Саудијките добија уште едно право – може да патуваат без дозвола од сопругот

Саудиска Арабија донесе уште една кралска уредба , со која на возрасните жени им се дозволува да патуваат без дозвола од сопругот.

Властите започнаа со укинување на ограничувањата во последните години. Минатата година ја укинаа забраната со која на жените не им беше дозволено да возат . Серија кралски уредби беа донесени во текот на овој месец бидејќи кралството е под зголемена контрола за злоупотреби на човековите права.

Саудискиот пасош може да му се издаде на секој граѓанин кој аплицира за тоа, а на секое лице над 21 година не му е потребна дозвола за патување, се наведува во денешната уредба.

За прв пат, на жените им се гарантира право да пријават раѓање на своето дете, да аплицираат за брак или развод, да бараат официјални документи за семејството или да станат старатели на малолетни лица.

Еден саудиски весник објави дека повеќе од 1000 жени од источната провинција на Саудиска Арабија заминале вчера без дозвола за старателка во она што се чини дека е прва примена на новите правила.

Трипуновски обвини за лошата ситуација во македонското земјоделство

Трајан Димковски се исплаши, па мораше да го повика на помош Љупчо Николовски да го брани. Љупчо и ти и Трајан и Зоран Заев, сите заедно сте виновни за лошата ситуација во македонското земјоделство.

Лозарите имаат реален проблем и тој е креиран од оваа власт. Додека лозарите одат со испукани петици и скинати патики, вие кратите пари наменете за земјоделците, пиете скапи вина и јадете луксузни јадења.

Ти Љупчо заедно со Зоран Заев им ветивте на лозарите сигурен откуп и високи откупни цени. Па нели ти е срам Љупчо што три години ништо не направивте!? Сигурен откуп нема, а цените се ниски, по ниски од што беа.

За тутунарите подобро и да не зборуваме. Што ќе им кажете? Дека вашиот партиски функционер Кире Неделковски украл 300.000 евра од тутунарите? Дека го штитите од институциите да не го процесуираат неговиот криминал!?

Љупчо вие немате ама баш никаков кредибилитет да зборувате за земјоделците, бидејќи не сте ја виделе и почувствувале земјодлеската мака.

Земјоделците се напатени луѓе, кои со што многу труд и пот си го заработуваат лебот. Немојте само да им го земате од уста.

Но Љупчо, бидејќи Трајан те викна тебе да го браниш, а ти сигурно ќе го викнеш Зоран Заев, кажи му на Заев дека земјоделците не ви простуваат. Од тука од земјоделска Струмица јас ви порачувам дека на СДСМ му се гледа крајот.

Цветан Трипуновски – член на ИК на ВМРО-ДПМНЕ

Општина Гостивар ќе вработи 44 лица

Општина Гостивар наскоро ќе објави конкурси за вработување на пожарникари, административци и друг персонал за да ја подобри ефикасноста. 

Новите вработувања иако беа најавувани, не поминуваа на одобрување од општинскиот совет. Со промената на мнозинството, градоначалникот Арбен Тараври очекува да се реализира и програмата за вработувања.

– Претходното мнозинство во советот две години не ја гласаше програмата за вработувања и го блокираше донесувањето на буџетот и сите бевме сведоци. Зошто тоа го правеа не знам и треба нив да ги прашате. По малку е парадоксално што изминативе две години немам поптишано ниту едно решение за вработување иако најмалку десет лица си заминале во пензија или дале откази. На нивни места не се примени нови. Ќе се трудиме да го испочитуваме принципот за вработување на стручни кадри, а не по партиски клуч. Работа ќе добијат тие што навистина ја заслужуваат според нивните квалитети, изјави градоначалникот Таравари.

Според него, во новата програма превидени се 44 вработувања и како што потенцира ќе се внимава на застапеност на сите етнички заедници.

Донесувањето на буџетот во повеќе наврати беше проблематизрано во советот на општината, а тогашното мнозинство предводено од ДУИ и СДСМ не даваше „зелено светло" наоѓаше забалешки токму во делот за финсирање на нови вработвања. Со неодамнешното менување на силите во советот, мнозинството сега е на страната на градоначалникот. На последната седница беа сменети и назначени нови членови на речиси сите управни одбори.

Пожарната во Тетово доби два камиони за гаснење пожари како донација од Данска

 Тетовските пожарникари добија две нови возила – специјални камиони за гаснење пожари кои се донација од Данска.

 Камионите се обезбедени со залагање на Меџаит Љатифи доктор од тетовското село Доброште, кој долги години живее и работи во Данска.

Ука Алити, командир на тетовската противпожарна единица рече дека првото возило е главен камион за гаснење пожари со сета пропратна опрема, а цистерната претставува логистика за навалното возило.

– Како резултат на една соработка, противпожарната бригада доби два камиони со што се зголемува капацитетот на единицата за справување со пожари. Благодариме на Општина Теарце за ангажманот и првичната нивна иницијатива и посебно докторот Меџаит Љатифи кој успеа да ги донесе камионите до тука, изјави градоначалничката Теута Арифи.

Меџаит Љатифи истакна дека за оваа иницијатива бил многу мотивиран знаејќи дека народот има проблеми со многу пожари.

Камионите биле наменети за Општина Теарце, но бидејќи се уште нема такви единици во рурални општини надлежност на возилата е префрлена на Општина Тетово.

Исен Асани, градоначалник на Општина Теарце рече дека се надева оти законските измени ќе придонесат да се создаваат одделенија на пожарната во руралните места.

Станува збор за едно главно навално возило камион за гаснење пожари како и еден камион цистерна.

притисни ентер