Овој коментар бил пријавен во ФБИ , по што 15 годишниот средношколец е уапсен. Тој рекол дека се шегува , а неговата мајка се расправа со полицијата , тврдејќи дека детето само си играло видео игри.
"Шега или не, овој вид коментар е кривично дело . По масовното убиство што го видовме во Флорида и низ целата земја, полициските службеници имаат одговорност да ги испитаат и обвинат оние што избираат да даваат ваков вид заканувачки изјави", се вели во соопштението на шерифот на округот Волусија.
И канцеларијата на шерифот, објави вознемирувачко видео кога полицајците дојдоа на домашната адреса за да го приведат 15-годишникот. Снимката не е шокантна, туку разговорот со мајката која не може да разбере и прифати дека нејзиниот син ќе заврши во малолетнички притвор за коментар додека играл видео игри.
„Тој е уапсен затоа што се заканил дека ќе изврши масакр со огнено оружје и / или терористички чин“, и рече полицаецот на мајката. "Да изведе масакр?" мајката прашува во неверување.
„Да. Тој даде изјава, закана, писмена закана, план да се изврши масакр со огнено оружје“, одговара офицерот.
„Но, тој е само мало дете што игра видео игри“, вели неговата мајка.
„И сите овие деца завршуваат уапсени. Затоа ФБИ и локалната полиција минуваат толку многу време, бидејќи како знаеме дека тој нема да биде дечкото од Паркланд?“вели полицаецот , алудирајќи на масакрот извршен во февруари 2018 година во средното училиште „Марџори Стономан Даглас“ во Паркланд, Флорида, од поранешен ученик на тоа училиште, Николас Круз, при што загинаа 17 ученици и наставници .
"Овие деца цело време велат такви работи. Тоа е шега за нив. Тоа е игра", инсистира мајката, додека момчето во лисици на рацете стои зад неа.
"И јас го губам своето време во полиција, апсејќи ги овие деца кои изјавуваат вакви изјави цело време. И ги запирам да го извршат тоа дело. Исто така, наша работа е да оствариме контакт затоа што децата мислат дека тоа е игра или шега, коментар “, објаснува полицискиот службеник, кој очигледно веќе има искуство со апсење на учениците во врска со заканите за масакр.