Неделен хороскоп од 19.8. до 26.8. 2019 година

Неделен хороскоп за периодот од понеделник, 19. август до 26. август 2019 година. 

Лав 23.7-22.8.

Љубов

Малку нов поттик во вашиот љубовен живот ќе ја освежи вашата врска. затоа дајте се од себе за да осигурате квалитетен однос со личноста која ви се допаѓа. Ќе има малку нервоза и недоразбирања , но не им придавајте значење.

Кариера

Пред вас се предизвици на креативност и храброст. Само со примена на такви вештини можете да успеете. Повлеченост или механичко одработување моментално не ви се добро поставени. Клучот на успехот за вас се наоѓа во прифаќање на предизвиците.

Здравје

Најдете содржини што ви се допаѓаат.

Девица 23.8.-23.9.

Љубов

Без оглед на секогаш неповолните љубовни околности , вие ќе бидете оптимист. Затоа нема да бидете сами , туку ќе излегувате меѓу луѓе. Ќе бидете одлично прифатени поради позитивниот став. Така со сопственото однесување ќе си го подобрите интимниот живот.

Кариера

Се што ќе работите некако ќе оди во сенка . Сепак , поради тоа што сте свесни за своите претходни успеси, тоа што сега не сте во прв план , нема да ви пречи како што се случувало претходно. Не може сите коцкички во исто време да си дојдат на свое место.

Здравје

Имајте трпение во секој аспект од животот.

Вага 24.9.-23.10

Љубов

Саканата личност ќе зрачи многу повеќе од вас , па слободно препуштете и да ве води. Таа овие денови значително подобро ќе го осмисли вашето слободно време , отколку вас самите. Препуштете и се со доверба. Бидете како дете и уживајте во животот.

Кариера

Чекате други да дадат свое мислење за она што сте го сработиле со своите соработници. Тие ќе ве поддржат , а вие самите од себе ќе барате уште повеќе. Понекогаш вашите очекувања ќе бидат нереално високи. Бидете пореални и пољубезни.

Здравје

Внимавајте на квалитетот на исхраната.

Шкорпија 24.10-22.11.

Љубов

Оние кои се во врска ќе се трудат уште повеќе да го зацврстат односот со саканата личност. Ќе ,,поработат” уште некои мали правила што ќе бидат основа за постабилни критериуми во меѓусебните односи. Оние кои уште се сами , нема премногу да излегуваат , но ќе бидат добро. 

Кариера

Веројатно ќе имате зголемен обем на обврски , но бидејќи нивниот карактер во најголем дел ви е интересен , нема да ви биде тешко да работите. Проблемот ќе биде во недостиг на енергија , па подгответе подобар план и штедете си ја силата.

Здравје

Расте вашиот интерес за грижа за здравјето . Наспијте се.

Стрелец 23.11.-21.12.

Љубов

Се наоѓате во интересен љубовен период , во кој нема да недостига страст, како ниту опуштеност во односите со личноста која ја сакате. Некои со задоволство ќе излегуваат со пријатели. Главно , малкумина се оние кои ќе бидат сами. И тие ќе излегуваат меѓу луѓе.

Кариера

Можеби се уште чекате одговори на некои прашања. Како што тие засега изостануваат , ќе мора да се снајдете со она што го знаете и имате. Тоа за вас нема да биде голем проблем , но ќе има такви кои и натаму ќе треба да ги обучувате.Помогнете им со своето знаење.

Здравје

Потпрете се на блиските за да се чувствувате пријатно.

Јарец 22.12.-20.1.

Љубов

Наредните денови ќе дојде до постепено подобрување на вашиот интимен живот. Луѓето повторно ќе станат поотворени кон вас и обратно. Многумина својата врска ќе ја обноват со излегување на некое убаво место. Осамените повторно ќе се разбудат и ќе излезат од дома.

Кариера

Можно е да излезе на виделина нешто што долго се очекувало. Тоа ќе предизвика нови поттици за вас и ќе ја придвижи работата во нова насока. Сите ќе се прилагодуваат. Вие ќе бидете личност од доверба. На некои ќе им бидете пример како треба да се работи.

Здравје

Ќе истражувате се околу себе.

Водолија 21.1.-19.2.

Љубов

Богатството кое сега го живеете ќе се рефлектира на вашите лични односи на различни начини. Можете да бегате, можете да истрпите , може иронично да се смеете. Вњеројатно вие ќе ги поминете сите такви реакции , а силата ќе ја црпите од љубовта и меѓусебната доверба.

Кариера

Ќе има уште некои мали борби чиј резултати ќе зависат од вашата способност за соработка со другите. Ќе треба малку трпение , а тоа ќе ве нервира.Од вас зависи како ќе се носите со барањата што ви се доставени.Бидете професионални.

Здравје

Не може ништо да се постигне со сила.

Риби 20.2.- 20.3.

Љубов

Убедливоста со која ќе зрачите ќе ги привлекува дури и оние на кои не им се допаѓате. Ако барате сродна душа и уште сте сами , потпрете се во целост на вашата самодоверба. Дури и ако на почетокот не оди се како подмачкано , работите ќе се развиваат во ваша корист.

Кариера

Конечно некои други ќе се придвижат. Информациите што веќе некое време ги очекувавте од нив , ќе стигнат. Тоа ќе расчисти некои дилеми во оперативното ниво на работата, па ќе почнете да работите полесно , појасно и ќе се знае што е чија задача.

Здравје

Некои ќе уживаат со пријателите.

Овен 21.3-20.4.

Љубов

Вашата потреба за сигурност ќе биде силна речиси целата оваа недела. Затоа многумина ќе се согласат и на компромиси. Сепак , во длабочината на душата ќе зачувате некои свои желби и нема да се откажете од нив. само нема да ги покажувате. Ќе имате верба во иднината.

Кариера

Следејќи го својот пат ќе дојдете до фаза кога треба да бидете на услуга на другите. Токму ваквата доблесна особина ќе дојде до израз овие денови и тоа најмногу зашто состојбата ќе се равие во таква насока. Ќе им помогнете на многумина околу себе.

Здравје

Ќе ви недостига енергија. Штедете се.

Бик 21.4- 20.5.

Љубов

Некои ќе заминат на пократко патување или на излет , што би можел да им остане во незаборавно сеќавање и убав спомен. Други ќе дочекуваат роднини кои ќе ги поврзат со личност за која искрено чќе се заинтересираат. Сите ќе бидат меѓу луѓе и насмеани.

Кариера

Успехот ќе ви биде на дофат , но кога малку подобро ќе размислите , ќе сфатите дека на сето тоа му недостига вистинска содржина. Однадвор сјај , одвнатре празнина.

Здравје

Дефинирајте ги своите критериуми.

Близнаци 21.5.-21.6.

Љубов

Следните денови ќе имате бројни шанси за да ги подобрите односите со луѓето околу себе. Со малку поголема отвореност , се ќе излезе на подобро. Ваше е да се потрудите.

Кариера

Ќе барате нешто , а ни самите нема да бидете сигурни што е тоа. Поради тоа повремено ќе делувате збунето ,како себеси , така и на колегите. Застанете и размислете кои се вашите деловни цели и приоритети.

Здравје

Не заборавете да се опуштите.

Рак 22.6-22.7.

Љубов

Деновиве нема да дојде до значајна промена во вашите лични односи . Ќе имате навистина доволно мотивации , а особено за комуникација , па многумина со зборови ќе надоместиваат она што им недостиганна емотивен план. Ќе успаеат во тоа.

Кариера

Прегледот на минатиот период ви буди надеж во другите , но не ја подигнува вашата лична самодоверба.Сепак , овие денови ќе имате шанси за повеќе да се покажете и да ги докажете своите работни способности. затоа не се двоумете, туку засукајте ги ракавите и работете.

Здравје

Почнете да спортувате.

Прогласувањето на Шара за национален парк ќе ја покаже зрелоста кон европските вредности

 Процесот на прогласувањето на Шар Планина за национален парк финишира заедно со процесот на почнување на преговори за членство во Европската унија. 

Зачувувањето на животната средина ќе покаже колку сме созреани во насока на европските вредности во оваа област, посочија денеска учесниците на настанот „Шар Планина како европска еколошка вредност" што го организираше Секретаријатот за европски прашања и општина Тетово.

– ЕУ не е само политичка унија на држави, тоа е систем на идеи и вредности, регулативи и директиви, а животната средина е едно од важните прашања на тие вредности кои ние мора да ги почитуваме, не поради ЕУ, туку поради нас самите. Заедно со општината и со амбасадорите ја промовираме потребата од прогласување на Шара за национален парк. Работите привршуваат и во наредните месеци очекуваме тоа да се реализира и драго ми е што таа динамика коинцидира со процесот на започнување на преговори со што даваме две пораки дека политички созреваме да станеме дел од Унијата, а и дел од практичните прашања како што е животната средина сме подготвени да ги живееме европски. Република Северна Македонија има девет проценти заштита во смисла на биодиверизитетот, а со прогласување на Шар Планина, тој процент бил се зголемил на 12 проценти со што се доближуваме на европските стандарди за заштитено подрачје, изјави вицепремиерот за европски прашања Бујар Османи.

Според градоначалничката на Тетово, Теута Арифи, стратешки е важно да се прогласи Шара за национален парк, да се зачуваат природните богатства и да се развие еко туризам кој ќе биде додадена вредност.

Стручните лица од животната средина ја потенцираа потребата од итно прогласување на Шар Планина за национален парк.

– Од 1994 има иницијативи за прогласување на Шара, но никогаш не вродија со плод. Сега сметам дека климата е подобрена и се ближиме до крајот. Ќе ги заштитиме сите природни ресурси и богатствата кои ги има, вели професорот Славчо Христовски од Македонско еколошко друштво.

Во рамки на настанот, учесниците пешачеа од месноста Сидол кај Попова Шапка до Шипковички бачила близу шарпланинското село Шипковица каде беше подготвен – пикник со традиционални јадења. 

Алцхајмерова болест – тивок крадец на спомените и епидемија на 21 век

Според светската статистика во нашата земја би требало да има околу 20 илјади заболени од Алцхајмерова болест, а само 20 проценти се дијагностицирани и третирани.

Под мотото „Сети се" со слушање на музика од минатото и гледање на стари филмови денеска на плоштадот „Македонија" во организација на Институтот за Алцхајмерова болест и невронаука се одбележа 21 Септември – Светскиот ден на Алцхајмеровата болест која се нарекува епидемија на 21 век.

Првата дама, сопругата на претседателот на Македонија, Елизабета Ѓоргиевска порача дека деменцијата не засега сите нас и започнува тивко и незабележително, а трае долго.

– Бројките се алармантни. Во светот до 2020 година околу 50 милиони луѓе ќе бидат заболени од Алцхајмерова деменција, а ако не се пронајде лек до 2050 година, тој број трикратно ќе се зголеми, изјави Ѓоргиевска.

Нагласи дека нашиот придонес во борбата со неа ги надминува медицинските достигнувања и навлегува во сферата на човековите доблести.

– Колку повеќе ја поттикнуваме кај себе човечноста, разбирањето и информираноста на болеста, толку повеќе влијаеме за создавање хуимани услови за живот и подеднакви услови за сите. Треба да им се помогне на луѓето кои трагаат по сеќавањата и не ги препознаваат своите најлиски. Да ги разбереме и да им помогнеме иднината да им стане посреќна. Можно е да се живее со деменција, но најважна е личноста, а не болеста, изјави Ѓоргиевска.

Габриела Новотни од Институт за Алцхајмерова болест и невронаука, вели дека ова е една од најтажните болести, која ни ги краде сите спомени и сеќавања, со еден збор сето она што во животот ќе го заработиме.

– Потребно е активно да се бориме против митот дека заборавањето е дел од нормалното стареење. Забораваме сите како последица на расеаност, но доколку тоа се повторува и ги попречува нашите секојдневни активности потребно е да се побара помош, истакна Новотни.

Посочи дека како минуваат годините и како расте животниот век, така ризикот за Алцхајмеровата болест е поголем и многу почеста е болеста со доцен почеток, над возраст од 65 години.

– Идејата за организацијата на овој настан е произлезена од реминисцентната терапија. Тоа е терапија со потсетување. Алцхајмеровата болест ги краде спомените кои се последни запаметени. Старите спомени, времињата на нивната младост последни ќе исчезнат, затоа слушањето на музика од нивната младост и гледање на фотографии, буди многу пријатени емоции и се намалува агресивноста, вели Новотни.

Со тоа, посочи таа, се штеди злоупотреба на многу лекови кои се препишуваат за смирување и се подобрува квалитетот на животот преку нефармаколошки третман. 

Авион на „Делта Ерлајнс“одеднаш пропаднал за повеќе од девет километри – патниците во паника

Авион на авиокомпанијата ,,Делта Ерлајнс“ кој летал на линијата од Атланта кон Форт Лодердејл , одеднаш пропаднал  неколку километри .

- Патниците во авион на „Делта ерлајнс“ биле шокирани откако авионот одеднаш „пропаднал“ повеќе од девет километри, поради што се отвориле и паднале маските за кислород.

Патниците се испаничиле претпоставувајќи дека тоа се последните мигови од нивниот живот па почнале да им испраќаат пораки на најблиските со содржина ,, те сакам“.

Една од стјуардесите повеќепати преку разглас ги молела луѓето да не паничат ,но паниката била посилна од апелот за смиреност.

Авиокомпанијата извинувајќи им се на патниците и нивните семејства,соопшти дека во текот на летот имало проблеми со притисокот во кабината и затоа авионот бил пренасочен кон Тампа во Флорида каде што безбедно слетал.

притисни ентер