Дали трагично загинатиот фудбалер Сала бил затруен со јаглероден моноксид ?

Според најновите податоци од анализите на трагично загинатиот фудбалњер , Емилијано Сала , во крвта имал смртоносна доза на карбоксихемоглобин.

Смртта на аргентинскиот фудбалер Емилијано Сала (28) , кој заедно си пилотот Дејвид Аботсон загинаа во пад на малиот авион во водите Ла Манш, го шокираше спортскиот свет и остави многу неодговорени прашања за причината за несреќата.

Речиси по седум месеци од падот на авионот , е објавен токсиколошкиот наод на телото на фудбалерот . Според анализите , непосредно пред смртта Сала бил изложен на висока концентрација на јаглероден моноксид.

Докторите утврдиле дека нивото на Јаглерод моноксид било толку големо , што можело да предизвика напад , несвестица, па дури и срцев удар и смрт.

Иако телото на пилотот Ајботсон сеуште не е најдено , веројатно и тој бил изложен на јаглероден моноксид , што фрла ново светло на причината за несреќата. До сега се сметаше дека искусниот пилот не можел да се снајде во невремето над Ла Манш , доедека летал од Франција кон Британија , додека ови анализи покажуваат дека поради труењето тој не бил во состојба да пилотира со малиот авион.

Во извештајот се напоменува дека нивото на карбоксихемоглобин во крвта на фудбалерот изнесувала 58% , додека нивото над 50 % се смета за смртоносна кај здрави лица.

- Кога станува збор за помалку изложеност на јаглерод моноксид, луѓето може да имаат вртоглавица и несвестица, но зголемената изложеност може да резултира со смрт. Истрагата ќе продолжи и нашата цел е да ги идентификуваме сите можни начини на кои јаглеродниот моноксид би можел да влезе во авион од овој тип - рече главниот инспектор за авионски несреќи , Џефри Херберт, додавајќи дека резултатите од истрагата ќе бидат познати следната година.

Ѓоковиќ доби обештетување од 3 милиони долари од Рио де Женеиро

Новак Ѓоковиќ е побогат за скоро 3 милиони долари откако го доби судскиот спор со бразилскиот град Рио де Женеиро.

Овој бразилски град му должeше пари на Ѓоковиќ од учеството на ревијален натпревар во 2012 година со Густав Куертен. Тогаш Новак требаше да добие 1,1 милиони долари, но му биле исплатени само 650 000 долари, па Ѓоковиќ поднесе тужба.

Седум години откако започна спорот, случајот е затворен. Судот пресуди во корист на српскиот тенисер, а со сите камати , Рио де Женеиро сега ќе мора да плати скоро три милиони долари.

Лига на шампионите ќе го менува форматот!?

УЕФА и Здружението на европските клубови се блиску до договор за промена на форматот на најсилното фудбалско натпреварување на Стариот континент Лигата на шампионите од 2024 година.

Според наводите на англискиот „Тајмс“ во план е зголемување на бројот на натпревари и воведување на уште една групна фаза. Ваква фаза постоеше во периодот на основање на новиот формат на натпреварувањето од 1992 до 2003 година.

На тој начин клубовите кои би ја минале групната фаза би играле дополнителни шест средби за пласман во елиминациската рунда, односно меѓу осумте најдобри во четврт-финалето.

УЕФА со вакво решение и одлука сака да ги натера најдобрите и најбогатите клубови веќе да не размислуваат на идејата за формирање на затворена Суперлига. Но, се поставува прашање како на новиот формат би реагирале клубовите од Англија, кои и онака играат голем број на натпревари. Премиерлигашите и онака имаат густ распоред и практично играат без одмор.

Организаторите за загадениот воздух на Австралија Опен: Виновни се телефонските апликации

Одигрувањето на Австралија опен е доведено во прашање откако организаторите се борат со проблемот со загадувањето на воздухот како резултат на шумските пожари кои ја опустошија земјата.

Првиот ден беше одбележан со откажување на Далила Јакуповиќ, кој имаше проблеми со дишењето и силна кашлица предизвикана од загадениот воздух, но и бројни поплаки од играчите дека не можеле да дишат и дека брзо се умориле. Вториот ден се случи тричасовна пауза поради тешкото загадување на воздухот, аа после тоа да се појават првите шпекулации за евентуално одложување на целиот турнир.

И покрај сè, директорот на Австралија опен Крег Тили изјави дека првиот Грен слем на сезоната ќе започне навреме, како што беше планирано.

„Постојат многу шпекулации дали Австралија опен ќе започне навреме или ќе биде одложен. Турнирот ќе се одржи“, изјави Тили, истакнувајќи дека го разбира гневот на играчите, но исто така додаде дека верува дека има забуна околу различните мерења на квалитетот на воздухот во зависност од која апликација или веб-услуга се користи.

"Прашањето на квалитетот на воздухот е збунувачко и комплицирано. Постојат различни форми на мерење кои се многу покомплексни отколку што можат да понудат телефонските апликации. Важно е да имате доверба во медицинските совети и научните експерти кои секојдневно го анализираат квалитетот на воздухот. Безбедноста, благосостојбата и здравјето на играчите, се наш приоритет “

Според него, системот за мерење на загадувањето треба да ја надмине границата од 200 единици, а тоа никогаш не се случило од почетокот на натпреварите.

притисни ентер