паника

Авион на авиокомпанијата ,,Делта Ерлајнс“ кој летал на линијата од Атланта кон Форт Лодердејл , одеднаш пропаднал  неколку километри .

- Патниците во авион на „Делта ерлајнс“ биле шокирани откако авионот одеднаш „пропаднал“ повеќе од девет километри, поради што се отвориле и паднале маските за кислород.

Патниците се испаничиле претпоставувајќи дека тоа се последните мигови од нивниот живот па почнале да им испраќаат пораки на најблиските со содржина ,, те сакам“.

Една од стјуардесите повеќепати преку разглас ги молела луѓето да не паничат ,но паниката била посилна од апелот за смиреност.

Авиокомпанијата извинувајќи им се на патниците и нивните семејства,соопшти дека во текот на летот имало проблеми со притисокот во кабината и затоа авионот бил пренасочен кон Тампа во Флорида каде што безбедно слетал.

притисни ентер