Делови од Ѓорче Петров, Сопиште и Карпош утре без струја

Поради планираните технички зафати во електро-системот утре без електрична енергија ќе останат дел од корисниците од општините Ѓорче Петров, Сопиште и Карпош.

Во период од 09:00 до 14:30 часот без струја ќе останат корисниците од селото Волково, дел од улиците „3", „95", „100",„101" и „103" и објектот „Ажур" и околината.

Во периодот од 09:00 до 11:00 часот корисниците од селото Горно Соње (м.в.Под Брег), и во периодот од 09:00 до 15:00 часот дел од улицата „Мирка Гинова"./МИА

Хаос во Украина : Каменувани автобусите со кои се враќаат Украинците од Кина,блокади и тенкови (ВИДЕО)

Жителите на местото Нови Санжар организираа протест со блокади на патиштата кога дознаа дека сограѓаните евакуирани од Вухан ќе бидат пренесени во нивната околина. Тие дури и ги каменуваа автобусите што ги превезувале.

Украинската влада денеска конечно успеа да ги евакуира своите граѓани од Вухан, градот најпогоден од епидемијата на коронавирус. Со авион се евакуирани 73 лица, при што четири останале во Кина поради треска.

Откако авионот слета во Казахстан за да остави двајца државјани на Централна Азија, полета за Украина, пренесува РТ.

Но, не сите во Украина биле среќни за враќањето на нивните 45 сонародници и 29 други странци. Некои жители на Нови Санжар, во регионот Полтава, дознале дека евакуираните Украинци и членовите на екипажот ќе престојуваат некое време во локалната болница. Затоа, тие се собраа да протестираат дека не сакаат да ризикуваат епидемија на коронавирус во нивната област.

Демонстрантите го блокираа патот што води кон медицинската установа и запалија автомобилски гуми. Наскоро, пристигнаа специјалците со оклопни возила.

Се судрија со нив кога специјалистите сакаа да ги отстранат автомобилите што го блокираа патот.

„Моравме да издвоиме десетина од најагресивните лица и да им објасниме кои можат да бидат последиците од нивните незаконски дејствија“, соопшти полицијата. На крајот, демонстрантите се растурија, но подоцна го каменуваа автобусот во кој превезуваат Украинците евакуирани од Вухан.

Украинските власти планираат две недели да ги задржат евакуираните граѓани во карантин во Нови Санжар. По протестот, претседателот на Украина ги увери граѓаните дека се преземени сите можни мерки на претпазливост за да се спречи ширењето на епидемијата во Украина.

По вчерашната акција во с. Крушопек, обвинителството поведе истрага за две лица

Заврши распитот на лицата што вчера вечер беа лишени од слобода во акцијата во с. Крушопек, Општина Сарај, соопшти Обвинителството. 

Надлежен јавен обвинител од Основното јавно обвинителство за гонење на организиран криминал и корупција донесе Наредба за спроведување на истражна постапка против две лица за кои постои основано сомнение дека сториле кривично дело Неовластено производство и пуштање во промет на наркотични дроги, психотропни супстанции и прекурсори предвидено и казниво по  член 215 од Кривичниот законик.

Врз основа на прибраните докази и изјавите на лицата кои беа лишени од слобода, надлежниот обвинител до Судијата на претходна постапка при Основниот кривичен суд – Скопје вечерва достави Предлог за определување на мерка притвор за сопственикот на фирмата увозник на овошјето, додека за второ осомниченото лице предложи мерки за обезбедување присуство. Останатите две лица се ослободени, а осомничените вечерва ќе бидат изведени пред Судија на претходна постапка.

По Наредба на јавниот обвинител товарното возило во кое е откриена наркотичната дрога и целата пратка со овошје се запленети и предадени во Агенцијата за одземен имот.

Работници оставени да се задушат во илегална британска фабрика за цигари во Шпанија (ВИДЕО)

Во Шпанија е откриена илегална фабрика за цигари, каде шестмина странски работници биле најдени како се борат за воздух пред да бидат спасени, соопштија властите.

Дванаесет британски државјани се осомничени за раководење со фабриката.

Во бункерот под штали за коњи во јужната провинција Малага можело да се произведат  до 3.500 фалсификувани цигари на час.

Тоа е прва подземна фабрика за фалсификувани цигари пронајдена во ЕУ, соопштија Европол и шпанската полиција.

Шестмина украински и литвански работници биле најдени како се борат за воздух,бидејќи генераторот за да внесува воздух во подрумот не работел , зашто немал бензин.  Дваесетина лица биле уапсени претходно истиот ден, но не ја известиле полицијата дека работниците сеуште се внатре. Работниците во паника  удирале и викале одоздола додека полицијата ја пребарувала областа.

Полицајците конечно ги пронашле и ги ослободиле.

Полицијата конфискувала 153.000 пакувања цигари, повеќе од 17 тони тутун, 20 кг хашиш и 144 кг марихуана.

притисни ентер