Алијанса за Албанците со реакција до Заев поради Блерим Беџети и ДУИ

Партијата Алијанса за Албанците преку соопштение испрати реакција до јавноста за околу  конфликтот на релација Зоран Заев и Блерим Беџети. Од партијата пишуваат неколку пораки и прашања за премиерот Заев.

-Почитуван премиер, не знаеме која е вистината на изјавата на Блерим Беџети во неговите тврдења дека вие сте побарале помош од него, токму за да влијае за разрешување на Јово Вангеловски. Веруваме дека ја слушнавте бомбите кои што сами ги објавивте, како тој, заедно со челниците на ВМРО-ДПМНЕ, инсталираа партиски судии и обвинители кои беа во служба на режимот ВМРО-ДУИ. Парадоксално е вие да побарате негова помош и на ДУИ за да го реформирате правосудниот систем, токму од оние кои ја доведоа правдата во мизерна состојба, без трунка доверба и кредибилитет, се истакнува во реакцијата на Алијанса за Албанците.

Понатаму од партијата му забележуваат на Заев за односот со ДУИ.

-ДУИ продолжува да ги брани сите функционери на ВМРО-ДПМНЕ и нејзините блиски луѓе, што не тера да сфатиме дека оваа коалиција е сè уште жива, исто како што беше некогаш кои не дозволија да му се одземе мандатот на Трајко Велјановски за случајот 27-ми Април, исто како и пред неколку дена кога не дозволија да биде разрешен претседателот на Врховниот суд Јово Вангеловски. Премиеру, вие имавте прилика да создадете услови функционерите на ДУИ вклучени во корупција и организиран криминал, заедно со партиските судии и обвинители, да дадат отчет за нивното минато, но вие тоа не го сторивте. вие ги амнестирате, а потоа барате помош од нив, и да не не чуди ако сте станале исти како нив, се наведува во реакцијата на Алијансата за Албанците. /МИА

Фото: Ким Кардашијан драстично го промени изгледот

Најпознатата американска старлета Ким Кардашијан драстично го променила својот изглед.

Ваква боја на косата Ким немала никогаш.

За само неколку дена по трет пат е главна тема во светскиот шоу-бизнис. Прво јавноста дозна дека Ким и нејзиниот сопруг Канје Вест станале милијардери, потоа дека можеби тие двајца наскоро ќе влезат во претседателскиот кабинет. Сега Ким е актуелна во медиумите поради тоа што станала црвенокоса.

Популарната старлета со бујни облини на својот профил на Инстаграм објавила селфи на кое ја по прв пат ја покажала новата боја на косата.

Видео: Китови во Јадран!?

Во близина на брегот на Јадранското море во Хрватска забележани биле две големи суштества, два кита.

Залутаните китови предизвикале страв меѓу туристите во Корчула. Китовите пливале на околу 150 метри оддалеченост од брегот во близина на стариот град во Корчула.

Огромните цицачи кратко пливале крај брегот и потоа го продолжиле својот пат кон отвореното море.

Појавата на китови во близина на брегот предизвикала страв меѓу туристите.

-Некои коментирале дека веќе нема да влезат во морето и да пливаат.

Покрај во Корчула китовите биле видени и од месното население и туристите во Ново Винодолско.

Италијанец погоди „шестка“ и доби 60 милиони евра

Среќен Италијанец е побогат за фантастични 60 милиони евра.

Анонимен Италијанец играл „ SuperEnalotto" и погодил „шестка“ за добивка од 60 милиони евра.

Добитните броеви биле 16, 24, 29, 53, 73 и 88, „ Jolly" бројот бил 62, а суперстар“ бројот бил 50 .

Среќниот добитник неверојатната награда од 60 милиони евра ја добил со вложени само три евра.

притисни ентер