Откриени уште осум мистериозни сигнали од вселената

Освен црната дупка , најголемата мистерија на вселената се ирадио сигналите кои се повторуваат во правилни интервали.

Станува збор за брзи пробиви на радиосигнали (FRB, fast radio bursts), што се краткотрајни и непредвидливи и доаѓаат од длабоката вселена. Ненадејно се појавуваат на некој дел од небото и траат само неколку милисекунди.Кога доаѓаат поединечно не се интересни за научниците, но сега наеднаш имало пробив на осум такви радиосигнали. Биле забележани од телескопот (Canadian Hydrogen Intensity Mapping Experiment), кој се наоѓа во долината Оканаган во Британска Колумбија .

До сега се познати вкупно 10 вакви сигнали што се повторуваат. Овие сигнали се голема мистерија , зашто траат само неколку милисекунди ,а ослободуваат за тоа време повеќе енергија од 500 милиони Сонца. Шест од осумте новооткриени радиосигнали од вселената се повториле само еднаш , а најголемото временско растојание меѓу два од нив било 20 часа.

Иако научниците сè уште не можат со сигурност да знаат од каде доаѓаат овие сигнали, тие идентификуваа пет можни извори на мистериозните FRB што можат да произведат повторливи сигнали на радио-бранови.

Така, тие веруваат дека би можеле да бидат произведени од ротирачка неутронска sвезда, две ѕвезди во процес на спојување, блицстар, црна дупка и непозната вселенска цивилизација.

Неутронските sвезди се распаднати јадра на гигантски sвезди кои беа многу пати поголеми од нашето Сонце. Тие се со дијаметар од околу 10 километри и имаат маса двојно поголема од нашата матична ѕвезда. Поради сопствената тежина, тие пропаѓаат до таков степен што повеќето протони и електрони се спојуваат во неутрони.

Научниците веруваат дека брзите ротирачки неутронски sвезди со силно магнетно поле може да предизвикаат ваков вид сигнал.

„Неутронска sвезда може да генерира сигнали како овие, но сè уште не сме запознаени со физиката што стои зад овие појави“, вели астрофизичарот од Универзитет на Британска Колумбија (УБЦ),  Ингрид Скали.

Двете неутронски sвезди кои се во процес на спојување исто така би можеле да бидат одговорни за FRB.

Според астрономот Шрихарш Тендулар, од универзитетот МекГил во Канада, ова е едно од најверојатните сценарија, но не во случај на повторени сигнали, бидејќи sвездите ќе бидат уништени во одреден момент во текот на процесот.

„Ова е катаклизмичен настан, така што не може да има повторлив сигнал“, објасни тој.

Повеќето од набљудуваните сигнали со голема брзина биле регистрирани само еднаш и може да бидат предизвикани од две sвезди кои се спојуваат, но за два повторливи сигнали, треба да се најде друго објаснување.

Блицтар е брзо ротирачка неутронска sвезда што се распаѓа под сопствената тежина и формира црна дупка.

Тоа би можел да биде објаснување за поединечните FRB.

Црните дупки би можеле да ги објаснат FRB на различни начини; на пример, може да биде дека црната дупка се распаѓа во самата себе, или дека се судрила со темна супстанција.

Помалку популарно објаснување е дека станува збор за еден вид вселенско летало произведено од технолошки напредна цивилизација. Астрофизичарот Ингрид Скали не смета дека оваа опција е веројатна.

„FRB доаѓаат од различни насоки и од различни растојанија, така што веројатно тие потекнуваат од различни галаксии“, вели Скали.

„Ми се чини многу малку веројатно дека толку различни туѓи цивилизации ќе произведат ист вид сигнал на ист начин“, објаснува таа.

Експлодира астероид во близина на Земјата (ВИДЕО)

Парче астероид што експлодира во близина на Земјата е на дното на едно од Големите езера во Северна Америка.

Астероидот летал кон нашата планета од правецот на Марс и влегол во атмосферата оставајќи зад себе огнена трага. Многу очевидци изјавиле дека виделе огнена топка на небото како минува половина милион милји пред да падне во езерото во вторникот вечерта, пренесува РТ.

Питер Браун, научник кој проучува метеори, тврди дека траекторијата на овој вселенски камен открива дека дошол од астероиден појас веднаш зад Марс.

Астрономот од Универзитетот во Западен Онтарио сподели снимка од опсерваторијата на Твитер, а може да се види како овој астероид го осветлува ноќното небо.

Дури и најмалите парчиња метеори блескаат затоа што се запалуваат кога влегуваат во атмосферата на нашата планета. Браун проценува дека ова парче е всушност дел од многу поголем метеор и смета дека е голема како топче за софтбол.

Американското метеоролошко друштво објави дека најмалку 20 луѓе го виделе овој астероид од разни локации на брегот на Северна Америка.

Засега нема информации дека астероидот наштетил на нечиј имот.

Обединетите нации стравуваат дека астероид во иднина би можел да ги погоди густо населените области на Земјата, па 30 јуни беше назначен за Меѓународен ден на астероидите за да се подигне свеста за таков потенцијално катастрофален настан.

Што се случува со Мадона- ја прекинува турнејата и постојано користи екстремни третмани за опуштање (ВИДЕО)

Иако духот може да остане младешки засекогаш, сепак телото го трпи товарот на годините.

Влегувајќи во када полна со мраз, Мадона, која сега има 61 година, направи болна гримаса за тоа што и се случува во моментот, додека нејзиното дваесет и петгодишно момче, танчарот Ахмалалик Вилијамс, внимателно ја следи седнат до  неа.

Светската турнеја на Мадона во  Америка и Европа, која ќе трае 93 дена, е извонреден напор за секој изведувач, а особено за некој кој има 61 година.

Турнејата  ,,Мадам Х” започна во септември, проследена со низа откажани настапи. Досега има осум концерти што не се одржале , а биле прекинати на барање на лекарот бидејќи Мадона се борела со „голема болка“ и исцрпеност, и покрај низата третмани кои вклучуваат трансфузија на крв, ледени бањи и масажи.

Со богатство од 400 милиони фунти и над 300 милиони продадени албуми, кралицата на поп музиката не мора никому да се докажува. Сепак, станува збор за нејзината решеност дека концертите мора да продолжат , а не од желбата да заработи повеќе пари или да добие уште поголема слава, пренесува Mirror.

Пред да го откаже наредниот концерт , Мадона им порача на своите фанови: „Да се ​​прави концерт секоја вечер ми носи толку многу радост што откажувањето го доживувам како вид казна. Болката што моментално ја чувствувам е преголема и треба да се одморам и да го послушам советот на лекарот за да можам да се вратам посилна и подобра. Иако настапите на Мадона досега биле организирани во огромни арени, овој пат концертите се изведуваат во театри каде сцената е поблиску до седиштата, со цел да се поврзе поп-sвездата со нејзината публика. На концертите, мобилните телефони не смеат да вклучени за публиката да биде фокусирана на настаните на сцена и да уживаат во концертот, за кој издвоиле од 50 до 750 долари.

Георгина на Роналдо танцува салса во тесни хеланки (ВИДЕО)

Додека Кристијано Роналдо не се поти на теренот во дресот на Јувентус, неговата скоро 10-годишна девојка Георгина Родригез обожава да танцува, особено салса.

Во видеото на Јутјуб, Шпанката танцува занесено во сиви хеланки и потпетици.

Фановите ја опсипаа со коментари за нејзиниот изглед, како и вештината на танцување.

 
 
 
 
 
 
 
 
 
 
 
 
 

Cuando te permites lo que mereces, atraes lo que necesitas. 🌸Buen día 🌸 @aloyoga 🌍

A post shared by Georgina Rodríguez (@georginagio) on

Георгина танцува во школата за танц Скула ди Бало Сампаоли. Покрај танцувањето, таа редовно оди во теретана и од таму речиси секој ден ги известува следбениците на Инстаграм.

 
 
 
 
 
 
 
 
 
 
 
 
 

🧜🏽‍♀️ @aloyoga

A post shared by Georgina Rodríguez (@georginagio) on

 
 
 
 
 
 
 
 
 
 
 
 
 

Buenos días con energía 🧡 @aloyoga

A post shared by Georgina Rodríguez (@georginagio) on

 
 
 
 
 
 
 
 
 
 
 
 
 

Mirarte a los ojos y poder ver que allí está mi mundo ❤️🌌

A post shared by Georgina Rodríguez (@georginagio) on

притисни ентер