Алкалоид инвестира 11 милиони евра во проширување на производните капацитети

Новите производни одделенија ќе се простираат на површина од 7.000 м² и ќе создадат услови за реализирање на околу 200 нови вработувања.

Посветеноста на перманентниот раст и развој, следењето на трендовите и најновите достигнувања во сферата на фармацијата, се главните причини поради кои во изминативе дваесет години „Алкалоид АД Скопје“ се задржа на курсот за континуирано инвестирање вложувајќи преку 200 милиони евра, алоцирани воглавно во сегментот Фармација. Инвестициските потфати во производствени капацитети и опрема, лаборатории, институт за истражување и развој, центар за контрола на квалитетот, модерен SAP софтвер, технологија и добро обучен персонал – менаџментот на „Алкалоид“ ги смета за неопходни предуслови за зголемување на пласманите и интензивирано глобално позиционирање на производите на брендот „Алкалоид“. Во таа насока, се инвестициите во новите производни одделенија чиј износ ќе достигне 11 милиони евра и кои како и останатите, ќе се изведуваат во согласност со строгите барања за Добра производствена практика (GMP).

Од планираните 11 милиони евра, 3,5 милиони ќе бидат наменети за целосно технолошко подготвување на одделението „Пакување на цврсти форми“, со површина од 2.000м². За потребите на одделението, нарачана е техничко-технолошка опрема во вредност од 5,2 милиони евра, вклучувајќи две автоматски линии за пакување. 2,3 милиони евра ќе бидат инвестирани за изградба на два нови ката наменети за производство на цврсти фармацевтски форми и придружен простор за техничко-технолошка опрема со вкупна површина од 5.000 м².

Сето ова ќе овозможи зголемување на капацитетите за производство за најмалку 50%, односно од сегашниот капацитет од речиси 2 милијарди таблети и капсули годишно, на повеќе од 3 милијарди парчиња цврсти фармацевтски форми.

„Согласно стратегијата за развој и долгорочниот план за капитални вложувања, ‘Алкалоид’ иницира нова фаза во инвестициските активности која има за цел зголемување на производните капацитети на компанијата. Планираната инвестиција е во склад со политиката на компанијата за вложување во капитални проекти, а со оглед на тројното зголемување на консолидираните приходи од продажби во изминативе 15 години, ваквиот потфат беше неопходен за овозможување на уште поинтензивни пласмани и континуиран раст“ – изјави г. Живко Мукаетов, Генерален директор и Претседател на Управниот одбор на компанијата.

Комплетирањето на оваа инвестиција, планирано за првата половина од 2020 година, ќе создаде услови за реализирање на околу 200 нови вработувања во сегментот Фармација.

Германската влада од вечерва расправа за програмата за заштита на климата ,,тешка" 40 милијарди евра

Таканаречениот климатски кабинет на канцеларката Ангела Меркел од доцна вечерва почна со седницата , на која до викендов треба да се донесат стратегиските цели на владата за заштита на климата.

„Знам дека пакетот мерки за заштита на климата ќе чини многу, но ќе ве чини уште повеќе ако не сториме ништо“, рече Ангела Меркел за време на дебатата во Бундестагот за одбрана на пакетот за заштита на климата што чини околу 40 милијарди евра  до 2030 година.

„Програмата за заштита на климата до 2030 година“ вклучува, меѓу другото, квоти за електрични автомобили за автомобилската индустрија, како и план за поставување на над еден милион нови станици за полнење на електрични автомобили.

Во секторот транспорт, предвидени се и субвенции за еколошки транспорт со железница. Ова треба да го направи железничкиот транспорт поевтин, со истовремено зголемување на бројот на домашните летови.

Пакетот вклучува и посебна форма за оданочување на возилата и недвижностите според количината на произведен јаглерод диоксид.

Демократите и социјалдемократите сè уште расправаат за формите на оданочување. Додека Социјалдемократската партија на Германија (СПД) предлага фиксен данок што постепено ќе се зголемува, ЦДУ / ЦСУ предлага систем за плаќање надомест за количината на произведен јаглерод диоксид, слично на шемата за трговија со емисии на ЕУ (ЕТС).

Се очекува енергетскиот сектор да ги намали емисиите со намалување на употребата на фосилни горива како што е јагленот и субвенционирање на обновливи извори, како што се ветерници.

Аналитичарите проценуваат дека коалициската влада на Ангела Меркел е под притисок поради зголемената важност што граѓаните ја придаваат во борбата против климатските промени, што е прикажано со зголемената популарност на Зелената партија.

Германската канцеларка ќе присуствува на Самитот на ООН за климата во понеделник во Њујорк.

Горбачов : Светот е пред опасна закана

Последниот советски претседател , Михаил Горбачов предупреди дека светот е пред опасна закана и дека сегашните воени активности личат на вистинска војна.

Михаил Горбачов наскоро ќе објави нова книга, неговиот политички тестамент , во кој авторот на политиката на ,,Гласност” и ,,Перестројка” ќе ја разоткрие својата визија за XXI. век, наведува  издавачот.

,,Иднината на глобалниот свет”, дело на поранешниот лидер кој сега има 88 години, ќе биде објавена во Германија на 23. септември и на 2. октомври во Франција.

„Светската политика е на исклучително опасен раб. Тековните воени активности наликуваат на вистинска војна“, предупреди Горбачов во делови од книгата што ја откри неговиот издавач.

Добитникот на Нобеловата награда за мир рече дека „заштитата на мирот е клучна за надминување на глобалните прашања како што се животната средина, меѓународниот тероризам, миграцијата и сите други предизвици што се во фокусот на вниманието на државите и меѓународните организации“.

Неговата книга ќе биде објавена пред 30-годишнината од падот на Берлинскиот ѕид на 9. ноември, кога Михаил Гобачев беше на чело со СССР.

Палмер го побара од Косово да ги укине царините кон Србија

Специјалниот претставник на американскиот државен секретар за Западен балкан , Метју Палемр , им порача на косовските власти да ги укинат царините на српските производи.

Метју Палмер изјави дека следната косовска влада по изборите на 6. октомври мора да биде подготвена за да ги суспендира царинските давачки на стоката од Србија , што е главна пречка за продолжување на дијалото меѓу Белград и Приштина. САД се надеваат дека на укинувањето на давачките , Србија би одговорила со своја иницијатива , рече Палмер , сугерирајќи дека може да вклучат и „потенцијално суспендирање на кампањата за признавање на Косово“ и дека „врз основа на овие основи, двете страни би можеле да се вратат на преговарачката маса  во позитивна атмосфера и со цел кон постигнување договор “.

„Прва работа е да се почекаат изборите на 6-ти октомври на Косово, проследено со процесот на формирање влада“, рече Палмер за ВОА по посетата на регионот, каде што се состана одделно со претставници на Белград и Приштина.

САД „ќе ги разјаснат своите очекувања“ за следната косовска влада да биде „влада подготвена за дијалог, подготвена да ги суспендира тарифите што го попречуваат продолжувањето на процесот на дијалог, влада подготвена да собере преговарачки тим со силни овластувања“ и „подготвена да се вклучи во преговори со Србија со сериозна намера да се постигне договор за нормализирање на односите “.

„Соединетите држави ќе бидат со нив во секоја фаза од процесот, но Косово мора да ја преземе контролата врз својата судбина“, рече Палмер.

Кабинетот на српскиот претседател Александар Вучиќ соопшти дека Вучиќ имал телефонски разговори со Палмер и дека Србија ќе продолжи да се залага „да се постигне вистинско и одржливо компромисно решение за прашањето за Косово иМетохија, да ги заштити интересите на Србите на Косово и да ги заштити националните интереси“.

притисни ентер