Во Кина уапсен работник на британскиот конзулат во Хонгконг

Работник на британскиот конзулат во Хонгконг е уапсен во кинескиот град Шенжен, соопшти министерството за надворешни работи на Кина.

Во соопштението Министерството наведува дека Британецот ги прекршил законите, но не е прецизирано за што се работи, пренесува „Ројтерс“.

Британското Министерство за надворешни работи соопшти дека е длабоко загрижено заради наводите дека еден вработен во британскиот конзулат во Хонгконг исчезнал откако отишол на работна посета во Кина.

Од Министерството наведуваат дека побарале информации од Хонгконг и провинцијата Гуангонг во врска со вработениот кој како што пренесува AP, е приведен додека преминувал граница од кинескиот град Шенжен во Хонгконг.

Локалните медиуми јавуваат дека се работи за Симон Менкит, кој е задолжен за трговија и инвестиции. Тој присуствувал на некој настан во Шенжен на 8-ми август.

Се наведува дека не се вратил во Хонконг иако планирал со воз да се врати уште истиот ден.

Родителите нема да плаќаат додека не почнат со работа прилепските градинки

Родителите чии деца ги користат услугите на прилепските градинки, нема да плаќаат надомест до почетокот со работа на градинките, одлучи денеска Советот на општината.

Ослободувањето од плаќање надомест важи за април, мај и јуни, како и за целиот период до почетокот со работа на градинките.

Со одлуката на прилепските советници се опфатени родителите на околу 1.500 деца. Инаку, во месеците кога децата не одат во градинка, родителите плаќаат 35 отсто од месечниот износ.

На денешната седница, советниците ги усвоија и извештајот за извршување на буџетот на општина Прилеп за првиот квартал од 2020 година, како и годишната сметка, извештајот за финансиско работење на јавното комунално претпријатие „Водовод и канализација" за 2019 година и тримесечниот извештај на претпријатието од први јануари до 31 март годинава. Советниците дадоа согласност и за тримесечните извештаи за финансиското работење на јавните комунални претпријатија „Комуналец" и „Пазари", како и на Јавното претпријатие за просторно и урбанистичко планирање.

Шахпаска од Берово: Посветено работиме на подобрување на квалитетот на живот на старите лица

Носителката на листа на пратеници од ИЕ 3, Јагода Шахпаска, денеска ја  посети  Општинската јавна установа за грижа на стари лица  д-р. Иван Влашки во општина Берово.

-„Посебно задоволство ми претставува кога сум меѓу највозрасната популација која го вложила својот труд во нашето издигнување и во изградбата на државата." – рече Шахпаска на средбата со лицата кои се сместени во овој дом. Таа зборуваше за она кое што досега е сработено и она кое што го нуди новата програма на коалицијата „МОЖЕМЕ".

Во Установата д-р.Иван Влашки во Берово во моментот се сместени 29 стари лица. Во завршна фаза е реконструкцијата на новото трето крило за зголемување на капацитетните можности за сместување, со средства обезбедени од локалната власт, Министерството за труд и социјална политика и донација од швајцарската агенција за обнова и развој .Тоа е инвестиција во вредност од 6 милиони 953 илјади денари. Со новото крило установата ќе се дополни за уште 10 лица, а воедно претставува и можност за нови вработувања на персонал за грижа за стари лица.

- Во сферата на здравството, обезбедивме старите лица сместени во старечките домови да имаат бесплатни редовни лекарски прегледи и повеќе лекови на позитивна листа достапни секогаш. Грижата за старите лица продолжува и во идниот мандат на нашата Влада, во насока на уште поголемо покачување на пензиите , со цел најниската пензија се зголеми за 21% односно 10.700 денари, подобрување на условите и капацитетите на домовите за стари лица ,по примерот на Д-р Иван Влашки.-посочи Шахпаска.

Таа како дел од понудата во новата програма на коалицијата „МОЖЕМЕ" ги посочи и следните заложби како: отворање на домови за стари лица во Скопје, Кочани и Пробиштип, потоа обезбедување на услуга за помош и нега во домот во 65 општини и проширување на програмата за бањско-климатска рекреација.

Кекеновски: Бегалецот од Будимпешта ќе го вратиме во рок од 90 дена

Сакаме да им ветиме на граѓните дека доколу сме дел од законодаваната и извршната власт во рок од 90 дена ќе го вратиме бегалецот. Онака како што и замина така ќе биде и вратен, а украдените пари ќе бидат поделени на граѓаните.

Носителот на листа на кандидати за пратеници на „Коалицијата никогаш северна, само Македонија" во ИЕ 2, Јове Кекеновски на средба со граѓаните на Општина Горѓе Петров истакнал дека наместо во оваа скопска општина да соопштат што нивните народни пратеници ќе се загалааг за граѓаните, рече дека се принудени да се осврнат на неспособноста на техничката влада која, според него, нема капацитет да се справи со Ковид-19.

– Се плашиме дека по изборите ќе ни се преслика ситуацијата од Србија. Неспобниот технички министер познат по пиши бриши уредбите наместо со Комисијата за заразни болести да работи на намалување на последиците од пандемијата, тој на сметка на мртвите и жртвите се пуштил во ловење на гласови. Ветува брда и долини, 1.000 километри патишта, а не гледа дека бројот на зарззени постојно расте. Значи неодговорноста, неспособоста, несовесноста се собрани на едно место, и затоа тој бесрамно го бара гласот на граѓаните, рече Кекеновски.

Тој посочи дека министерката за правда и „нејзините пратиски колеги и функционери му овозможија на Груевски да избега во Будимпешта, а таа не мрднува ниту со најмалиот прст да го врати и да одговара за другите злодела".

– Сакаме да им ветиме на граѓните дека доколу сме дел од законодаваната и извршната власт во рок од 90 дена ќе го вратиме бегалецот. Онака како што и замина така ќе биде и вратен, а украдените пари ќе бидат поделени на граѓаните. Во оваа воспоставена матрица на несериозност, несовесност и јавашлук успешно се вклопува и Уставниот суд кој вчера немаше храброст да ја отфрли Иницијативата за поништување на став 5 од членот 353 од КЗ кој се однесува злоупотребата на службената позиција во врска со јавните тендери. Замислете дури четворица од вкупно девет судии на Уставниот суд се изјасниле дека истиот треба да се поништи, бидејќи луѓето кои се обвинети од СЈО за милионски злоупотреби со тендерите „страдале" поради преширокото толкување на оваа одредба. Да ги потсетам уставните судии и адвокатот подносител дека постои еден институт кој се нарекува автентично толкување на законот. Уставните судии се срам за државата и затоа повторно ја бараме оставката на судиите, а доколку тоа не се случи, по конституирањето ќе бараме нивно разрешување, рече тој.

Тој на крајот им вети на граѓаните дека нивните идни избрани народни пратници ќе имаат максимална соработка со органите на единиците на локалната самоуправа без разлика на нивната партиска припадност.

– Тие ќе бидат нишката помеѓу централната власт и локалната самоуправа. Ниту еден проект, ниту еден закон кој се однесува до локалната самоуправа не ќе смее да биде донесен без претходно истиот да биде косултиран од страна на нашите пратеници со базата од која се избрани, рече Кекеновски.

притисни ентер